spot_img
Homeຂ່າວທ້ອງຖິ່ນຄວນສ້າງເງື່ອນໄຂໃຫ້ສື່ມວນຊົນເຂົ້າຮ່ວມວຽກງານຕິດຕາມກວດກາຫລາຍຂຶ້ນ

ຄວນສ້າງເງື່ອນໄຂໃຫ້ສື່ມວນຊົນເຂົ້າຮ່ວມວຽກງານຕິດຕາມກວດກາຫລາຍຂຶ້ນ

Published on

ນັບແຕ່ມີການກຳເນີດເກີດຂຶ້ນຂອງສື່ມວນຊົນລາວ, ພັກ ແລະ ລັດຖະບານໄດ້ຖືສື່ມວນຊົນຄືນັກຮົບທາງດ້ານການເມືອງແນວຄິດ ແລະ ຄຽງຄູ່ກັນນັ້ນ ກໍເປັນຜູ້ຕິດຕາມກວດສອບການຈັດຕັ້ງຜັນຂະຫຍາຍແນວທາງນະໂຍບາຍຂອງພັກ, ລະບຽບກົດໝາຍຂອງລັດມາແຕ່ລະໄລຍະ ເຊິ່ງວຽກງານກວດກາເປັນໜຶ່ງໃນພາລະບົດບາດຂອງການນຳພາ. ໝາຍວ່າມີການນຳພາຕ້ອງມີການກວດກາ ແລະ ເພື່ອຕອບສະໜອງກັບຄວາມຮຽກຮ້ອງຕ້ອງການທີ່ນັບມື້ສູງຂຶ້ນໃນການພັດທະນາເສດຖະກິດ-ສັງຄົມ

ໂດຍສະເພາະຜັນຂະຫຍາຍມະຕິກອງປະຊຸມຄັ້ງທີ X ຂອງພັກ, ກົດລະບຽບພັກສະໄໝທີ X ກ່ຽວກັບວຽກງານກວດກາ ແລະ ເນື້ອໃນກອງປະຊຸມວຽກງານກວດກາທົ່ວປະເທດຄັ້ງທີ III ໃຫ້ເປັນອັນລະອຽດ ກໍຄືປະຕິບັດກົດໝາຍກວດກາລັດ, ກົດໝາຍວ່າດ້ວຍການຕ້ານການສໍ້ລາດບັງຫລວງ, ກົດໝາຍວ່າດ້ວຍການແກ້ໄຂຄຳຮ້ອງທຸກໃຫ້ດີຂຶ້ນ ແລະ ມີຄວາມເຂັ້ມງວດ. ສະນັ້ນ ເຫັນວ່າສື່ມວນຊົນຕ້ອງເພີ່ມທະວີບົດບາດ ແລະ ສ້າງເງື່ອນໄຂ ເພື່ອໃຫ້ສາມາດຕິດຕາມກວດກາ, ສະກັດກັ້ນສິ່ງຫຍໍ້ທໍ້ຕ່າງໆຫລາຍຂຶ້ນ.

