ຫຼາຍຄົນອາດເຄີຍຄິດສົງໃສວ່າຍ້ອນເຫດໃດຄົນຮັກຂອງຕົນຈິ່ງບໍ່ມັກພາຕົນເອງໄປນັ້ນໄປນີ້ນຳ ເຊິ່ງຕ່າງຄູ່ຮັກຄົນອື່ນໆທີ່ພວກເຂົາບໍ່ວ່າຈະໄປທາງໃດກໍ່ໄປພ້ອມພຽງຮຽງຂ້າງກັນ ຖ້າຕອນນີ້ໃຜກຳລັງຕົກຢູ່ໃນສະພາບແຟນບໍ່ສຳຄັນຢູ່ ກໍ່ລອງຫັນກັບມາເບິ່ງຕົວເອງກ່ອນໂທດຄົນຮັກຂອງຕົນ ເຊິ່ງສາເຫດທີ່ແຟນບໍ່ມັກພາຕົນໄປທາງນອກນຳນັ້ນມັນຈະເກີດມາຈາກປັດໄຈໃດແນ່ນັ້ນເຮົາມາຮູ້ຈັກໄປພ້ອມກັນເລີຍ
- ຕົນເອງມັກສະແດງພາວະຄວາມເປັນຜູ້ນຳຫຼາຍກວ່າເຂົາຈົນເກີນໄປ
- ຫຶງຫວງເຂົາຈົນອອກນອກໜ້າ
- ມັກແຕະເນື້ອຕ້ອງຕົວເຟືອເຂົາຫຼາຍໂພດບໍ່ວ່າຢູ່ສະຖານທີ່ໃດ
- ແຕ່ງຕົວດົນຈົນເກີນໄປຈົນອີກຝ່ານຄ້ານລໍຖ້າ
- ຜິດນັດ ຫຼື ມາບໍ່ຕົງເວລາເປັນປະຈຳ
- ແຕ່ງຕົວບໍ່ຄືບ້ານຄືເມືອງເພິ່ນ
- ເຂົ້າກັບເພື່ອນ ຫຼື ສັງຄົມຂອງເຂົາບໍ່ໄດ້
- ເອົາແຕ່ໃຈຕົນເອງ ຢາກກັບຄືຕ້ອງກັບ ຫຼື ມັກຢູ່ຕໍ່ຍາວໆ ບໍ່ຮູ້ໂມງເວລາເລີຍ
- ເວົ້າຫຼາຍ, ເວົ້າແຮງ, ເວົ້າໂມ້, ກິນແບບບໍ່ເບິ່ງໝູ່, ເມົາມາລະມັກເວົ້າໃຫຍ່ ໃຈໂມໂຫໄວ
- ຂີ່ຖີ່ບໍ່ຢາກຈົກຈ່າຍ
- ເກັບອາລົມບໍ່ຢູ່, ໃຈນ້ອຍຄຽດໄວ ໂວຍງ່າຍ ຈັກເວົ້າຫຼິ້ນເວົ້າແທ້ກໍ່ບໍ່ຮູ້ຈຳແນກ
- ໄປນຳເທື່ອໃດກັບມາຫາເລື່ອງຜິດກັນຈະຫຼອດ
ຖ້າຫາກຕອນນີ້ໃຜກຳລັງມີພຶດຕິກຳທີ່ກ່າວມາຂ້າງເທິງນີ້ ແນະນຳໃຫ້ປ່ຽນດ່ວນໆ ເພາະບໍ່ວ່າທ່ານຈະຫຼໍ່, ຈະງາມພຽງໃດກໍ່ຕາມ ແຕ່ຮັບຮອງວ່າເຂົາຈະພາທ່ານໄປນຳບໍ່ເກີນ 3 ເທື່ອ ແລ້ວເທື່ອໜ້າຢ່າຫວັງວ່າຈະໄດ້ນຳກົ້ນອີກເລີຍ.