spot_img
Homeສຸຂະພາບ ແລະ ສີ່ງແວດລ້ອມຖ່າຍໜັກເປັນເລືອດ ສ່ຽງ 6 ພະຍາດຮ້າຍອັນຕະລາຍ

ຖ່າຍໜັກເປັນເລືອດ ສ່ຽງ 6 ພະຍາດຮ້າຍອັນຕະລາຍ

Published on

ຖ້າຫາກເຮົາຖ່າຍໜັກເປັນເລືອດ ຫຼືອຸດຈະລະປົນເລືອດອອກມາ ເຊິ່ງເຮົາຮູ້ນຳກັນດີວ່າ ມີຄວາມເປັນໄປໄດ້ສູງທີ່ຈະເປັນພະຍາດລິດສີດວງທະວານ, ແຕ່ຄວາມຈິງແລ້ວ ຍັງມີອີກຫຼາຍພະຍາດທີ່ອາດສະແດງອາການເລີ່ມຕົ້ນຈາກການຖ່າຍໜັກເປັນເລືອດ ແລະຍັງເປັນອັນຕະລາຍກວ່າລິດສີດວງທະວານອີດ

  1. ລິດສີດວງທະວານ: ຄົນທີ່ທ້ອງຜູກຕະຫຼອດ ຈະມີຄວາມສ່ຽງເປັນພະຍາດນີ້ໄດ້ຫຼາຍກວ່າຄົນທີ່ຖ່າຍປົກກະຕິ, ຫາກມີການຖ່າຍໜັກເປັນກ້ອນແຂງຕະຫຼອດ ຈົນເຮັດໃຫ້ເປັນບາດແຜກັບຮູທະວານ ຫຼືເນື້ອເມືອກຂອງທະວານໜັກ ມີເລືອດສົດໄຫຼອອກມາເປັນຢົດໆ ຫຼືເປັນເສັ້ນ ພ້ອມກັບການຖ່າຍໜັກຕະຫຼອດ, ນອກຈາກຈະມີການເຈັບແສບແລ້ວ ຍັງອາດມີກ້ອນລິດສີດວງປີ້ນອອກມາ ຈົນມີອາການອັກເສບ, ເຈັບແສບຫຼາຍຂຶ້ນ ຫາກອາການບໍ່ດີຄວນພົບແພດທັນທີ ເພື່ອປິ່ນປົວ
  2. ເລືອດອອກໃນລຳໄສ້ໃຫຍ່: ຫາກມີເລືອດສົດໆ ອອກມາພ້ອມກັບອຸດຈະລະ ແຕ່ບໍ່ມີອາການເຈັບແສບທະວານ ເພາະບໍ່ມີອາການທ້ອງຜູກ ອາດເພາະເລືອດອອກໃນລຳໄສ້ໃຫຍ່, ຫາກມີອາການເລັກນ້ອຍ ເລືອດໄຫຼອອກມາໜ້ອຍ ແລະເລືອດຢຸດໄຫຼໄດ້ເອງ ສາມາດເບິ່ງອາການຢູ່ບ້ານໄດ້ ແຕ່ຖ້າມີເລືອດອອກມາຫຼາຍ ຄວນພົບແພດທັນທີ
  3. ເລືອດອອກໃນກະເພາະອາຫານ ຫຼືລຳໄສ້ນ້ອຍ: ອາການອາດເລີ່ມຈາກໄອເປັນເລືອດ ຫຼືມີອາການໄອ, ຈາກນັ້ນອາດອຸດຈະລະເປັນເລືອດ ເຊິ່ງເລືອດຈະມີສີເຂັ້ມຈົນດຳ ຫາກຖ່າຍເປັນເລືອດຈຳນວນຫຼາຍ ຄວນໄປພົບແພດ
  4. ໂຣກບິດ: ຫາກມີອາການເຈັບທ້ອງ ແລ້ວຖ່າຍເປັນເລືອດປົນມູກ ອາດສ່ຽງເປັນໂຣ.ບິດ ທີ່ເກີດຈາກການຕິດເຊື້ອໃນລຳໄສ້ໃຫຍ່ ຈົນເຮັດໃຫ້ລຳໄສ້ໃຫຍ່ອັກເສບ ເປັນບາດແຜ ຄວນໄປພົບແພດເພື່ອກວດຫາສາເຫດ
  5. ພະຍາດມະເຮັງລຳໄສ້ໃຫຍ່: ມະເຮັງຈະເຮັດໃຫ້ເປັນບາດແຜ ໂດຍສະເພາະບໍລິເວນໃກ້ຮູທະວານ ຈຶ່ງເຮັດໃຫ້ມີຄວາມສ່ຽງຖ່າຍປົນເລືອດ, ພະຍາດມະເຮັງລຳໄສ້ໃຫຍ່ມັກເກີດກັບຜູ້ໃຫຍ່ອາຍຸ 40-50​ ປີ ແຕ່ມີໂອກາດເກີດກັບໄວລຸ້ນ ຫຼືໄວເຮັດວຽກໄດ້ເຊັ່ນກັນ ໂດຍສະເພາະກັບຄອບຄົວຄົນທີ່ມີປະຫວັດມາກ່ອນ ກໍຍິ່ງມີຄວາມສ່ຽງຫຼາຍຂຶ້ນ ທາງທີ່ດີຄວນຢຸດກິນຊີ້ນແດງ, ອາຫານປີ້ງ, ເຊົາສູບຢາ, ດື່ມແອວກໍຮໍ ແລະອອກກຳລັງກາຍຕະຫຼອດ
  6. ພະຍາດລຳໄສ້ຂາດເລືອດ: ມາຈາກຫຼາຍສາເຫດ ແຕ່ອາການຄືເລືອດບໍ່ສາມາດເຂົ້າໄປໄຫຼວຽນໃນເສັ້ນເລືອດໄດ້ ເຮັດໃຫ້ເຊວລຳໄສ້ໃຫຍ່ບໍ່ເຮັດວຽກ ຈົນເຊວຕາຍ ແລະເລີ່ມເນົ່າກາຍເປັນແບັກທີເລຍ , ອາການທີ່ພົບເຫັນຄື ເຈັບທ້ອງ ອາດເຈັບຫຼາຍຈົນໝົດສະຕິ ແລະອາດມີການຕິດເຊື້ອໃນກະແສເລືອດຈົນເສຍຊີວິດໄດ້, ຫາກອາການເຈັບທ້ອງມີການຖ່າຍເປັນເລືອດ ສະແດງວ່າເປັນໜັກ ຄວນໄປພົບແພດດ່ວນ ເພື່ອກວດໃຫ້ແນ່ໃຈ

