spot_img
HomeBaby-ແມ່ແລະເດັກອາຫານທີ່ແມ່ຄວນກິນ ໄລຍະຖືພາລູກນ້ອຍໃນ 9 ເດືອນ

ອາຫານທີ່ແມ່ຄວນກິນ ໄລຍະຖືພາລູກນ້ອຍໃນ 9 ເດືອນ

Published on

ອາຫານເປັນສິ່ງສຳຄັນຫຼາຍກັບແມ່ຍິງທີ່ຖືພາ ເພາະທຸກໆມື້ຂອງແມ່ຈະສົ່ງຜ່ານການຈະເລີນເຕີບໂຕຂອງລູກໃນທ້ອງ, ດັ່ງນັ້ນ ນອກຈາກເລືອກອາຫານທີ່ມີຄຸນຄ່າທາງໂຄສະນາການແລ້ວ ຕ້ອງເລືອກອາຫານທີ່ເໝາະສົມໃນແຕ່ລະໄລຍະຂອງການຖືພາອີກດ້ວຍ

  1. ໃນໄລຍະ 1-3 ເດືອນ: ແມ່ຄວນປ່ຽນພຶດຕິກຳການກິນ ເພື່ອກຽມພ້ອມໃນເດືອນຕໍ່ໆໄປ, ອາຫານທີ່ຈຳເປັນສຳລັບຊ່ວງນີ້  ຄວນກິນອາຫານທີ່ເສີມເນື້ອເຍື່ອ ແລະການຈະເລີນເຕີບໂຕຂອງລູກນ້ອຍ ເຊິ່ງໄດ້ແກ່ ໂປຣຕີນ, ແຄວຊຽມ, ທາດເຫຼັກ ແລະໂຟເລັກເຊັ່ນ: ກິນໄຂ່ມືລະໜ່ວຍ ເລືອກກິນຕົ້ມໄຂ່ ແຕ່ຖ້າເປັນຈືນໄຂ່, ໄຂ່ດາວ ຄວນປຸງເອງດ້ວຍການໃຊ້ນໍ້າມັນໜ້ອຍ, ດື່ມນົມງົວອຸ່ນໆ ຫຼືນົມຖົ່ວເຫຼືອງ ວັນລະ 1-2 ຈອກ, ເລືອກກິນອາຫານທີ່ມີທາດເຫຼັກເຊັ່ນ: ໄຂ່ແດງ, ງາດຳ, ຕັບສັດ, ຊີ້ນສັດສີແດງ, ເມື່ອແມ່ທີ່ຖືພາໄດ້ຮັບໂປຣຕີນ, ແຄວຊຽມ ແລະທາດເຫຼັກພຽງພໍ ກໍຈະໄດ້ໃນທຸກໆສາມເດືອນ ເພາະສຳຄັນຕໍ່ການຈະເລີນເຕີບໂຕ ແລະສົ່ງອອກຊີແຊນ, ອາຫານ ໄປສູ່ລູກນ້ອຍໃນທ້ອງແມ່
  2. ໃນໄລຍະ 4-6 ເດືອນ: ຄົນທີ່ຖືພາໃນໄລຍະນີ້ ສ່ວນຫຼາຍປັບຕົວໄດ້ແລ້ວ ອາຫານແພ້ທ້ອງຈະບໍ່ມີອີກ, ຄວາມຢາກອາຫານມີຫຼາຍຂຶ້ນ, ລູກຈະເລີນເຕີບໂຕຫຼາຍຂຶ້ນ ຈຶ່ງຕ້ອງການພະລັງງານຈາກອາຫານເພີ່ມຂຶນມື້ລະ 300 ກິໂລແຄລໍລີ່, ແຕ່ເມື່ອລູກນ້ອຍໃຫຍ່ຂຶ້ນ ທ້ອງແມ່ກໍເລີ່ມໃຫຍ່ຂຶ້ນ ອາດເຮັດໃຫ້ແມ່ມີອາການທ້ອງຜູກ, ທ້ອງອືດ, ຈຶ່ງຄວນກິນຜັກ ແລະໝາກໄມ້ຕະຫຼອດ ເພື່ອເພີ່ມໃຍອາຫານ ແລະຕ້ອງຈຳກັດປະລິມານນໍ້າຕານ ບໍ່ເກີນມື້ລະ 6 ບ່ວງຊາ ແບ່ງອາຫານມີອາຫານວ່າງ ເພື່ອປ້ອງກັນການແໜ້ນທ້ອງ ແລະພາວະກົດໄຫຼກັບ ເຊິ່ງຄວນໄດ້ຮັບຄາໂບໄຮເດດ, ເສັ້ນໃຍອາຫານ ແລະໄອໂອດິນ ຈາກໝາກມັນດ້າງ, ໝາກອຶ, ສາລີ ເມື່ອຍ່ອຍສະຫຼາຍແລ້ວ ຈະ່ຽນເປັນກລູໂຄສ ເຊິ່ງເປັນແຫຼ່ງພະລັງງານທີ່ສຳຄັນຂອງສະໝອງ ຊ່ວຍສ້າງຄວາມຈຳ ແລະຮັກສາລະດັບນໍ້າຕານໃນເລືອດໃຫ້ຄົງທີ່ ແລະເຮັດໃຫ້ແມ່ອາລົມດີ, ອາຫານທີ່ມີເສັ້ນໃຍໄດ້ຈາກຜັກ ແລະໝາກໄມ້ສົດ ຫຼີກລຽງການດື່ມນໍ້າໝາກໄມ້ລົດຊາດຫວານເກີນໄປ ເພາະຈະເຮັດໃຫ້ຮ່າງກາຍໄດ້ຮັບນໍ້າຕານຫຼາຍເກີນໄປ, ຄວນກິນອາຫານທີ່ມີໄອໂອດິນທີ່ພຽງພໍເຊັ່ນ: ປາ, ກຸ້ງ, ສາຫຼ່າຍທະເລ ຄວນກິນຢ່າງໜ້ອຍອາທິດລະ 2 ຄັ້ງ ເພາະໄອໂອດີນເປັນສ່ວນປະກອບຂອງໂຮໂມນໄທອຍ ທີ່ເຮັດໜ້າທີ່ຄວບຄຸມການເຮັດວຽກຂອງເຊວ ແລະອະໄວຍະວະຕ່າງໆຂອງຮ່າງກາຍໂດຍສະເພາະສະໝອງ ແລະລະບົບປະສາດ
  3. ໃນໄລຍະ 7-9 ເດືອນ: ຍັງຕ້ອງການພະລັງງານເພີ່ມຂຶ້ນວັນລະ 300 ກິໂລແຄລໍລີ່ ແມ່ຖືພາ ທີ່ມີນໍ້າໜັກເກີນ ຄວນຢຸດກິນເຂົ້າໜົມຫວານ, ເຄື່ອງດື່ມທີ່ມີນໍ້າຕານຫຼາຍ ແລະຄວນຈຳກັດປະລິມານນໍ້າມັນປຸງອາຫານວັນລະ 2-3 ບ່ວງ ເພື່ອປ້ອງກັນນໍ້າໜັກເພີ່ມຂຶ້ນ ເຊິ່ງສານອາຫານທີ່ຄວນຄຳນຶງຄື ສານອາຫານທີ່ຊ່ວຍບຳລຸງສະໝອງ ເພາະເຊວສະໝອງຂອງລູກຈະພັດທະນາສູງສຸດໃນ 3 ເດືອນນີ້, ຄວນກິນໄຂມັນອິ່ມຕົວຊະນິດໄລໂນເລອິກ ແລະໄລໂນເລນິກ ເຊິ່ງແມ່ນໂອເມກ້າ 3 ແລະ 6 ຈະຊ່ວຍພັດທະນາການຈະເລີນເຕີບໂຕຂອງເຊວສະໝອງ ແລະປະສາດຕາຂອງລູກ, ຖ້າແມ່ກິນອາຫານທີ່ມີໄຂມັນດີ ລູກຈະໄດ້ຮັບດີເອັນເອ ແລະເອອາເອ ສະສົມໄວ້ຢ່າງພຽງພໍ ເຮັດໃຫ້ລູກມີພັດທະນາການ ແລະການຮຽນຮູ້ທີ່ດີ, ຄວນດື່ມນໍ້າມື້ລະ 8-10 ຈອກ ນໍ້າຈະຊ່ວຍສົ່ງຜ່ານຂໍ້ມູນສະໝອງເຮັດວຽກໄດ້ເຕັມປະສິດທິພາບ, ຄວນເລືອກກິນອາຫານທີ່ມີທາດສັງກະສີ ເພາະສັງກະສີຈະຊ່ວຍສັງເຄາະໂປຣຕີນ ເປັນສ່ວນໜຶ່ງຂອງເອັນໄຊ ຄາບໍນິກແອນໄຮເດດ ທີ່ຊ່ວຍໃຫ້ປະສາດເຮັດວຽກໄດ້ດີ ມີຄວາມສຳຄັນຕໍ່ການຈະເລີນເຕີບໂຕ ເຊິ່ງແຫຼ່ງອາຫານໄດ້ແກ່: ຖົ່ວດິນ, ຊີ້ນງົວ, ກຸ້ງ, ປາ ເປັນຕົ້ນ

ບົດຄວາມຫຼ້າສຸດ

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...