ກຸ່ມ ISIS ໂຫດ ຂ້າສັງຫານໝູ່ທະຫານຊີເຣຍ 250 ຄົນ ແບບບໍ່ກະດຽມມື ພ້ອມເຜີຍແຜ່ຮູບພາບຜ່ານເວັບໄຊ
ໄປທົ່ວໂລກ.
ເມື່ອວັນທີ 28 ສິງຫາ 2014 ຜ່ານມານີ້ ສຳນັກຂ່າວຕ່າງປະເທດລາຍງານວ່າ ກຸ່ມຕິດອາວຸດມຸດສະລິມນິກາຍສຸ
ໜີ່ຫົວຮຸນແຮງ ເຊິ່ງຮຽກຕົນເອງວ່າກຸ່ມ ISIS ໄດ້ອອກປະກາດວ່າ ກຸ່ມຕົນໄດ້ສັງຫານໝູ່ທະຫານຊີເຣຍຕາຍ
ຢ່າງໜ້ອຍ 250 ຄົນພາຍຫຼັງສາມາດຍຶດຖານທັບອາກາດຂອງກອງທັບລັດຖະບານຊີເຣຍໄດ້ ໃນເມືອງຣັກກາ
ທາງພາກຕາເວັນອອກສ່ຽງເໜືອຂອງປະເທດຊີເຣຍ, ໂດຍກຸ່ມ ISIS ເຊິ່ງແຈ້ງຂ່າວຢ່າງບໍ່ສະທົກສະທ້ານ ເຖິງ
ການສັງຫານໝູ່ຂອງພວກຕົນ ຜ່ານທາງເວັບໄຊຂອງກຸ່ມ ພ້ອມຍັງລະບຸອີກວ່າ ການສັງຫານໝູ່ທະຫານຊີເຣຍ
ດັ່ງກ່າວນີ້ ເກີດຂຶ້ນເມື່ອວັນພຸດ (27 ສິງຫາ 2014) ທີ່ຜ່ານມາ ອີກທັງຍັງອ້າງ ນັບແຕ່ວັນທີ 19 ສິງຫາ 2014 ທີ່
ຜ່ານມານີ້ ກຸ່ມ ISIS ໄດ້ສັງຫານທະຫານລັດຖະບານຊີເຣຍແລ້ວໄປແລ້ວເຖິງ 600 ຄົນ.
