ເມື່ອວັນທີ 2 ຕຸລາ 2017 ສຳນັກຂ່າວຕ່າງປະເທດລາຍງານເຫດການກາດຍິງສະເທືອນຂວັນຄັ້ງຮ້າຍແຮງທີ່ສຸດໃນປະຫວັດສາດຍຸກໃໝ່ຂອງສະຫະລັດອາເມລິກາ ໃນນະຄອນລາສເວກັສ ລັດເນວາດາ ເມື່ອມີຄົນຮ້າຍຍິງກະໜ່ຳຫຼາຍຮ້ອຍນັດຈາກຊັ້ນ 32 ຈາກໂຮງແຮມ ມັນທະເລເບຍຣີສອດ ແອນ ກາສິໂນ ໃສ່ຝູງຊົນທີ່ເຂົ້າຮ່ວມງານເທດສະການງານດົນຕີຄັນທຣີ ຣູດ 91 ຮາເວສ ຢ່າງບໍ່ເລືອກໜ້າ ເຮັດໃຫ້ຜູ້ຄົນຈຳນວນຫຼາຍແຕກຕື່ນໜີຕາຍ ເຫດການຄັ້ງນີ້ເຮັດໃຫ້ມີຜູ້ເສຍຊີວິດ 59 ຄົນ ແລະ ບາດເຈັບກວ່າ 527 ຄົນ ສ່ວນມືປືນຍິງຕົວຕາຍ
ປະທານາທິບໍດີໂດນັລ ທຣັມ ຜູ້ນຳສະຫະລັດ ໂພສຂໍ້ຄວາມຜ່ານທະວິດເຕີວ່າ ຂໍສະແດງຄວາມເສຍໃຈແກ່ຄອບຄົວ ແລະ ຍາດພີ່ນ້ອງຂອງຜູ້ເສຍຊີວິດ ຮວມເຖິງຜູ້ບາດເຈັບຈາກເຫດການດັ່ງກ່າວ ນອກຈາກນີ້ຍັງຖະແຫຼງການປະໜາມເຫດການດັ່ງກ່າວນີ້ວ່າ ເປັນການກະທຳຂອງປີສາດຮ້າຍ ທັງນີ້ ທຣັມໄດ້ເດີນທາງໄປທີ່ລັດເວກັສມື້
ຫຼ້າສຸດ ເອເອຟພີລາຍງານວ່າ ກອງກຳລັງລັດອິສລາມ ຫຼື ໄອເອສ ອອກມາອ້າງວ່າ ຜູ່ກໍ່ການຮ້າຍເປັນສະມາຊິກໄອເອສ ໂດຍຖະແຫຼງການທີ່ເຜີຍແຜ່ສື່ໂຄສະນາຊວນເຊື່ອຂອງໂອເອສ ລະບຸວ່າ “ມືປືນທີ່ລາສເວກັສເປັນນັກຮົບຂອງໄອເອສ ມຸ່ງເປົ້າໂຈມຕີປະເທດພັນທະມິດ” ແຕ່ຢ່າງໃດກໍ່ຕາມຍັງບໍ່ມີຫຼັກຖານວ່າກຸ່ມໄອເອສເປັນຜູ່ຢູ່ເບື້ອງຫຼັງແທ້ ຫຼື ບໍ່?
https://youtu.be/iyqvYs9MyUw