ສະຖາບັນບູຮານຄະດີມົນທົນຊັນຊີທາງພາກເໜືອຂອງຈີນເປີດເຜີຍການຄົ້ນພົບຊາກພຣະຣາຊະວັງເກົ່າແກ່ອາຍຸປະມານ 4,000 ປີ ບໍລິເວນບູຮານວັດຖຸເຖົາຊື່ ເມືອງ ຊຽງເຝິນ ເຊິ່ງເຊື່ອວ່າເປັນຫຼັກຖານສ່ວນສຳຄັນຂອງການຈັດຕັ້ງລະບົບເມືອງຫຼວງຈີນ
ເກົາ ຈຽງເຖົາ ນັກບູຮານຄະດີໃນສັງກັດສຳນັກວິຊາສັງຄົມສາດແຫ່ງຊາດຈີນ ກ່າວວ່າ ຊາກພຣະຣາຊະວັງຖືກຮັກສາໄວ້ເປັນຢ່າງດີ ສາມາດເຫັນໂຄງສ້າງອັນເປັນລະບຽບ ລະບົບປ້ອງກັນໄພ ແລະ ການຈັດການພາຍໃນ ນັບເປັນພຣະຣາຊະວັງທີ່ເກົ່າແກ່ທີ່ສຸດເທົ່າທີ່ເຄີຍພົບມາ
ຕົວພຣະຣາຊະວັງມີການຈັດວາງຝາໃນລັກສະນະສີ່ຫຼ່ຽມມຸມສາກ ມີຄວາມຍາວຈາກຕະເວັນຕົກປະມານ 470 ແມັດ ແລະ ຄວາມກ້ວາງຈາກເໜືອຮອດໃຕ້ປະມານ 270 ແມັດ ຂະໜາດເນື້ອທີ່ 130,000 Km2
ພຣະຣາຊະວັງທີ່ມີລັກສະນະເປັນເໝືອງ (Imperial City) ດັ່ງກ່າວຖືເປັນເຄື່ອງຊີ້ວັດຊົນຊັ້ນທີ່ແບ່ງແຍກການຢູ່ອາໃສຂອງຜູ້ສູງສັກກັບສາມັນຊົນຢ່າງຊັດເຈນ ໂດຍນັກບູຮານຄະດີລະບຸວ່າ ພຣະຣາຊະວັງເຖົາຊື່ຈິງ ອາດຈະເປັນຈຸດກຳເນີດຂອງເມືອງຫຼວງໃນຈີນ ເຊື່ອກັນວ່າເປັນແຫລ່ງຕັ້ງຖິ່ນຖານໃນຍຸກທີຫ້າຂອງຈັກກະພັດຕາມປະຫວັດສາດຈີນ