ປະຈຸບັນມີການລະບາດໃຫຍ່ຂອງພະຍາດອີໂບລາຢູ່ປະເທດເຊຣາລີ, ອອນໄລບີເຣຍ, ກີນີ ແລະ ໄນຈີເຣຍ ໃນທະວີບ
ອາຟຣິກກາ ຂະນະທີ່ປະເທດເຮົາຍັງບໍ່ມີການລະບາດ ແຕ່ກໍມີຄວາມສ່ຽງຈາກການເຂົ້າຂອງຜູ້ໂດຍສານທີ່ເດີນທາງ
ມາຈາກປະເທດທີ່ມີການລະບາດ ສະນັ້ນ ເມື່ອວັນທີ 26 ສິງຫາຜ່ານມາ ເພື່ອເປັນການປ້ອງກັນ ແລະ ສະກັດກັ້ນ
ທ່ານ ທອງສິງ ທຳມະວົງ ນາຍົກລັດຖະມົນຕີຈິ່ງໄດ້ອອກຄຳສັ່ງໃຫ້ທຸກຂັ້ນ ເອົາໃຈໃສ່ການປ້ອງກັນ ແລະ ສະກັດກັ້ນ
ຂອງພະຍາດດັ່ງກ່າວຢ່າງເຂັ້ມງວດ ແລະ ທັນການ.
ຕາມຂໍ້ມູນຈາກຫ້ອງການລັດຖະບານໃຫ້ຮູ້ວ່າ: ກະຊວງສາທາລະນະສຸກເປັນຈຸດປະສານງານສະກັດກັ້ນພະຍາດ
ອີໂບລາ ໂດຍເອົາໃຈໃສ່ຕິດຕາມສະພາບການລະບາດຂອງພະຍາດດັ່ງກ່າວໃນທົ່ວໂລກ ຢ່າງໃກ້ຊິດປະສານສົມທົບ
ກັບອົງການຈັດຕັ້ງສາກົນ ແລະ ປະເທດອາຊຽນໃນການແລກປ່ຽນຂໍ້ມູນຂ່າວສານ ແລະ ມາດຕະການກັນພະຍາດ
ຕາມລະບຽບສາທາລະນະສຸກສາກົນເຜີຍແຜ່ຄວາມຮູ້ ແລະ ວິທີປ້ອງກັນຕົນເອງໃຫ້ປະຊາຊົນ.
ເພີ່ມທະວີການເຝົ້າລະວັງໃນທົ່ວປະເທດຮັບປະກັນໃຫ້ມີແພດປະຈຳຢູ່ດ່ານສາກົນຕ່າງໆ ໂດຍສະເພາະໃນສະໜາມ
ບິນສາກົນວັດໄຕ ແຂວງຫຼວງພະບາງ, ສະຫວັນນະເຂດ, ຈຳປາສັກ ແລະ ຂົວມິດຕະພາບ 1, 2, 3 ແລະ 4 ເພື່ອກວດ
ກາ ແລະ ຕິດຕາມທຸກໆຜູ້ໂດຍສານທີ່ເດີນທາງມາຈາກປະເທດທີ່ມີການລະບາດ ແລະ ໃຫ້ກັກກັນຜູ້ໂດຍສານດັ່ງ
ກ່າວ ຖ້າຫາກວ່າມີອຸນຫະພູມຫຼາຍກວ່າ 38 ອົງສາ.
ເລັ່ງສ້າງຄວາມເຂັ້ມແຂງຫ້ອງວິເຄາະໃນການບົ່ງມະຕິຢັ້ງຢືນພະຍາດອີໂບລາ ກະກຽມຫ້ອງແຍກປ່ຽວພາຫະນະອຸປະ
ກອນຢາ ແລະ ສານເຄມີ ສືບຕໍ່ຝຶກອົບຮົມໃຫ້ພະນັກງານແພດໝໍ ແລະ ພະນັກງານປະຈຳດ່ານກ່ຽວກັບການຄຸ້ມ
ຄອງກໍລະນີພະຍາດລະບາດ ສືບຕໍ່ປັບປຸງທີມງານຕອບໂຕ້ດ່ວນ ພ້ອມທັງເລັ່ງສ້າງແຜນງົບປະມານເພື່ອປ້ອງກັນ
ແລະ ສະກັດກັ້ນການລະບາດຂອງພະຍາດອີໂບລາແລ້ວ ນຳສະເໜີຕໍ່ລັດຖະບານ ເພື່ອພິຈາລະນາດ່ວນ.
