spot_img
Homeຂ່າວພາຍ​ໃນລາວເລັ່ງຄົ້ນຄວ້າເຕັກນິກຜະລິດເຂົ້າ ໃຫ້ໄດ້ສະມັດຖະພາບຫລາຍ

ລາວເລັ່ງຄົ້ນຄວ້າເຕັກນິກຜະລິດເຂົ້າ ໃຫ້ໄດ້ສະມັດຖະພາບຫລາຍ

Published on

 

ກະຊວງກະສິກຳ ​ແລະ ປ່າ​ໄມ້ ໄດ້​ສຸມໃສ່ການຄົ້ນຄວ້າເຕັກ​ນິກ ເພື່ອ​ຍົກສູງ​ສະມັດ​ຖະພາບການຜະລິດ​​ເຂົ້າ​ບໍ່​ໃຫ້ຫລຸດ

4 ໂຕນ​ຕໍ່​ເຮັກຕາ ​ແລະ ບາງ​ເຂດ​ອາດ​ຫຼາຍ​ເຖິງ 6-7 ​​ໂຕນ​ຕໍ່​ເຮັກຕາ, ໃນນັ້ນແມ່ນເລັ່ງໃສ່ການນຳໃຊ້ເຕັກນິກໃໝ່ເພື່ອ

ປັບປຸງແນວ​ພັນ, ​ເນື້ອທີ່ດິນ ແລະ ການ​ບົວລະບັດຮັກສາທີ່ບໍ່ເພິ່ງສານເຄມີ.

 

ລັດຖະມົນຕີວ່າການ​ກະຊວງ​ກະສິກຳ ​ແລະ ປ່າ​ໄມ້ ທ່ານ ວິ​ໄລ​ວັນ ພົມ​​ເຂ ໄດ້ກ່າວ​​ວ່າ: ກະຊວງ​ກະສິກຳ ​ແລະ ປ່າ​ໄມ້, ​ໄດ້​ກຳ

ນົດ 5 ປັດ​ໄຈ ​ເພື່ອ​ບັນລຸ​ຄາດໝາຍ​ການ​ຜະລິດ​ເຂົ້າ​ໃຫ້​ໄດ້​ສະມັດ​ຖະພາບ 4 ​ໂຕນ​ຕໍ່​ເຮັກຕາ ເຊິ່ງປະກອບ​ມີການ​ປັບປຸງ​

ຄຸນ​ນະພາ​ບຂອງ​ດິນ ​ໂດຍ​ວິທີການ​ນຳ​ໃຊ້​ຝຸ່ນ​ຄອກ, ຝຸ່ນ​ບົ່ມ ຫລື ປຸຍ​ເຄມີ​ຕາມ​ອັດຕາ​ທີ່​ເໝາະ​ສົມ; ການຮັບປະກັນສະ

ໜອງ​ນ້ຳ ແລະ ການ​ຄວບ​ຄຸມ​ນ້ຳ​ໃນ​ເວລາ​ທີ່​ເໝາະ​ສົມ; ນຳ​ໃຊ້​ແນວ​ພັນ​ປັບປຸງ​ທີ່​ເໝາະ​ສົມ​ກັບ​ເນື້ອທີ່ ​ແລະ ສະພາບ

​ດິນ;ນຳ​ໃຊ້​ເຕັກນິກ​ທີ່​ເໝາະ​ສົມ​ກັບ​ແຕ່​ລະສະ​ພາບເນື້ອທີ່ ​ແລະ ​ເງື່ອນ​ໄຂ​ຕົວ​ຈິງ​ເຊັ່ນ:​ໃຊ້​ເຕັກນິກ​ນາ​ຫວ່ານ,​ ເຕັກ​ນິກ​

ນາ​ຢອດ,ນາ​ກ້າ​ກີບ​ດຽວ, ເຕັກ​ນິກ​ການ​ດຳນາ​ໂດຍ​ການ​ນຳ​ໃຊ້​ເຄື່ອງມື ​ແລະ ກົນ​ຈັກ​ທີ່​ທັນ​ສະ​ໄໝ​ແທນ​ແຮງ​ງານ​ຄົນ;

