ປັດຈຸບັນຍັງບໍ່ມີວິທີການກວດຫາມະເຮັງກະດູກຕັ້ງແຕ່ໄລຍະເລີ່ມທຳອິດໄດ້ເທື່ອ ແຕ່ຕ້ອງສັງເກດອາການຜິດປົກກະຕິຢ່າງໃກ້ຊິດ ຈິ່ງຈະສາມາດກວດພົບໄດ້ໃນໄລຍະທຳອິດ ເຊິ່ງອາການຜິດປົກກະຕິບັນຈະມີແນວໃດແນ່ເຮົາມາຮູ້ຈັກໄປພ້ອມໆກັນເລີຍ

ອາການຂອງມະເຮັງກະດູກ

ມະເຮັງກະດູກຈະເກີດຂຶ້ນກັບບໍລິເວນໃດກໍ່ໄດ້ ແຕ່ສ່ວນຫຼາຍມັກຈະເກີດຂຶນກັບກະດູກແນວຍາວຢ່າງແຂນ ຫຼື ຂາ ອາການຂອງໂຣກນີ້ທີ່ພົບໄດ້ຫຼາຍທີ່ສຸດແມ່ນເຈັບກະດູກ ເຊິ່ງເລີ່ມຈາກອາການຄ້າຍໆບວມຊ້ຳບໍລິເວນກະດູກທີ່ໄດ້ຮັບຜົນກະທົບຈາກມະເຮັງ ຫຼັງຈາກນັ້ນກໍ່ຈະເລີ່ມເຈັບຕໍ່ເນື່ອງເປັນເວລາດົນໆ ຫຼື ເຈັບເປັນໄລຍະ ມັກເຈັບກະດູກໃນຕອນກາງຄືນ ຫຼື ເວລານັ່ງພັກ ອາການເຈັບດັ່ງກ່າວອາດເັດໃຫ້ສັບສົນກັບໂຣກຂໍ້ອັກເສບໃນຜູ່ໃຫຍ່

ນອກຈາກມີອາການເຈັບແລ້ວ ຍັງມີອາານບວມແດງຈາກການອັກເສບ ຫຼື ສັງເກດເຫັນເປັນກ້ອນບວມໆຮອບບໍລິເວນດັ່ງກ່າວ ເຊິ່ງຖ້າເປັນກະດູກທີ່ຢູ່ໃກ້ຂໍ້ຕໍ່ ອາການບວມຈະເຮັດໃຫ້ຂໍ້ຕໍ່ເຄື່ອນໄຫວໄດ້ຍາກ

ອາການອື່ນໆຂອງໂຣກມະເຮັງກະດູກທີ່ພົບຮອງລົງມາໄດ້ແກ່ ອາການໄຂ້ຂຶ້ນສູງ, ມີເຫື່ອອອກຕອນກາງຄືນ ແລະ ນ້ຳໜັກຫຼຸດລົງຢ່າງບໍ່ຮູ້ສາເຫດ ດັ່ງນັ້ນຫາກທ່ານໃດມີອາການເຈັບກະດູກປັນເວລາດົນໆ ຫຼື ຮູ້ສຶກກັງວົນກໍ່ຄວນໄປກວດເບິ່ງເພື່ອໃຫ້ຮູ້ສາເຫດທີ່ຊັດເຈນ