spot_img
Homeຂ່າວຕ່າງປະເທດດ່ວນ!! ເຮືອບິນໂດຍສານຕົກ ທີ່ເຕຮະຣານຕາຍ 40

ດ່ວນ!! ເຮືອບິນໂດຍສານຕົກ ທີ່ເຕຮະຣານຕາຍ 40

Published on

 

ສຳນັກຂ່າວທາງການຂອງອີຣານລາຍງານເມື່ອຕອນບ່າຍວັນທີ 10 ສິງຫາ 2014 ນີ້ວ່າ ເກີດເຫດເຮືອບິນໂດຍສານຂະໜາດນ້ອຍຕົກຫຼັງຈາກບິນຂຶ້ນຈາກເດິ່ນໃນນະຄອນຫຼວງເຕຮະຣານ ເມືອງຫຼວງຂອງປະເທດ ອີຣານ ມີຜູ້ເສຍຊີວິດຫຼາຍກວ່າ 40 ຄົນ.

ສຳນັກຂ່າວ ອີນາແລະສຳນັກຂ່າວຟາຣສ໌ ລາຍງານວ່າ ເຮືອບິນຕົກເມື່ອເວລາ 9 ໂມງ 18 ນາທີ ມື້ນີ້ຕາມເວລາໃນປະເທດອີຣານ ເຊິ່ງກົງກັບເວລາໃນປະເທດລາວໃນເວລາ 11 ໂມງ 48 ນາທີ ຂອງມື້ນີ້ 10 ສິງຫາ ໃນເຂດທີ່ພັກອາໄສທາງຕາເວັນຕົກຂອງສະໜາມບິນ ເມຣາບັດ ໃນນະຄອນຫຼວງເຕຮະຣານ ຫຼັງບິນຂຶ້ນຈາກສະໜາມບິນບໍ່ດົນ ເປັນເຮືອບິນຂະໜາດນ້ອຍຜະລິດໃນອີຣານ ກຳລັງຈະມຸ່ງໜ້າໄປຍັງເມືອງຕາບາສ ທາງຕາເວັນອອກຂອງປະເທດ.

ລາຍງານເບື້ອງຕົ້ນແຈ້ງວ່າ ຜູ້ໂດຍສານເສຍຊີວິດທັງໝົດ ແຕ່ຍັງແຈ້ງໂຕເລກບໍ່ກົງກັນ ວ່າເທິງເຮືອບິນມີຈັກຄົນແທ້ ແຕ່ຢູ່ໃນລະຫວ່າງ 40 ຫາ 48 ຄົນ. ນອກຈາກນີ້ ຍັງມີລາຍງານບໍ່ກົງກັນວ່າ ເປັນເຮືອບິນຂອງສາຍການບິນໃດລະຫວາງສາຍການບິນ ຕາບັນແອ ຫຼືສາຍການບິນ ເຊປາຮັນແອລາຍນ໌.

ສະໜາມບິນເມຣາບັດເປັນສະໜາມບິນໃນປະເທດທີ່ມີຄວາມຖີ່ຂອງການຂຶ້ນ-ລົງຂອງເຮືອບິນຫຼາຍທີ່ສຸດໃນອີຣານ ໂດຍໃຫ້ບໍລິການທ່ຽວບິນໄປທຸກເມືອງໃນປະເທດ.

1896731_10152247997684149_5524004219991154592_n

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...