ຄວາມ​ດຸ​ໝັ່ນ ​ແລະ ​ເອົາ​ໃຈ​ໃສ່​ບົວລະບັດ​ຮັກສາ ​ໃຫ້​ຖືກຕ້ອງ​ຕາມ​ເຕັກ​ນິກວິຊາ​ການ, ການ​ຍົກ​ສະມັດ​ຖະພາບໂດຍ​ສະ​

ເພາະ​ການ​ເຮັດ​ກະ​ເສດ​ສຸມ ບວກ​ກັບ​ນະ​ໂຍບາຍ​ສົ່ງ​ເສີມ​ທີ່​ເໝາ​ະສົມ ​ໂດຍ​ການ​ຮັບປະກັນ​ທາງ​ດ້ານ​ລາຄາ ​ແລະ ການ​ຕະ

ຫລາດລວມທັງ​ການ​ສົ່ງ​ເສີມ​ການ​ເຂົ້າ​ຮ່ວມ​ຂອງຜູ້ປະ ກອບ​ການ​ຮອບດ້ານ​ເພື່ອ​ເປັນ​ແຮງ​ຈູງ​ໃຈ​ໃນ​ການ​ຜະລິດ. ​

 

ປັດຈຸບັນ, ກາ​ນຍົກ​ສະມັດ​ຖະພາບການ​ຜະລິດ​ເຂົ້ານັ້ນ, ແມ່ນເຮັດ​ໄດ້​ໃນ​ບາງ​ເຂດ​ຈຸດ​ສຸມ ​ແລະ ບາງ​ທ້ອງ​ຖິ່ນ​ເຊັ່ນ:

ນະຄອນຫລວງ​ວຽງ​ຈັນ​ ເຂດທ່າ​ພະ-ໜອງ​ພົງປະຕິບັດ​ໄດ້ 5 ​ໂຕນ​ຕໍ່​ເຮັກຕາ, ​ເຂດ​ນ້ຳ​ຫຸມ ​ແລະ ນ້ຳ​ຊ່ວງ​ໄດ້​ 4-5 ​ໂຕນ​ຕໍ່

​ເຮັກຕາ, ​ເຂດ​ເມືອງ​ໜອງ​ບົກ ​ແລະ ​ເມືອງ​ມະຫາ​ໄຊ ​ແຂວງ​ຄຳ​ມ່ວນ ​ໄດ້​ປະມານ 5-6 ​​ໂຕນ​ຕໍ່​ເຮັກຕາ.​ ແຕ່​ບາງ​ເຂດ,​

ບາງ​ທ້ອງ​ຖິ່ນຍັງ​ຈຳກັດ, ການ​ສົ່ງ​ເສີມ​ຍັງ​ບໍ່​ທັນ​ແຂງ​ແຮງ ​ແລະ ບໍ່​ທັນ​ກວ້າງຂວາງ.

 

ທ່ານ ວິ​ໄລ​ວັນ ພົມ​​ເຂ ​ກ່າວ​ວ່າ: ​ເພື່ອເຮັດ​ໃຫ້​ວຽກງານ​ດັ່ງກ່າວ, ໄດ້ຮັບການຈັດຕັ້ງປະຕິບັດ​ຢ່າງກວ້າງຂວາງ, ພວກ​ເຮົາ

​ຕ້ອງ​ເອົາ​ໃຈ​ໃສ່​ຄື ລັດ​ຕ້ອງ​ຊອກ​ຫາ​ຕະຫລາດ​ເຂົ້າ​ໃຫ້​ແນ່ນອນ ພ້ອມ​ທັງ​ຄ້ຳປະກັນ​ລາຄາ​ໃຫ້​ຜູ້​ຜະລິດ​ມີ​ຜົນ​ກຳ​ໄລ, ຜະລິດ

​ຕາມ​ຄວາມ​ຕ້ອງການ​ຂອງຕະຫລາດ, ຊ່ວຍ​ຫລຸດຜ່ອນ​ຕົ້ນ​ທຶນ​ການ​ຜະລິດ ​ໂດຍ​ການ​ສົ່ງ​ເສີມ​ນຳ​ໃຊ້​ກົນ​ຈັກກະ​ສິກຳ​​ເພື່ອ

