spot_img
Homeປ່ອງຢ້ຽມດວງດາວຍານນິວຮໍໄຣຊັນສ໌ ມຸ່ງໜ້າສູ່ດາວ "ເອັມຢູ 69"

ຍານນິວຮໍໄຣຊັນສ໌ ມຸ່ງໜ້າສູ່ດາວ “ເອັມຢູ 69”

Published on

ສຳນັກຂ່າວຕ່າງປະເທດລາຍງານຈາກແຫຼມຄານາເວຣັລ ປະເທດອາເມລິກາ ເມື່ອວັນທີ 4 ເມສາ ວ່າ ອົງການບໍລິ ຫານການບິນ ແລະ ອາວະກາດແຫ່ງຊາດ (ນາຊ່າ) ສະຫະລັດ ຖະແຫຼງການເມື່ອວັນອັງຄານ (4 ເມສາ 2017) ວ່າ ຍານນິວຮໍໄຣຊັນສ໌ ກຳລັງມຸ່ງໜ້າສູ່ເປົ້າໝາຍທີ່ຢູ່ໄກອອກໄປອີກນັ້ນຄື ດາວ 2014 ເອັມຢູ 69 ໂດຍດາວດວງນີ້ ກໍ່ຄ້າຍກັບດາວພລູໂຕ ທີ່ໂຄຈອນຢູ່ລະບົບສຸລິຍະ ທີ່ຮູ້ຈັກກັນໃນຊື່ “ແຖບໄຄເປີ” ແຕ່ມັນມີຂະໜາດບໍ່ຮອດ 1% ຂອງດາວພລູໂຕ ເອັມຢູ 69 ຢູ່ກາຍຈາກດາວພລູໂຕອອກໄປອີກເກືອບ 1,600 ລ້ານກິໂລແມັດຍານນິຮໍໄຣຊັນສ໌ ຈະບິນຜ່ານດາວເອັມຢູ 69 ໃນວັນທີ 1 ມັງກອນ 2019

ແະລັນ ສະເຕິຣນ ຫົວໜ້າຄະນະຜູ້ຄວບຄຸມຂອງສະຖາບັນວິໄຈ ເຊົາທ໌ເວສ ກ່າວຖະແຫຼງການວ່າ ການບິນຜ່ານດາວເອັມຢູ 69 ຈະເຮັດໃຫ້ ຍານນິວຮໍໄຣຊັນສ໌ ສ້າງສະຖິຕິ ດາວດວງທີ່ຮ່າງໄກທີ່ສຸດເທົ່າທີ່ຍານຈາກໂລກເຄີຍສຳຫຼວດ ໃນປະຫວັດສາດຂອງມະນຸດ

ດ້ວຍໄລຍະທາງທີ່ເຫຼືອຢູ່ 750 ລ້ານກິໂລແມັດ ຍານນິວຮໍໄຣຊັນສ໌ ຈຳເຂົ້າສູ່ໄລຍະ “ຈຳສິນ” 5 ເດືອນ ຕັ້ງແຕ່ທ້າຍອາທິດນີ້ ແຕ່ມັນຍັງເຮັດໜ້າທີ່ສອດສ່ອງ ແລະ ບັນທຶກພາບໄປຕະຫຼອດທາງ ແລະ ນອກຈາກດາວເອັມຢູ 69 ແລ້ວ ມັນຈະສຶກສາວັດຖຸອື່ນໆ ໃນແຖບໄຄເປີຣອີກເກືອບ 30 ຊະນິດຈາກໄລຍະໄກ

ຍານນິວຮໍໄຣຊັນສ໌ ເຊິ່ງໄດ້ອອກເດີນທາງຈາກໂລກ ຈາກສູນອາວະາດໃນແຫຼມຄານາເວຣັລ ລັດຟໍຣິດາ ເມື່ອວັນທີ 19 ມັງກອນ 2001 ເດີນທາງຜ່ານດາວພລູໂຕເມື່ອເດືອນ ກໍລະກົດ 2015 ກາຍເປັນແຂກລາຍທຳອິດຂອງໂລກ ທີ່ໄປຢາມດວງດາວຂະໜາດນ້ອຍສຸດ ແລະ ຢູ່ຫ່າງໄກຈາກດວງອາທິດຫຼາຍທີ່ສຸດຂອງລະບົບສຸລິຍະ

ຂະນະນີ້ ຍານນິວຮໍໄຣຊັນສ໌ຢູ່ຫ່າງຈາກໂລກປະມານ 5,700 ລ້ານກິໂລແມັດ ສັນຍານວິທະຍຸຕ້ອງໃຊ້ເວລາເດີນທາງ 5 ຊົ່ວໂມງກັບອີກ 20 ນາທີ ຈິ່ງຈະໄປຮອດຍານນິວຮໍໄຣຊັນສ໌ ຈາກສູນຄວບຄຸມເທິງພື້ນໂລກ ທີ່ມະຫາວິທະຍາໄລ ຈອນ ຮອບກິນສ໌ ໃນເມືອງລໍເຣລ ລັດແມຣີແລນ ສະຫະັລດອາເມລິກາ.

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...