ສຳນັກຂ່າວ ຣອຍເຕີລາຍງານຈາກນະຄອນຫຼວງ ແບກແດດ ປະເທດ ອິຣັກ ເມື່ອວັນທີ 29 ຕຸລາ 2017 ວ່າ ການເພີ່ມຂຶ້ນຂອງປະລິມານນ້ຳມັນສົ່ງອອກມີຂຶ້ນຫຼັງຈາກອິຣັກຕິດຕັ້ງທຸ່ນຮັບນ້ຳມັນດິບ (ເອສພີເອັມ) ໃໝ່ໃນອ່າວເປີເຊຍ ທ່ານ ຈາບາຣ໌ ອັລ-ລູໄອບີ ລັດຖະມົນຕີກະຊວງນ້ຳມັນອິຣັກ ກ່າວໃນຖະແຫຼງການເມື່ອວັນອາທິດທີ່ຜ່ານມາວ່າ ປະລິມານການສົ່ງອອກນ້ຳມັນຂຶ້ນສູ່ລະດັບສູງຢ່າງບໍ່ເຄີຍເປັນມາກ່ອນ ການຕິດຕັ້ງທຸ່ນຮັບນ້ຳມັນດິບແຫ່ງໃໝ່ເຮັດໃຫ້ປະລິມານການສົ່ງອອກເພີ່ມຂຶ້ນອີກ 9 ແສນບຣາເຣລຕໍ່ມື້ ເຊິ່ງໃນຂະນະນີ້ອິຣັກມີເອສພີເອັມປະຕິບັດງານ 4 ແຫ່ງ ສຳລັບການຂົນຖ່າຍນ້ຳມັນໃສ່ເຮືອບັນທຸກ