ສົດໆຮ້ອນໆຈາກງານ Galaxy Unpacked 2017 ທີ່ກຸງນິວຢອຣ໌ກກັນເລີຍ, ໂດຍໄດ້ມີການເປີດໂຕຫົວເຮືອໃຫຍ່ຂອງທາງບໍລິສັດ Samsung ນັ້ນກໍຄື: Galaxy S8 ແລະ S8+ ນັ້ນເອງ.

ໃນສ່ວນຂອງຂໍ້ມູນດ້ານສະເປັກນັ້ນເຮົາຈະບໍ່ເວົ້າເຖິງກັນຫຼາຍເພາະສະເປັກທີ່ເປີດໂຕມານັ້ນ ຖືວ່າຄືກັບສະເປັກທີ່ເຮົາເຄີຍລົງຂ່າວໄປກ່ອນໜ້ານີ້ເລີຍ, ໂດຍເຮົາຈະມາເວົ້າເຖິງເຄື່ອງທີ່ຈຳໜ່າຍໃນປະເທດຕ່າງໆນຳກັນ ເລີ່ມກັນທີ່ເຄື່ອງທີ່ບັນຈຸ RAM 6GB + ROM 128GB ນັ້ນຈະມີຂາຍພຽງແຕ່ສະເພາະປະເທດຈີນ ແລະເກົາຫຼີ. ສ່ວນເຄື່ອງ RAM 4GB + ROM 64GB ນັ້ນຈະເປັນລຸ້ນວາງຈຳໜ່າຍທົ່ວໂລກ.

ສ່ວນອີກປະເດັນທີ່ໜ້າສົນໃຈທີ່ເຮົາຮູ້ມາວ່າ Samsung ຈະວາງຈຳໜ່າຍເຄື່ອງທີ່ໃຊ້ຊິບ Snapdragon 835 ສະເພາະອາເມຣິກາປະເທດດຽວເທົ່ານັ້ນ ແລະ ປະເທດອື່ນໆຈະມີພຽງຊິບເຊັດຂອງຊຳຊຸງເອງນັ້ນຄື Exynos 9 Series 8895 (ຕອນນີ້ບໍ່ຢືນຢັນເທື່ອ), ແຕ່ຖ້າເປັນແນວນັ້ນຜູ້ໃຊ້ແບບໂປຣອາດຈະມີເຄືອງກັນແດ່ສຳລັບເລື່ອງນີ້ ແຕ່ກະຄົງບໍ່ມີບັນຫາສຳລັບຜູ້ໃຊ້ທົ່ວໄປ

ສຳລັບໃນສ່ວນຂອງລາຄາຍັງບໍ່ມີປະກາດອອກມາເທື່ອເດີ້ (ດຽວຈະອັບເດດໃຫ້ພາຍຫຼັງ) ເຊິ່ງໂຕເຄື່ອງນັ້ນຈະມາພ້ອມ 5 ສີໃຫ້ເລືອກຄື: Black Sky, Orchid Grey ແລະ Arctic Silver. (ອີກ 2 ແມ່ນສີຟ້າ ແລະສີຄຳ)
ສຳລັບສະເປັກຂອງ Samsung Galaxy S8 ແລະ S8+ ມີດັ່ງນີ້:

• ໂຕເຄື່ອງ S8:  148.9 x 68.1 x 8.0 ມມ ແລະໜັກ 152 ກຣາມ
• ໂຕເຄື່ອງ S8+: 159.5 x 73.4 x 8.1 ມມ ແລະໜັກ 173 ກຣາມ
• S8: ໜ້າຈໍ Super AMOLED ຂະໜາດ 5.8 ນິ້ວ, Quad HD+ (2560×1440 ພິກເຊວ) ມາພ້ອມຈໍໂຄ້ງ 
• S8+: ໜ້າຈໍ Super AMOLED ຂະໜາດ 6.2 ນິ້ວ, Quad HD+ (2560×1440 ພິກເຊວ) ມາພ້ອມຈໍໂຄ້ງ 
• CPU: Qualcomm Snapdragon 835 / Samaung Exynos 9 Series 8895
• GPU: Adreno 540 / Mali-G71 MP20 
• RAM: 4GB / 6GB
• ROM: 64GB / 128GB ເພີ່ມກາຣ໌ດ microSD ໄດ້
• ລະບົບ: Android 7.0 (Nougat)
• ຊິມ: Dual SIM
• ກ້ອງຫຼັງ: ເລນຄູ່ 12 ລ້ານພິກເຊວ ພ້ອມແຟລັດ LED ແລະ f/1.7
• ກ້ອງໜ້າ: 8 ລ້ານພິກເຊວ ພ້ອມ f/1.7
• ເຊັນເຊີ້: ກວດຈັບການເຕັ້ນຂອງຫົວໃຈ, ສະແກນລາຍນິ້ວມື, ສະແກນມ່ານຕາ ແລະກວດຈັບສະພາບອາກາດ
• ມາດຕະຖານ: IP68 ກັນນ້ຳ ແລະຝຸ່ນ
• ການເຊື່ອມຕໍ່: 4G VoLTE, Wi-Fi 802.11ac, Bluetooth 4.2 LE, GPS with GLONASS, USB 2.0, NFC
• S8: ແບັດເຕີຣີ 3000mAh ມາພ້ອມລະບົບສາກໄວທັງແບບໃຊ້ສາຍ ແລະໄຮ້ສາຍ (WPC and PMA)
• S8+: ແບັດເຕີຣີ 3500mAh ມາພ້ອມລະບົບສາກໄວທັງແບບໃຊ້ສາຍ ແລະໄຮ້ສາຍ (WPC and PMA)

ແຫຼ່ງຂ່າວ: fonearena ແລະຮູບພາບຈາກ phonearena