ຫລຸດຜ່ອນ​ແຮງ​ງານ; ສ້າງ​ຂະ​ບວນການສົ່ງ​ເສີມ​ການ​ຜະລິດ​ເຂົ້າ​ໃຫ້​ເປັນ​ສິນຄ້າ​ຢ່າງ​ມີ​ຈຸດ​ສຸມ, ຫັນໂຄງການ​ຊົນລະປະ

ທານ​ໃຫ້​ເປັນ​ໂຄງການ​ຊົນ​ລະ​ກະ​ເສດ ​ເພື່ອ​ຜະລິດ​ເຂົ້າ​ເປັນ​ສິນຄ້າ; ສົ່ງ​ເສີມຜູ້​ປະກອບ​ການ, ຜູ້​ຜະລິດ, ກຸ່ມ​ຜູ້​ຜະລິດ, ກຸ່ມ​

ໂຮງສີ ເຂົ້າ​ຮ່ວມ​ໃນ​ແຕ່ລະ​ເຂດ​ຈຸດ​ສຸມ. ນອກນັ້ນ, ຕ້ອງ​ໄດ້​ສົ່ງ​ເສີມ​ຜູ້​ບໍລິການຝຸ່ນ, ປຸຍ ​ແລະ ອຸປະກອນເຄື່ອງ​ມື, ສົ່ງ

​ເສີມໃຫ້​ມີ​ການ​ຜະລິດຝຸ່ນ​ຊີວະ​ພາບ ​ແລະ ຝຸ່ນວິທະຍາສາດຢູ່​ພາຍ​ໃນ​ປະ​ເທດ​ຫລາຍຂຶ້ນ; ກຳນົດ​ນະ​ໂຍບາຍ​ເສດຖະກິດ

ຊຸກຍູ້​ການ​ຜະລິດ​ສິນຄ້າເພື່ອ​ໃຫ້ເຂົ້າຂອງ​ລາວ ມີ​ຄວາມສາມາດ​ແຂ່ງຂັນ​ໄດ້, ມີ​ຄຸນ​ນະພາ​ບດີ, ມີ​ຕົ້ນ​ທຶນ​ການ​ຜະລິດ​ຕ່ຳ

ເຊັ່ນ: ອັດຕາດອກ​ເບ້ຍ​ເງິນ​ກູ້ ແລະ ການກຳນົດ​ລາຄາ​ກະ​ແສ​ໄຟຟ້າຊົນລະປະທານທີ່​ເໝາະ​ສົມ.

 

ແຫຼ່ງຂ່າວ: http://laophatthananews.blogspot.com/2014/08/blog-post_97.html

ບົດຄວາມຫຼ້າສຸດ

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...

ສະຫຼຸບຜົນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ພ້ອມທັງວາງແຜນທິດທາງວຽກຈຸດສຸມ ເດືອນກັນຍາ 2025

ຜົນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ແລະ ອັດລົງໃນຕອນເຊົ້າ ວັນທີ 26 ສິງຫາ2025 ທີ່ສໍານັກງານນາຍົກລັດຖະມົນຕີ,...

ໂທດຈຳຄຸກສູງສຸດ 7 ປີ ແລະ ປັບໄໝສູງສຸດ 30,000,000 ກີບ ສຳລັບພໍ່ແມ່ທີ່ປະຖິ້ມເດັກ

ພໍ່ແມ່ທີ່ປະຖິ້ມເດັກ ມີໂທດຈຳຄຸກສູງສຸດ 7 ປີ ແລະ ປັບໄໝສູງສຸດ 30,000,000 ກີບ ການປະຖິ້ມລູກ ຫຼື ການປ່ອຍໃຫ້ເດັກນ້ອຍຢູ່ໂດຍບໍ່ມີການດູແລ ຈະຖືກດຳເນີນຄະດີຕາມກົດໝາຍ, ເນື່ອງຈາກເປັນການລະເມີດສິດທິເດັກ ແລະ ສ້າງອັນຕະລາຍຕໍ່ຊີວິດຂອງເດັກ....