ພະຍາດທາງສາຍຕາເຊັ່ນ ຕາຕໍ້, ປະສາດຕາເສື່ອມ, ມະເຮັງດວງຕາ, ເຍື່ອຕາແຫ້ງ ຫຼືສາຍຕາສັ້ນ ສ່ວນຫຼາຍມັກເກີດກັບຜູ້ອາຍຸສູງ, ແຕ່ໃນປະຈຸບັນເກີດໄດ້ກັບທຸກເພດໄວ ໂດຍສະເພາະກັບໜຸ່ມສາວ, ດ້ວຍວິຖີຊີວິດທີ່ປ່ຽນໄປ ມີທັງສື່, ໂຊຊຽວມີເດຍ ສົ່ງຜົນໃຫ້ “ດວງຕາ” ເຮັດວຽກຫຼາຂຶ້ນ, ການເບິ່ງໜ້າຈໍຄອມ ຫຼືໂທລະສັບດົນໆ ເປັນສາເຫດເຮັດໃຫ້ເກີດຄວາມຜິດປົກກະຕິຂອງດວງຕາໄດ້
- ຫົວແຄລ໊ອດ: ມີສ່ວນປະກອບຂອງເບຕ້າເຄໂຣທີນ ທີ່ອຸດົມດ້ວຍວິຕາມິນເອ ທີ່ຊ່ວຍດູດຊຶມພະລັງງານຈາກແສງທີ່ຜ່ານເຂົ້າມາໃນດວງຕາ ແລະຊ່ວຍປັບການເບິ່ງເຫັນໃຫ້ຊັດເຈນຂຶ້ນ
- ຜັກບົ້ງ: ຊ່ວຍບຳລຸງສາຍຕາ ບໍ່ເຮັດໃຫ້ເຈັບຕາ ຫຼືສາຍຕາສັ້ນ ເພາະມີວິຕາມິນເອ ແລະຊີ ລວມເຖິງເບຕ້າແຄໂຣທີນ ທີ່ຊ່ວຍປ້ອງກັນມະເຮັດໄດ້ອີກດ້ວຍ, ນອກຈາກນີ້ ຍັງມີເກືອແຮ່ ມີທາດເຫຼັກ ທີ່ຊ່ວຍບຳລຸງເລືອດ
- ຜັກຕຳນິນ: ມີເບຕ້າແຄໂຣທີນທີ່ດີທີ່ສຸດ ເຮັດໜ້າທີ່ກອງແສງໃຫ້ດວງຕາ ປ້ອງກັນໄຟເບີຂອງເລນຕາ ຈາກຄວາມເສຍຫາຍທີ່ອາດເກີດຈາກການຖືກອົກຊີໄດດ້ວຍແສງ, ປ້ອງກັນການເກີດສາຍຕາສັ້ນໄດ້ອີກດ້ວຍ
- ໝາກອຶ: ມີສານລູທີນປ້ອງກັນການເສື່ອມຂອງຈຸດ ຫຼືແສງສີຂອງເຣຕິນາ ມີວິຕາມິນເອບຳລຸງສາຍຕາ, ມີເບຕາແຄໂຣທີນ ເຊິ່ງມີສານ Antioxidant ສູງທີ່ຊ່ວຍຕ້ານມະເຮັງ, ນອກຈາກບຳລຸງສາຍຕາແລ້ວ ຍັງດີຕໍ່ຜິວອີກດ້ວຍ
- ໝາກກ້ຽງ: ອຸດົມດ້ວຍວິຕາມິນຊີ ແລະມີການວິໄຈພົບວ່າ ຫາກຜູ້ຍິງຄົນໃດຫາກໄດ້ຮັບວິຕາມິນຊີຕິດຕໍ່ກັນເປັນເວລາ 10 ປີ ມີໂອກາດຫຼຸດຄວາມສ່ຽງການເກີດເປັນຕາຕໍ້ໄດ້ຫຼາຍເຖິງ 64%
- ນໍ້າມັນຕັບປາ: ໂດຍສະເພາະໃນປາທູນ່າ, ປາແຊວມອນ ແລະປາເທຣາ ເປັນປາທີ່ອຸດົມດ້ວຍກົດໂດໂຄຊະເອກຊະອີໂນອິກ ຫຼືີຮູ້ຈັກກັນໃນຊື່ DHA ຫຼືໂອເມກ້າ 3 ຊ່ວຍປ້ອງກັນອາການຜິດປົກກະຕິຂອງຕາ ຊ່ວຍປ້ອງກັນປະສາດຕາເສື່ອມ
- ຊີ້ນງົວແດງ: ເພາະຊີ້ນງົວມີສັງກະສີເປັນສ່ວນປະກອບສໍາຄັນຕໍ່ດວງຕາ, ຊ່ວຍໃຫ້ຕັບປ່ອຍວິຕາມິນເອ ອອກມາ ສົ່ງຜ່ານໄປຫາດວງຕາໄດ້ໄວ
- ໝາກນອດ: ມີວິຕາມິນເອສູງ ເຮັດໃຫ້ເບິ່ງເຫັນໄດ້ຊັດເຈນຂຶ້ນ