ນີ້ເປັນຄັ້ງທຳອິດທີ່ວິສະວະກອນຊາວຈີນປະສົບຄວາມສຳເລັດໃນການດຶງເອົາກ໊າຊທຳມະຊາດອອກມາຈາກຕະກອນນ້ຳແຂງທີ່ທັບຖົມຝັງເລິກຢູ່ທີ່ພື້ນທະເລຫ່າງຈາກຮ່ອງກົງ 300 ກິໂລແມັດໃນທະເລຈີນໃຕ້ ເມື່ອກາງປີທີ່ຜ່ານມາ ລັດຖະບານຈີນໄດ້ປະກາດວ່ານັກທໍລະນີວິທະຍາຄົ້ນພົບແຫລ່ງສຳຮອງແຫ່ງໃໝ່ຂອງມີເທຣນໄຮເດຣດ (methane hydrate) ແລະ ຕອນນີ້ເບິ່ງຄືວ່າພກເຂົາຈະສາມາດນຳເອົາມັນມາໃຊ້ດ້ສຳເລັດ ເຮັດໃຫ້ໂລກກ້າວໜ້າເຂົ້າໄປໃກ້ຄວາມຈິງທີ່ຈະນຳເອົາແຫຼ່ງພະລັງງານທີ່ບໍ່ເຄີນໃຊ້ປະໂຫຍດມາກ່ອນມາໃຊ້ຢ່າງຈິງຈັງ
ມີເທນໄຮເດຣດ ຫຼື ຮຽກກັນວ່າ “ນ້ຳແຂງໄຟ” (flammable ice) ເປັນຂອງແຂງສີຂາວທີ່ມີລັກສະນະຄ້າຍກັບນ້ຳແຂງແຫ້ງ ຕິດໄຟໄດ້ ໂຄງສ້າງພາຍໃນເປັນກ໊າຊມີເທນໜຶ່ງໂມເລກຸລຖືກກັກອ້ອມຮອບດ້ວຍໂຄງຜະລຶກຂອງນ້ຳແຂງຫຼາຍໂມເລກຸນເກາະກັນເປັນໂຄງຂ່າຍ ມີເທນໄຮເດຣດຈະສະສົມຢູ່ໃນບໍລິເວນທີ່ມີອຸນຫະພູມຕ່ຳ ແລະ ມີຄວາມກົດດັນປານກາງ
ຄວາມສຳເລັດຫຼ້າສຸດຂອງຈີນສ້າງຄວາມຫວັງໃນການໃຊ້ງານແນວອຸດສາຫະກຳແຫລ່ງພະລັງງານຊະນິດນີ້ ແຕ່ກໍ່ຍັງມີຄຳຖາມວ່າມັນຍັງມີຄຸນຄ່າຢູ່ອີກ ຫຼື ບໍ່ ໃນເມື່ອກ໊າຊທຳມະຊາດກໍ່ເປັນເຊື້ອເຜີງຟອສຊິລອີກໜຶ່ງຢ່າງທີ່ທົ່ວໂລກກຳລັງພະຍາຍາມຫັນຫຼັງໃຫ້ມັນຢູ່
ມີເທນເປັນກ໊າຊແວ່ນໃສທີ່ມີພະລັງອຳນາດສູງຫຼາຍ ມີສັກກະຍະພາບໃນການເຮັດໃຫ້ໂລກຮ້ອນຂຶ້ນຫຼາຍກວ່າກ໊ຊຄາບອນໄດອອກໄຊເຖິງ 36 ເທົ່າ ມັນສ່ຽງເກີນໄປທີ່ຈະໄປກວນກ໊າຊມີເທນທີ່ຖືກກັກເກັບໄວ້ເປັນຢ່າງດີໃນຊັ້ນນ້ຳແຂງໃຫ້ອອກມາສູ່ບັນຍາກາດ ຫຼື ແມ່ນແຕ່ອອກມາຢູ່ໃນທະເລ
ທັງໆທີ່ມີຄວາມສ່ຽງສູງແຕ່ Ingo Pecher ນັກທໍລະນີວິທະຍາທີ່ມະຫາວິທະຍາໄລ ໂອ໊ດແລນ ປະເທດນິວຊີແລນ ກັບບອກວ່າ “ເຂົາຄິດວ່າມັນເປັນແນວຄິດທີ່ດີທີ່ຈະພັດທະນາມີເທນໄຮເດຣດໃຫ້ເປັນແຫລ່ງເຊື້ອເພີງ ເພາະໃນການເຜົາໄໝ້ກ໊າຊມີເທນຈະປ່ອຍພິດອອກມາໜ້ອຍກວ່າ”
“ເພື່ອຈະຫຼຸດການປ່ອຍກ໊າຊຄາບອນໄດອອກໄຊທີ່ກຳລັງເຮັດໃນເວລານີ້ ບໍ່ແມ່ນຕ້ອງລໍຖ້າໄປອີກ 20-30 ປີຕໍ່ໜ້າ ດຮົາຈຳເປັນຕ້ອງສະໜັບສະໜູນໃຫ້ປ່ຽນຈາກການໃຊ້ຖ່ານທີນໄປໃຊ້ກ໊າຊທຳມະຊາດ” Pecher ກ່າວ “ກ໊າຊທຳມະ ຊາດຈາກມີເທນໄຮເດຣດອາດມີບົດບາດສຳຄັນສຳລັບການປ່ຽນແປງນີ້ໃນຫຼາຍພື້ນທີ່ຂອງໂລກ”