Homeຂ່າວພາຍ​ໃນທາດດຳບໍ່ໄດ້ຮັບການເບິ່ງແຍງ ໃຫ້ສົມຊື່ວ່າເປັນອີກແຫຼ່ງທ່ອງທ່ຽວໜຶ່ງ

ທາດດຳບໍ່ໄດ້ຮັບການເບິ່ງແຍງ ໃຫ້ສົມຊື່ວ່າເປັນອີກແຫຼ່ງທ່ອງທ່ຽວໜຶ່ງ

Published on

ພະທາດດຳ ເປັນພະທາດອົງໜຶ່ງທີ່ມີຊື່ສຽງໃນນະຄອນຫຼວງວຽງຈັນ ແລະປັດຈຸບັນກໍເປັນສະຖານທີ່ທ່ອງທ່ຽວແຫ່ງໜຶ່ງ ຂອງນະຄອນຫຼວງວຽງຈັນ ແຕ່ເບິ່ງແລ້ວບໍ່ສົມຊື່ວ່າເປັນສະຖານທີ່ທ່ອງທ່ຽວ, ບໍ່ສົມວ່າເປັນປູຊະນິຍະສະຖານ ເພາະຂາດການເບິ່ງແຍງເອົາໃຈໃສ່ເທົ່າທີ່ຄວນ ປະປ່ອຍໃຫ້ຫຍ້າເກີດຂຶ້ນຮົກເຮື້ອ ເຊິ່ງຖ້າຫາກວ່າບໍ່ມີການອະນາໄມ ບໍ່ດົນຮາກໄມ້ຮາກຫຍ້າກໍຈະຊີໃຫ້ອົງພະທາດແຕກຍະ ແລະຜູພັງລົງຢ່າງແນ່ນອນ.

ທາດດຳສ້າງມາແຕ່ປີໃດແທ້ນັ້ນຍັງບໍ່ຮູ້ຊັດເຈນ. ນັບຕັ້ງແຕ່ສະໄໝຝຣັ່ງມາປົກຄອງຮອດປະຈຸບັນ ເປັນໄລຍະເວລາຫຼາຍສິບປີແລ້ວ ທາດອົງນີ້ເປັນສີດຳຢູ່ແບບນີ້, ບໍ່ມີໃຜໄປປົວໄປແປງ ບໍ່ມີໃຜທາສີ ບໍ່ມີການກໍ່ສ້າງ ແລະ ບູລະນະສ້ອມແປງ ເພາະເປັນທີ່ດິນຂອງຄົນຝຣັ່ງ ຊື່ບັກໂຕໂລນີ ພາຍລຸນມາຝຣັ່ງກໍຂາຍທີ່ດິນນັ້ນໃຫ້ສະຖານທູດອາເມລິກາ ແຕ່ຄົນລາວຂະນະນັ້ນ ຂໍຮ້ອງບໍ່ໃຫ້ຂາຍດິນທີ່ເປັນສ່ວນພະທາດໃຫ້ແກ່ອາເມລິກາ ເພາະຢູ່ໃນເຂດສາທາລະນະ. ຢ່າງໃດກໍຕາມເປັນເວລາຫຼາຍກວ່າຮ້ອຍປີ ທີ່ບໍ່ມີການບັນທຶກໄວ້ກ່ຽວກັບພະທາດດຳນັ້ນ ຄົນທັງຫຼາຍເຫັນວ່າມີສີດຳ ກໍພາກັນຮຽກທາດດຳມາຮອດບັດນີ້ ທີ່ຈິງແລ້ວທາດດຳ ແລະ ບໍລິເວນໂດຍຮອບແຕ່ຖະໜົນລ້ານຊ້າງ, ຖະໜົນເສດຖາ, ຫ້ອງການຕຳຫຼວດທາດດຳ ແລະ ສະຖານທູດອາເມຣິກາ(ເກົ່າ)ລ້ວນແຕ່ແມ່ນບໍລິເວນວັດ ທີ່ມີຊື່ວ່າ “ວັດພຣະຣາດຊະນັດດາ” ທີ່ພຣະເຈົ້າໄຊເຊດຖາທິລາດ ສ້າງອຸທິດໃຫ້ຫຼານສາວຂອງພຣະອົງ.

ທາດດຳ ປີ 2017
ທາດດຳ ປີ 1930
ທາດດຳ 1920
ທາດດຳ 1900
ທາດດຳ 1960

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...