ຈຸ່ຍ ພະທິກອນ ການຍາພັນ ນັກກິລາເທັນນິສເຍົາວະຊົນລາວ ສາມາດຍາດໄດ້ແຊ້ມ ທັງປະເພດຊາຍດ່ຽວ ແລະ ຊາຍຄູ່ ໃນລາຍການ ເອທີເອຟ ລຸ້ນອາຍຸບໍ່ເກີນ 14 ປີ ຄັ້ງທີ 1 ທີ່ສະໜາມເທັນນິສ ເອຟທີບີ ປີຣາມິດ ສະປອດຄັບ ບາງກອກ ປະເທດໄທ ຈັດຂຶ້ນໃນລະວ່າງວັນທີ 12-18 ກຸມພາ 2017 ທີ່ຜ່ານມານີ້.
ປະເພດດ່ຽວ ຮອບທຳອິດ ເອົາຊະນະທ້າວ ທະນາກອນ ພານິດອັດຕຣາ ຈາກປະເທດໄທ ດ້ວຍຄະແນນ 6:0 ; 6:2
ຮອບທີ 2 ເອົາຊະນະ ທ້າວ ສາຣັດ ອານິວັດ ຈາກປະເທດໄທ ດ້ວຍຄະແນນ 6:4 ; 6:0
ຮອບທີ 2 ເອົາຊະນະ ທ້າວ ສາຣັດ ອານິວັດ ຈາກປະເທດໄທ ດ້ວຍຄະແນນ 6:4 ; 6:0
ຮອບທີ 3 ເອົາຊະນະ ທ້າວ ຣາຊະຕະ ທຳຈະເລີນສະຖິດ ຈາກປະເທດໄທ ດ້ວຍຄະແນນ 6:2 ; 6:0
ຮອບຮອງຊະນະເລີດ ເອົາຊະນະ ທ້າວ ແທນຕາວັນ ທັດດິໂອ ແມັກຈິໂອລິ ຈາກປະເທດໄທ ດ້ວຍຄະແນນ 6:1 ; 6:1
ຮອບຮອງຊະນະເລີດ ເອົາຊະນະ ທ້າວ ແທນຕາວັນ ທັດດິໂອ ແມັກຈິໂອລິ ຈາກປະເທດໄທ ດ້ວຍຄະແນນ 6:1 ; 6:1
ແລະຮອບຊິງຊະນະເລີດ ເອົາຊະນະ ທ້າວ ປາວະລິດ ຢູ່ບຳລຸງ ຈາກປະເທດໄທ ດ້ວຍຄະແນນ 6:2 ; 6:0
ສ່ວນປະເພດຄູ່ ທ້າວ ພະທິກອນ ການຍາພັນ ຫຼື ນ້ອງຈຸ່ຍ ຈັບຄູ່ກັບ ທ້າວ ສີວະນັດ ອຸ້ຍຕະຍະກຸນ ຈາກ ປະເທດໄທ
ຮອບທຳອິດ ຊະນະບາຍ (ເປັນມືວາງຮອບທຳອິດ) ສົ່ງຜົນໃຫ້ທັງສອງ ຜ່ານເຂົ້າໄປແຂ່ງໃນຮອບ 2 ເຊິ່ງສາມາດເອົາຊະນະຄູ່ຂອງ ທ້າວ ມິກາເນຍ ກັບ ທ້າຍ ເຈເດັ້ນ ເຢລີວອງ ຈາກປະເທດມາເລເຊຍ ດ້ວຍຄະແນນ 6:2 ; 6:2
ຮອບຮອງຊະນະເລີດ ເອົາຊະນະຄູ່ຂອງທ້າວ ເບຣນເດັ້ນ ເຮັ້ນດະຣາຕະ ກັບ ທ້າວ ແມັດທຽດ ບັນວອງ ຈາກປະເທດສິງກະໂປ ດ້ວຍຄະແນນ 6:2 ; 6:3
ແລະຮອບຊິງຊະນະເລີດ ເອົາຊະນະຄູ່ຂອງທ້າວ ສາຣັດ ອະນິວັດ ກັບທ້າວ ແທນຕາວັນ ທັດດິໂອ ແມັກຈິໂອລິ ຈາກປະເທດໄທ ດ້ວຍຄະແນນ 7:5 ; 6:3 ຄວ້າແຊ້ມຄູ່ໄປຄອງ.
ຜົນງານການຄວ້າແຊ້ມຄັ້ງນີ້ ຂອງ ຈຸ່ຍ ພະທິກອນ ນັກກິລາເທນນິສເຍົາວະຊົນລາວ ຖືເປັນເຍົາວະຊົນລາວຄົນທຳອິດທີ່ສາມາດຄວ້າ 2 ແຊ້ມ ໃນລາຍການດຽວກັນ.
ທ້າວ ຈຸ່ຍ ຫຼື ພະທິກອນ ການຍາພັນ ເປັນເຍົາວະຊົນ ບ້ານໜອງພະຍາ ເມືອງໄຊທານີ ນະຄອນຫຼວງວຽງຈັນ ທີ່ມັກຮັກໃນກິລາເທນນິສເປັນຊີວິດຈິດໃຈແລະມີແວວມາຕັ້ງແຕ່ນ້ອຍ ປັດຈຸບັນເວລາຜູ້ກ່ຽວໄດ້ຖືເອົາການເຝິກຊ້ອມກິລາເທນນິສເປັນວຽກຫຼັກ ແລະຫວັງວ່າຈະໃຫ້ກາຍເປັນກິລາເທນນິສມືອາຊີບຂອງລາວໃນອະນາຄົດ.
