ນັກດາລາສາດວັດລະດັບຄວາມສະຫວ່າງຂອງວັດຖຸເທິງທ້ອງຟ້າດ້ວຍໜ່ວຍວັດທີ່ຮຽກວ່າຄວາມສ່ອງສະຫວ່າງປະກົດການ (apparent magnitude) ຄ່າຄວາມສ່ອງສະຫວ່າງປະກົດການນີ້ຍິ່ງມີຄ່າໜ້ອຍຈະໝາຍເຖິງຈະມີຄ່າຄວາມສະຫວ່າງຫຼາຍ ດວງຕະເວັນທີ່ມີຄວາມສະຫວ່າງຫຼາຍທີ່ສຸດມີຄ່າປະມານ -27 ຂະນະທີ່ດວງເດືອນມີຄ່າລະຫວ່າງ -12 ແລະ -13 ສ່ວນດາວສຸກມີຄ່າປະມານ -5 ສຳລັບວັດຖຸທີ່ຣັດເຊຍຈະສົ່ງຂຶ້ນໄປສູ່ທ້ອງຟ້າທີ່ສະຫວ່າງທີ່ສຸດຄືສະຖານີອາວະກາດນານາຊາດເຊິ່ງມີຄ່າຢູ່ -6

ດາວທຽມຂະໜາດນ້ອຍ Mayak ຂອງຣັດເຊຍເປັນຜົນງານການອອກແບບ ແລະ ສ້າງໂດຍນັກສຶກສາຈາກວິທະຍາໄລ ໂພລິເທັກນິກ ມອສໂກ ມີຂະໜາດ 34 x 10 x 10 ຊມ. ໜັກ 3.6 ກກ. ດາວທຽມຂະໜາດເທົ່າກ້ອນຂະໜົມປັງນີ້ປະກອບດ້ວຍແຫລ່ງພະລັງງານ ລະບົບຄວບຄຸມ ແລະ ທີ່ໂດດເດັ່ນເປັນພິເສດຄືຊຸດແຜ່ນສະທ້ອນແສງອາທິດເຮັດຈາກແຜ່ນຟີມ Mylar ທີ່ບາງກວ່່າເສັ້ນຜົມມະນຸດ 20 ເທົ່າ ເຄືອບດ້ວຍໂລຫະທີ່ໃຫ້ຄ່າການສະທ້ອນແສງທີ່ 95%

ເຖິງແນວໃກໍ່ຕາມທີມງານທີ່ຢູ່ເບື້ອງຫຼັງນີ້ຫວັງວ່າ Mayak ຈະຊ່ວຍກະຕຸ້ນຜູ່ຄົນໃຫ້ຫັນມາສົນໃຈເລື່ອງອາວະກາດຫຼາຍຂຶ້ນ Mayak ຈະໂຄຈອນຢູ່ເໜືອຫຼາຍສະຖານທີ່ເຊິ່ງຈະເຮັດໃຫ້ມີຜູ້ຄົນຈຳນວນຫຼາຍໄດ້ເຫັນມັນ.