           ຕາມການລາຍງານຂອງຄະນະຈັດຕັ້ງສູນກາງພັກ ໃຫ້ຮູ້ວ່າ: ນັບແຕ່ມື້ສ້າງຕັ້ງອົງການກວດ ກາພັກ-ລັດແຕ່ປີ 1982 ເປັນຕົ້ນມາ, ອົງການດັ່ງກ່າວໄດ້ມີຄວາມພະຍາຍາມເຄື່ອນໄຫວປະຕິບັດພາລະບົດບາດຂອງຕົນເຊັ່ນ: ໃນປີ 1986-1991 ໄດ້ກວດກາທັງໝົດ 23 ອົງຄະນະພັກເມືອງ, 7.971 ເທື່ອໜ່ວຍພັກ, ມີສະມາຊິກໄດ້ຮັບການກວດກາ 20.108 ສະຫາຍ, ມີຜູ້ກະທຳຜິດຕໍ່ລະບຽບພັກ 197 ສະຫາຍ ແລະ ດ້ານເສດຖະກິດໄດ້ກວດກາຈຳນວນ 382 ການຈັດຕັ້ງຮາກຖານການຜະລິດ, ປີ 1991-1996 ໄດ້ກວດກາທັງໝົດ 23 ອົງຄະນະພັກ, 7.971 ໜ່ວຍພັກ, ມີສະມາຊິກຮັບການກວດກາ 85.982 ສະຫາຍ, ໄດ້ກວດກາການສໍ້ລາດບັງຫລວງຢູ່ 360 ການຈັດຕັ້ງບໍລິຫານ, ຫົວໜ່ວຍທຸລະກິດ-ວິສາຫະກິດ ແລະ ກົມກອງໃນກຳລັງປະກອບອາວຸດ ເຫັນວ່າມີງົບປະມານຮົ່ວໄຫລຫລາຍກວ່າ 32 ຕື້ກີບ, ເກັບກູ້ຄືນໄດ້ 20 ກວ່າຕື້ກີບ ແລະ ປະຕິບັດວິໄນຕໍ່ຜູ້ກະທຳຜິດທັງໝົດ 960 ຄົນ. ແຕ່ປີ 1996-2001 ໄດ້ດຳເນີນການກວດກາຈຳນວນ 2.864 ໜ່ວຍພັກ ແລະ ກວດກາການສໍ້ລາດບັງຫລວງຈຳນວນ 174 ເປົ້າໝາຍ, ແຕ່ປີ 2001-2006 ໄດ້ກວດກາ 1 ພັນກວ່າໜ່ວຍພັກ, ມີສະມາຊິກພັກຖືກປະຕິບັດວິໄນ 330 ສະຫາຍ, ພົບເຫັນຜົນເສຍຫາຍທີ່ເກີດຈາກການນຳເຂົ້າລົດ, ຂຸດຄົ້ນໄມ້, ໂຄງການຊົນລະປະທານ, ການເຄື່ອນໄຫວທຸລະກິດຂອງລັດຫລາຍກວ່າ 472 ຕື້ກີບ, 62 ລ້ານບາດ (ສະກຸນເງິນໄທ) ແລະ 21,8 ລ້ານກວ່າໂດລາສະຫະລັດ. ແຕ່ປີ 2006-2011 ໄດ້ກວດກາ 18.208 ໜ່ວຍພັກ, ມີສະມາຊິກພັກໄດ້ຮັບການກວດກາ 197 ພັນກວ່າສະຫາຍ, ໃນນັ້ນປະຕິບັດວິໄນຂັ້ນຕຳນິຕິຕຽນ 1 ໜ່ວຍພັກ, ກ່າວເຕືອນ 4 ໜ່ວຍພັກ ແລະ 1 ຄະນະພັກເມືອງ,ຍຸບການຈັດຕັ້ງ 4 ຮາກຖານພັກ, ມີສະມາຊິກພັກຖືກວິໄນ 597 ສະຫາຍ, ມີຜົນເສຍຫາຍຫລາຍກວ່າ 463 ຕື້ກີບ, 765 ພັນກວ່າໂດລາສະຫະລັດ ແລະ ແຕ່ປີ 2011-2016 ສາມາດກວດກາໄດ້ 734 ເປົ້າໝາຍ, ພົບເຫັນການເສຍຫາຍ 4.145 ຕື້ກວ່າກີບ, 70 ລ້ານກວ່າໂດລາສະຫະລັດ, 36 ລ້ານກວ່າບາດ ແລະ 539 ພັນຢວນ (ສະກຸນເງິນຈີນ), ພົບເຫັນການຂຸດຄົ້ນໄມ້ ແລະ ຂາຍໄມ້ບໍ່ຖືກຕ້ອງ 303 ພັນກວ່າແມັດກ້ອນ.

          ແຕ່ເພື່ອຢາກເຮັດໃຫ້ວຽກງານດັ່ງກ່າວມີປະສິດທິຜົນສູງຂຶ້ນ ແລະ ມີຄວາມໂປ່ງໃສ, ຈິ່ງເຫັນສົມຄວນວ່າກຳລັງສື່ມວນຊົນຈະຕ້ອງໄດ້ເຂົ້າຮ່ວມໃຫ້ຫລາຍຂຶ້ນກວ່າເກົ່າ ເພື່ອເປັນຫູເປັນຕາຊ່ວຍອົງການກວດກາເຮັດວຽກງານຂອງຕົນໄດ້ດີຂຶ້ນ.

ແຫລ່ງຂ່າວຈາກ: ໜັງສືພິມລາວພັດທະນາ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...