ຂ່າວບັນເທີງມື້ນີ້ເຮົາຍັງຕາມຕິດກະແສຂ່າວເວທີການປະກວດນາງງາມ ເຊິ່ງບັນເທີງກັບລາວໂພສຈະພາທຸກທ່ານມາສ່ອງອີກໜຶ່ງເວທີການປະກວດຢ່າງ Miss Grand International 2017 ເຊິ່ງໃນປີນີ້ປະເທດຫວຽດນາມເປັນເຈົ້າພາບຈັດການປະກວດ ໃນມື້ຮອບຕັດສິນແມ່ນຈະມີຂຶ້ນໃນຄ່ຳຄືນຂອງວັນທີ 10 ຕຸລາ 2017.
ສຳລັບປີນີ້ເປັນຄັ້ງທຳອິດທີ່ ສປປ ລາວ ໄດ້ສົ່ງ ນາງ ຟ້າໃສ ຈິນນາລີ Miss Grand Laos 2017 ເຂົ້າຮ່ວມການປະກວດໃນເວທີ Miss Grand International 2017 ແລະ ຈາກການຈັດອັນດັບຜົນໂຫວດຈາກຜູ້ຊົມທົ່ວໂລກ ໃນປັດຈຸບັນ “ຟ້າໃສ ຈິນນາລີ” ຕິດອັນດັບ Top 20 ຄົນສຸດທ້າຍ.
ແຟນໆຊາວລາວທຸກຄົນມາຮ່ວມສົ່ງກຳລັງໃຈໄປເຊຍສາວງາມຕົວແທນຈາກລາວ ແລະ ໂຫວດໃຫ້ ຟ້າໃສ ຈິນນາລີ Miss Grand Laos 2017 ຕິດ Topໃນອັນດັບຕົ້ນໆໄປພ້ອມກັນ.
ທ່ານສາມາດໂຫວດໃຫ້ ຟ້າໃສ ຈິນນາລີ ໄດ້ງ່າຍໆພຽງ
- ກົດເຂົ້າໄປເພຈ Miss Grand International 2017 – Vietnam
- ເມື່ອເຫັນຮູບ “ຟ້າໃສ ຈິນນາລີ” ທ່ານພຽງກົດໄລນ໌, ກົດແຊຣ໌
ໝາຍເຫດ: ການຈັດອັນດັບຂອງນາງງາມແຕ່ລະປະເທດແມ່ນຈະມີການປຽນແປງທຸກອາທິດ ເນື່ອງຈາກອີງໃສ່ຄະແນນຜົນໂຫວດແຕ່ລະອາທິດແຕກຕ່າງກັນອອກໄປ.
