ນີ້ເປັນຂໍ້ມູນທີ່ໜ້າສົນໃຈສຳລັບຜົນການສຳຫຼວດຈາກ The World Culture Score Index ທີ່ເຮັດການສຳຫຼວດຈາກຜູ້ຄົນ 1,600 ຄົນ ໃນ 30 ປະເທດ ວ່າພວກເຂົາໃຊ້ເວລາອາທິດໜຶ່ງຈັກຊົ່ວໂມງໃນການອ່ານໜັງສື ເພື່ອຄົ້ນຫາວ່າປະເທດໃດທີ່ມີຄົນໃຊ້ເວລາໃນການອ່ານໜັງສືຫຼາຍທີ່ສຸດ
ຈາກຜົນການສຳຫຼວດພົບວ່າ ປະເທດທີ່ຜູ້ຄົນຝຊ້ເວລາໃນການອ່ານໜັງສືຕໍ່ອາທິດຫຼາຍທີ່ສຸດຄືປະເທດ ອິນເດຍ ຈາກຄ່າສະເລ່ຍຊາວອິນເດຍໃຊ້ເວລາອ່ານໜັງສື ເຖິງ 10:42 ຊົ່ວໂມງໃນການອ່ານ, ເກົາຫຼືໃຕ້ອັນດັບຕົກລົງມາເປັນຮອງໄຕ້ຫວັນ ແລະ ຍີ່ປຸ່ນ ດ້ວຍມີຊົ່ວໂມງການອ່ານພຽງ 3:06 ຊົ່ວໂມງຕໍ່ອາທິດ ໃນຂະນະທີ່ອັນດັບທີສອງນັ້ນຕົກເປັນຂອງປະເທດໄທ ຄົນໄທມີຄ່າສະເລ່ຍຊົ່ວໂມງການອ່ານ 09:42 ຊົ່ວໂມງຕໍ່ອາທິດ ແລະ ປະເທດຈີນເປັນອັນດັບທີສາມ ເຊິ່ງ 8 ຊົ່ວໂມງຕໍ່ອາທິດສຳລັບການອ່ານໜັງສື
ຜົນການສຳຫຼວດນີ້ຊີ້ໃຫ້ເຫັນວ່າ ຄົນເອເຊຍນິຍົມອ່ານໜັງສືຫຼາຍກວ່າຄົນໃນທະວີບອື່ນໆ ສ່ວນຫຼາຍປະເທດໃນແຖວຢຸໂຣບເຊັ່ນ: ສາທາລະນະລັດເຊັກ, ສະວີເດນ, ຝຣັ່ງ ແລະ ຮົງກາລີ ມີຄ່າສະເລ່ຍທີ່ 6:48 ຊົ່ວໂມງຕໍ່ອາທິດ
ຜົນການສຳຫຼວດຍັງບອກອີກວ່າ ຈຳນວນຜູ້ທີ່ໃຊ້ເວລາໃນການອ່ານໜັງສືບໍ່ໄດ້ສົ່ງຜົນ ຫຼື ຄວາມເຊື່ອມໂຍງກັບລະບົບເສດຖະກິດ ຫຼື ການພັດທະນາອຸດສະຫະກຳຂອງປະເທດແຕ່ຢ່າງໃດ
ໃນຕອນທ້າຍຂອງການສຳຫຼວດຍັງສະແດງໃຫ້ເຫັນເຖິງ ປະເພດຂອງໜັງສືທີ່ຜູ້ຄົນນິຍົມອ່ານຫຼາຍທີ່ສຸດ 32% ນິຍົມອ່ານໜັງສືນະວະນິຍາຍແຟນຕາຊີ ຕາມມາດ້ວຍວັນນະກຳຄລາສສິກແບບຣັດເຊຍ ແລະ ນິຍາຍປະຫວັດ ສ່ວນຜູ້ຖືກສຳຫຼວດ ແມ່ຍິງຈະນິຍົມອ່ານເລື່ອງຄວາມຮັກໂຣແມນຕິກ ສ່ວນຜູ້ຊາຍຈະມັກອ່ານເລື່ອງແຟນຕາຊີຫຼາຍກວ່າ.