ທ່ານເຈົ້າຄອງນະຄອນຫຼວງວຽງຈັນ ແລະ ບັນດາເຈົ້າແຂວງໃນທົ່ວປະເທດ ໃຫ້ເອົາໃຈໃສ່ຊີ້ນຳນຳພາພະແນກການ
ຕ່າງໆອ້ອມຂ້າງຂອງຕົນ ກໍຄືອຳນາດການປົກຄອງຂັ້ນເມືອງ ແລະ ຂັ້ນບ້ານລະດົມພໍ່ແມ່ປະຊາຊົນທຸກຄົນມີສ່ວນ
ຮ່ວມໃນການກັນພະຍາດອີໂບລາຢ່າງເປັນເຈົ້າການ ແລະ ໃຫ້ກະຊວງປ້ອງກັນຄວາມສະຫງົບ ໂດຍສະເພາະພາກ
ສ່ວນຮັບຜິດຊອບດ່ານກວດກາຄົນເຂົ້າອອກເມືອງ ຢູ່ບັນດາດ່ານສາກົນໃນທົ່ວປະເທດເອົາໃຈໃສ່ເຂັ້ມງວດຕໍ່ການ
ເຂົ້າຂອງຜູ້ໂດຍສານ ທີ່ເດີນມາຈາກປະເທດທີ່ມີການລະບາດ ຊຶ່ງຕ້ອງໄດ້ຜ່ານການກວດກາໂດຍເຈົ້າໜ້າທີ່ແພດ
ປະຈຳດ່ານກ່ອນທຸກຄັ້ງ.
ສຳລັບກະຊວງການຕ່າງປະເທດໃຫ້ຕິດຕາມ ແລະ ເກັບກຳຂໍ້ມູນການຂໍອະນຸມັດວີຊາເຂົ້າປະເທດຂອງຜູ້ທີ່ມາຈາກ
ປະເທດທີ່ມີການລະບາດ ໃນໄລຍະ 21 ວັນຜ່ານມາ ແລ້ວແຈ້ງໃຫ້ກະຊວງສາທາລະນະສຸກຊາບ ແລະ ແນະນຳໃຫ້ພົນ
ລະເມືອງລາວຫຼີກລ້ຽງການເດີນທາງທີ່ບໍ່ຈຳເປັນໄປປະເທດດັ່ງກ່າວ.
ດ້ານກະຊວງຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ ໂຄສະນາເຜີຍແຜ່ທາງໂທລະພາບວິທະຍຸ ແລະ ອື່ນໆ ໃຫ້
ຄວາມຮູ້ທົ່ວໄປທີ່ຖືກຕ້ອງແກ່ປະຊາຊົນ ໃນການປ້ອງກັນພະຍາດ ແລະ ເນາະນຳໃຫ້ປະຊາຊົນເພື່ອແຈ້ງ ແລະ ສອບ
ຖາມຂໍ້ມູນເພີ່ມເຕີມທາງສາຍດ່ວນກະຊວງສາທາລະນະສຸກ 166 ຕະຫຼອດ 24 ຊົ່ວໂມງ.
ຂະນະທີ່ກະຊວງໂຍທາທິການ ແລະ ຂົນສົ່ງໃນຄຳສັ່ງລະບຸໃຫ້ອຳນວຍຄວາມສະດວກສະຖານທີ່ ໃນການກວດກັ່ນຕອງ
ຢູ່ບັນດາດ່ານສາກົນຕ່າງໆ ໂດຍສະເພາະໃນສະໜາມບິນສາກົນວັດໄຕ, ແຂວງຫຼວງພະບາງ, ສະຫວັນນະເຂດ, ຈຳປ
າສັກ ແລະ ບັນດາຂົວມິດຕະພາບ 1, 2, 3 ແລະ ຂົວມິດຕະະພາບ.
ແຫຼ່ງຂ່າວ: ເສດຖະກິດ – ສັງຄົມ