ອາການບວມທີ່ເຮົາມັກສັງເກດພົບໄດ້ງ່າຍຈະເປັນບໍລິເວນຝາມືທັງສອງຂ້າງ ຕີນ ຫຼື ມື, ອາການບວມທີ່ເກີດຂຶ້ນອາດມີຜົນຂ້າງຄຽງມາຈາກຢາບາງຊະນິດ, ພາວະຖືພາ ຫຼື ການມີໂຣກປະຈຳຕົວຕ່າງໆ ໂດຍສະເພາະຢ່າງຍິ່ງໂຣກທີ່ກ່ຽວຂ້ອງກັບຫົວໃຈ, ໂຣກຫນິ້ວ,​ ໂຣກຕັບແຂງ ເປັນຕົ້ນ.

ອາການບວມເກີດຂຶ້ນໄດ້ແນວໃດ?

– ມີການນັ່ງ ຫຼື ຢູ່ໃນທ່ານດຽວເປັນເວລາດົນເກີນໄປ

– ກິນອາຫານທີ່ມີໂຊດຽມ (ເກືອ) ເປັັນສ່ວນປະກອບໃນປະລິມານຫຼາຍ

– ມີອາການບວມກ່ອນ ຫຼື ໃນຊ່ວງເວລາເປັນປະຈຳເດືອນ

– ພາວະຖືພາ

ນອກຈາກນີ້ອາການບວມຍັງເກີດຈາກຢາບາງກຸ່ມໄດ້ເຊັ່ນ: ຢາຫຼຸດຄວາມດັນບາງຊະນິດ, ຢາຕ້ານການອັກເສບທີ່ບໍ່ແມ່ນສະເຕີຣອຍ (NSAIDS), ຢາຫຼຸດນ້ຳຕານໃນເສັ້ນເລືອດ ຢ່າງໃດກໍ່ຕາມອາການບວມນັ້ນອາດເກີດຈາກຜົນພະຍາດ ຫຼື ຄວາມເຈັບປ່ວຍບາງຊະນິດທີ່ມີຄວາມຮຸນແຮງໄດ້ເຊັ່ນ:

– ຜູ້ປ່ວຍທີ່ມີປະຫວັດເປັນໂຣກຫົວໃຈ, ຜູ້ປ່ວຍທີ່ມັກມີອາການຫາຍໃຈເມື່ອຍ

– ຜູ້ປ່ວຍໂຣກຕັບແຂງ

– ຜູ້ປ່ວຍໂຣກໜິ້ວ

– ຜູ້ປ່ວຍໂຣກກ່ຽວກັບຫຼອດເລືອດ

– ຜູ້ປ່ວຍໂຣກທາງເດີນນ້ຳເຫຼືອງອຸດຕັນ

ບວມແບບໃດຈິ່ງຕ້ອງຟ້າວໄປພົບເພດ

ເນື່ອງຈາກອາການບວມອາດເປັນຜົນມາຈາກສາເຫດຕ່າງໆ ຫຼາຍຢ່າງທັງສາເຫດທີ່ຮຸນແຮງ ແລະ ບໍ່ຮຸນແຮງ ດັ່ງນັ້ນຄົນທີ່ມີອາການບວມຈິ່ງຄວນສັງເກດອາການຕ່າງໆຮ່ວມນຳ ໂດຍມີອາການຮ່ວມນຳດັ່ງຕໍ່ໄປນີ້ຄວນຟ້າວໄປພົບແພດດ່ວນ:

– ຫາຍໃຈເມື່ອຍຫອບ

– ແໜ້ນໜ້າເອິກຫາຍໃຈລຳບາກ

– ປັດສະວະອອກໜ້ອຍຜິດປົກກະຕິ

– ທ້ອງບວມໃຫຍ່ຂຶ້ນມາຜິດປົກກະຕິ