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ifram FB ວິທະຍາສຶກສາ

ບົດຄວາມຫຼ້າສຸດ

ໂຄສົກທຳນຽບຂາວ ອອກຖະແຫຼງການຢືນຢັນວ່າ: ຜູ້ນຳສະຫະລັດມີອາການປ່ວຍເປັນ ໂຣກຫຼອດເລືອດດຳບົກພ່ອງຊຳເຮື້ອ

ໂດນັລ ທຣຳ ປະທານາທິບໍດີ ສະຫະລັດ ອາຍຸ 79 ປີ ມີອາການປ່ວຍເປັນ ໂຣກຫຼອດເລືອດດຳບົກພ່ອງຊຳເຮື້ອ ສຳນັກຂ່າວຕ່າງປະເທດລາຍງານໃນວັນທີ 18 ກໍລະກົດ 2025 ນີ້ວ່າ: ໂຄສົກທຳນຽບຂາວສະຫະລັດ...

ສະຫຼົດ! ພໍ່ລົງມືຄາຕະກຳລູກ ອາຍຸ 16 ປີ ເນື່ອງຈາກຖືກລູກສາວປະຕິດເສດການລົບບັນຊີຕິກຕ໋ອກ

ພໍ່ຊາວປາກີສະຖານ ຍິງລູກສາວເສຍຊີວິດ ເນື່ອງຖືກປະຕິເສດການລົບບັນຊີ ຕິກຕ໋ອກ ທາງດ້ານພໍ່ເປີດເຜີຍວ່າ: ເພື່ອຮັກສາກຽດສັກສີ. ສຳນັກຂ່າວ The Straits Times ລາຍງານໃນວັນທີ 11 ກໍລະກົດ 2025 ຜ່ານມາວ່າ:...

ສະຖານທູດຕວັກກີໃນລາວຈັດງານວັນປະຊາທິປະໄຕ ແລະ ສາມັກຄີແຫ່ງຊາດ

ໃນວັນທີ 15/07/2025, ທີ່ ນະຄອນຫຼວງວຽງຈັນ ສະຖານທູດຕວັກກີໃນລາວໄດ້ຈັດງານເນື່ອງໃນວັນປະຊາທິປະໄຕ ແລະ ສາມັກຄີແຫ່ງຊາດ ໂດຍ ທ່ານ ນາງ ໂອຢ່າ ຢ່າຊາຣ ( Oya...

ຜົນກອງປະຊຸມລັດຖະບານເປີດກວ້າງ ຄັ້ງທີ I ປີ 2025

ຜົນກອງປະຊຸມລັດຖະບານເປີດກວ້າງ ຄັ້ງທີ I ປີ 2025 ກອງປະຊຸມລັດຖະບານເປີດກວ້າງ ຄັ້ງທີI ປີ 2025 ອັດລົງໃນຕອນບ່າຍວັນທີ 16 ກໍລະກົດ 2025 ທີ່ຫໍປະຊຸມແຫ່ງຊາດ ພາຍຫລັງດຳເນີນມາເປັນເວລາ...