ພະຍາດມະເຮັງຊະນິດທີ່ແມ່ຍິງຫຼາຍຄົນຢ້ານທີ່ສຸດ ຄົງໜີບໍ່ພົ້ນມະເຮັງເຕົ້ານົມ ແລະມະເຮັງປາກມົດລູກ ເພາະມະເຮັງເປັນໂຣກທີ່ບໍ່ຮູ້ສາເຫດທີ່ເກີດຂອງພະຍາດຢ່າງຊັດເຈນ, ແຕ່ເຖິງຈະຍັງບໍ່ຮູ້ສາເຫດຂອງພະຍາດຊັດເຈນ ເຮົາຍັງຫຼຸດໂອກາດໃນການເກີດພະຍາດມະເຮັງໄດ້ ໂດຍສະເພາະມະເຮັງປາກມົດລູກ ມີວິທີງ່າຍໆ ທີ່ຊ່ວຍເຮັດໃຫ້ເຈົ້າຫຼຸດຄວາມກັງວົນໃຈໄດ້
- ຫຼີກລຽງການມີເພດສຳພັນໃນອາຍຸຍັງນ້ອຍ: ເພາະມະເຮັງປາກມົດລູກ ມີສາເຫດມາຈາກການຕິດເຊື້ອໄວຣັກ HPV ຈຶ່ງມີຄວາມເປັນໄປໄດ້ວ່າ ການມີເພດສໍາພັນແບບບໍ່ລະວັງມີຄວາມປອດໄພຕໍ່າ ເປັນສາເຫດຂອງການຕິດເຊື້ອໄດ້ ຈຶ່ງເປັນທີ່ມາວ່າ ຫາກຍັງມີອາຍຸນ້ອຍ ອາດມີຄວາມຮູ້ເລື່ອງເພດສຳພັນໜ້ອຍກວ່າຄົນທີ່ໃຫ່ກວ່າ ທັງເລື່ອງຄວາມສະອາດ, ການໃຊ້ຖົງຢາງອະນາໄມຢ່າງຖືກວິທີ ຫຼືການເລືອກຄູ່ນອນ
- ຫຼີກລຽງການປ່ຽນຄູ່ນອນ: ທັງເດັກນ້ອຍ ຫຼືຜູ້ໃຫຍ່ ມີໂອກາດຕິດເຊື້ອ HPV ໄດ້ຈາກການປ່ຽນຄູ່ນອນຫຼາຍຄົນ ໂດຍສະເພາະການໃຊ້ບໍລິການທາງເພດ ແລະແບບບໍ່ປ້ອງກັນ
- ຫຼຸດການດື່ມແອວກໍຮໍ: ມັນຈະທຳລາຍພູມຕ້ານທານໄວຣັສໃນຮ່າງກາຍ ລວມເຖິງການທຳລາຍລະບົບການເຮັດວຽກຂອງອະໄວຍະວະຫຼາຍສ່ວນ ເຮັດໃຫ້ຫຼອດເລືອດບໍ່ແຂງຕົວ ເຮັດວຽກບໍ່ໄດ້ປະສິດທິພາບ ຈົນບໍ່ສາມາດຕໍ່ສູ້ກັບໄວຣັສຕ່າງໆໄດ້
- ກວດພະຍາດມະເຮັງປາກມົດລູກຕະຫຼອດ: ເຖິງແມ່ນໄວຣັສ HPV ຈະໃຊ້ເວລາຍາວນານ 10-20 ປີກ່ອນຈະກາຍເປັນມະເຮັງ ແຕ່ເພາະໄລຍະເວລາທີ່ຍາວນານ ຈຶ່ງອາດເຮັດໃຫ້ຫຼາຍຄົນລືມໄປວ່າມີຄວາມສ່ຽງເປັນພະຍາດນີ້, ດັ່ງນັ້ນ ຈຶ່ງແນະນຳໃຫ້ໄປກວດມະເຮັງປາກມົດລູກທຸກໆ 1-2 ຫຼື 3-5 ປີ ສຳລັບຄົນທີ່ມີຄວາມສ່ຽງໜ້ອຍ (ຄົນທີ່ມີຄູ່ນອນຄົນດຽວ)