ໂຣດລຳໄສ້ປັ່ນປ່ວນນັ້ນເກີດໄດ້ຈາກຫຼາຍສາເຫດ ທັງຄວາມຜິດປົກກະຕິຂອງລະບົບທາງເດີນອາຫານເອງ ຫຼື ຈາກປັດໄຈພາຍນອກເຊັ່ນ ານຕິດເຊື້ອໃນລະບົບທາງເດີນອາຫານ, ຄວາມຜິດປົກກະຕິຂອງຊະນິດແບັດທີເຣຍ ຫຼື ປະລິມານ ແບັດທີເຣຍໃນລະບົບທາງເດີນອາຫານ ແລະ ອາດເກີດຈາກການຮັບປະທານອາຫານບາງຊະນິດໃນປະລິມານຫຼາຍ ກໍ່ອາດເຮັດໃຫ້ເກີດລຳໄສ້ປັ່ນປ່ວນໄດ້
ອາການຂອງໂຣກລຳໄສ້ປັ່ນປ່ວນ
ອາການສຳຄັນຂອງໂຣກນີ້ແມ່ນຈະມີອາການທ້ອງອືດ ຫຼື ບໍ່ສະບາຍບໍລິເວນທ້ອງ ໂຣກນີ້ອາດເກີດກັບບາງຄົນທີ່ມີຄວາມຮູ້ສຶກໄວຕໍ່ອາຫານບາງຊະນິດເຊັ່ນ: ນ້ຳສົ້ມສາຍຊູ, ກາເຟ, ອາຫານເຜັດ, ອາຫານມັນ ຫຼື ໝາກໄມ້ບາງຊະນິດ ເຊິ່ງອຕ່ລະຄົນກໍ່ຈະແຕກຕ່າງກັນອອກໄປ
ໂຣກລຳໄສ້ປັ່ນປ່ວນສາມາດຮັກສາໄດ້ໂດຍ
1. ຄວນຫຼີກລ່ຽງການກິນອາຫານທີ່ສົ່ງຜົນໃຫ້ເກີດອາການ ເຊິ່ງແຕ່ລະຄົນອາຫານກໍ່ຈະຕ່າງກັນອອກໄປ
2. ຄວນຫຼຸດຜ່ອນການກິນອາຫານປະເພດທີ່ມີຣົດຊາດເຜັດ, ອາຫານມັນ, ໜັງເປັດ, ໜັງໄກ່, ຄຣີມ, ນົມ, ເນີຍ ໃນປະລິມານຫຼາຍ
3. ກິນອາຫານປະເພດແປ້ງ ແລະ ນຳຕານໃນປະລິມານທີ່ພໍດີ
4. ເລືອກກິນອາຫານທີ່ມີກາກຫຼື ເສັ້ນໃຍເປັນປະຈຳ ເພາະອາຫານຈຳພວກນີ້ຈະຊ່ວມຊືມຊັບນ້ຳໃນອຸຈະຣະໄດ້ດີ ເຮັດໃຫ້ຖ່າຍງ່າຍ ແຕ່ກໍ່ຄວນກິນເທື່ອລະໜ້ອຍແຕ່ກິນເລື່ອຍໆ
5. ຄວນງົດດື່ມແອລກໍຮໍທຸກຊະນິດ, ກາເຟ, ຂອງດອງ, ນ້ຳອັດລົມ ແລະ ຢາບາງຊະນິດ
6. ພສວະຄວາມຄຽດກໍ່ເປັນອີກໜຶ່ງປັດໄຈທີ່ກະຕຸ້ນໃຫ້ເກີດການເຄັ່ງຕຶງຂອງລຳໄສ້ເພີ່ມຂຶ້ນ ສະນັ້ນທ່ານຈິ່ງຄວນຜ່ອນຄາຍເຮັດໂຕໃຫ້ສະບາຍ