ສະເໜ່ຂອງຄົນສ່ວນໜຶ່ງມາຈາກເສັ້ນຜົມ ແລະ ກໍ່ຄົງບໍ່ມີໃຜທີ່ຢາກກາຍເປັນຄົນຫົວລ້ານ, ຜົມບາງ ເພາະເມື່ອໃດທີ່ທ່ານຫົວລ້ານກໍ່ຈະໝົດຄວາມໝັ້ນໃຈໄປສ່ວນໜຶ່ງແລ້ວ ໂດຍສະເພາະໄວໜຸ່ມສາວ ຫາໄວກາງຄົນ ເລື່ອງຜົມມັນເປັນເລື່ອງສຳຄັນ ໃນຄໍລຳສາລະໜ້າຮູ້ ມື້ນີ້ແອັດເລີຍມີ 8 ວິທີປ້ອງກັນຫົວລ້ານກ່ອນໄວ ມາຝາກເຊິ່ງຈະເຮັດແນວໃດນັ້ນເຮົາມາອ່ານພ້ອມກັນເລີຍ.
- ບໍ່ຄວນສະຜົມທຸກມື້ ເນື່ອງຈາກຜົມຈະບໍ່ມີເວລາສ້າງນ້ຳມັນ ຄວນສະຜົມອາທິດລະ 2-3 ມື້
- ການສະຜົມແຕ່ລະເທື່ອຄວນໃຊ້ຄຣີມນວດຜົມ ເພື່ອໃຫ້ຄືນຄວາມຊຸ່ມຊື່ນແກ່ເສັ້ນຜົມ ແລະ ໜັງຫົວ
- ງົດໃຊ້ຄວາມຮ້ອນກັບຜົມຖ້າບໍ່ຈຳເປັນ ເພາະຄວາມຮ້ອນຈະເຮັດໃຫ້ເສັ້ນຜົມແຫ້ງເສຍ ແລະ ຂາດງ່າຍ
- ກິນອາຫານຄົບ 5 ໝູ່ ແລະ ຄວນກິນວິຕາມິນບີ, ວິຕາມິນດີ, ໂອເມກ້າ, ທາດເຫຼັກ ແລະ ທາດສັງກະສີ ສຳລັບການກິນອາຫານເສີມປະເພດວິຕາມິນກໍ່ຄວນກິນໃນປະລິມານທີ່ພໍດີ
- ພະຍາຍາມຢ່າຄິດຫຼາຍເພາະຈະເຮັດໃຫ້ເສັ້ນຜົມຂອງທ່ານຢຸດການເຕີບໃຫຍ່ ແລະ ລົ່ນອອກງ່າຍ
- ຢ່າປ່ຽນສີຜົມເລື່ອຍໆ ເພາະເຄມີໃນສີນ້ຳຍ້ອມຜົມນັ້ນຈະເຮັດໃຫ້ຜົມແຫ້ງເສຍ ແລະ ຍັງສົ່ງຜົນຂ້າງຄຽງຕໍ່ໜັງຫົວຂອງທ່ານພ້ອມ
- ສຳລັບແມ່ຍິງນັ້ນການຈັດແຕ່ງຊົງຜົມແມ່ນໃຫ້ຢູ່ໃນຄວາມພໍເໝາະບໍ່ຄວນມັດຫຼືເກົ້າຜົມແໜ້ນຕົນເກີນໄປ ເພາະຈະເຮັດໃຫ້ໜັງຫົວເຄັ່ງ ສາເຫດທີ່ເຮັດໃຫ້ຮູຂຸມຂົນ ແລະ ຮາກຜົມອ່ອນແອ
- ຫຼຸດຜ່ອນການສູບຢາ ຫຼື ເລີກສູບຢາໄປເລີຍຜົນການວິໄຈບອກວ່າ ສານນິໂຄຕິນ ແລະ ສານຄາຣບອນມອນອົກໄຊດ໌ ທີ່ປະສົມຢູ່ໃນຢາສູບມີສວນເຮັດໃຫ້ຮູຂຸມຂົນເສື່ອມສະພາບ ເຊິ່ງເປັນສາເຫດທີ່ເຮັດໃຫ້ເສັ້ນຜົມຈະເລີນເຕີບໃຫຍ່ບໍເຕັມທີ່ ແລະ ຂາດລົ່ນໄດ້ງ່າຍ