ຕາມຂ່າວ ຕ່າງປະເທດ, ເມື່ອບໍ່ດົນມານີ້, ເຈົ້າໜ້າທ່ີ ຂັ້ນສູງໄທໃຫ້ຮູ້ວ່າ ປະເທດນີ້ ແລະ ຈີນ ຈະເພີ່ມທະວີຮ່ວມມື ໂຄງການ ກໍ່ສ້າງເສັ້ນທາງ ລົດໄຟ ເຊື່ອມຈອດ ລະຫວ່າງ ນະຄອນຣາດຊາສີມາ ແລະ ບາງກອກ, ເຊິ່ງມີຄວາມຍາວ 253 ກິໂລແມັດ ໂດຍຈະເລີ່ມຕົ້ນ ເຂົ້າສູ່ການ ເຄື່ອນໄຫວ ໃນເດືອນ ພະຈິກນີ້.
ເມື່ອເດືອນ ກໍລະກົດ ຜ່ານມາລັດຖະບານໄທໄດ້ອະນຸມັດບ້ວງເງິນ 5 ຕື້ໂດລາສະຫະລັດ ເພື່ອກໍ່ສ້າງເສັ້ນທາງລົດໄຟຄວາມໄວສູງລະຫວ່າງ ໄທ ແລະ ຈີນ.
ຄາດວ່າ ໄລຍະທຳອິດ ຈະມີຄວາມຍາວ 250 ກິໂລແມັດ ເພື່ອເຊື່ອມຈອດ ລະຫວ່າງ ບາງກອກ ແລະ ນະຄອນຣາດຊາສີມາ ຫລື ຮຽກວ່າໂຄລາດ ແລະ ຈະເປີດກວ້າງ ອອກໄປເຖິງ ໜອງຄາຍ, ເຊິ່ງເປັນ ເຂດຊາຍແດນ ລະຫວ່າງ ໄທ ແລະ ສປປລາວ ເພື່ອແນໃສ່ ເຊື່ອມຈອດ ກັບທາງພາກໃຕ້ ຂອງ ຈີນ
ແຫລ່ງຂ່າວ: ສຳນັກຂ່າວສານປະເທດລາວ