spot_img
HomeBaby-ແມ່ແລະເດັກ5 ສັນຍານເຕືອນໃກ້ເກີດລູກ

5 ສັນຍານເຕືອນໃກ້ເກີດລູກ

Published on

ການເກີດລູກເປັນເລື່ອງທຳມະຊາດ ທີ່ຮ່າງກາຍຂອງແມ່ຈະສົ່ງສັນຍານເຕືອນໃຫ້ຮູ້ເມື່ອໃກ້ກຳນົດເກີດຄືມີອາການເຈັບທ້ອງ ແຕ່ບໍ່ຕ້ອງຮີບຮ້ອນໄປໂຮງໝໍທັນທີ ໃຫ້ກຽມຕົວ ແລະໃຈຮັບສິ່ງທີ່ກຳລັງຈະເກີດຂຶ້ນ ແລະກວດສອບທຸກຢ່າງໃຫ້ຮຽບຮ້ອຍອີກຄັ້ງກ່ອນໄປໂຮງໝໍ

  1. ເຈັບທ້ອງເຕືອນກ່ອນເກີດ: ການເຈັບທ້ອງເຕືອນກ່ອນເກີດລູກ ຈະເກີດຂຶ້ນກ່ອນປະມານ ໜຶ່ງອາທິດກ່ອນຮອດມື້ເກີດ, ອາການນີ້ມັກຈະເຈັບຂຶ້ນເລື້ອຍໆເປັນສັນຍານໃນການກຽມພ້ອມຂອງຮ່າງກາຍ ແມ່ຍິງຖືພາຄວນສັງເກດອາການທີ່ເກີດຂຶ້ນໃນໄລຍະນີ້
  2. ມີນໍ້າມູກເລືອດໄຫຼອອກມາໃນຊ່ອງຄອດ: ນໍ້າມູກເລືອດນີ້ ເກີດຈາກຮ່າງກາຍສ້າງຂຶ້ນເພື່ອປິດປາກມົດລູກໄວ້ ເພື່ອປ້ອງກັນບໍ່ໃຫ້ເຊື້ອພະຍາດເຂົ້າໄປໃນມົດລູກລະຫວ່າງຖືພາ ຖືເປັນປາກົດການທຳອິດທີ່ປົກປ້ອງລູກນ້ອຍໃນທ້ອງ ເມື່ອຮອດເວລາໃກ້ເກີດນໍ້າມູກເລືອດນີ້ຈະຫຼຸດອອກມາກ່ອນ ແລະອາດມີເລືອດປະສົມອອກມາ ເນື່ອງຈາກເກີດການແຕກຂອງເສັ້ນເລືອດ ບໍລິເວນປາກມົດລູກ ອາການແບບນີ້ເອີ້ນວ່າປາກມົດລູກເປີດ
  3. ນໍ້າຄາວປາແຕກ: ນໍ້າທີ່ອອກມາມີລັກສະນະໃສໆ ຄືກັບນໍ້າປັດສະວະ ເປັນອາການຂອງນໍ້າຄາວປາແຕກ ສະແດງເຖິງມົດລູກເລີ່ມບີບຕົວຫົດນ້ອຍລົງ ເພື່ອບີບໃຫ້ລູກນ້ອຍອອກມາ ຫາກແມ່ຖືພາເກີດອາການແບບນີ້ແລ້ວ ຄວນຮີບໄປໂຮງໝໍ ເພາະເປັນສັນຍານສຳຄັນຂອງການເກີດທີ່ກຳລັງຈະມາຮອດ
  4. ການເຈັບທ້ອງ: ແມ່ຍິງຖືພາຈະຮູ້ສຶກເຈັບທ້ອງເປັນໄລຍະຕໍ່ເນື່ອງ ແລະຖີ່ຂຶ້ນເລື້ອຍໆ ອາການເຈັບທ້ອງນີ້ຄ້າຍກັບຕອນເຈັບທ້ອງມີປະຈຳເດືອນ ແຕ່ຈະເລີ່ມເຈັບຫຼາຍຂຶ້ນເປັນຈັງຫວະ, ການເຈັບປວດໄລຍະທຳອິດຈະດົນປະມານ 1-2 ນາທີ ແລະເກີດຂຶ້ນໃນທຸກ 10-15 ນາທີ ຫຼັງຈາກນັ້ນຈະເຈັບຂຶ້ນມາເລື້ອຍໆທຸກໆ 5 ນາທີ ອາກນແບບນີ້ເປັນການໃກ້ເກີດລູກ ເພາະເປັນການສົ່ງສັນຍານໃນການມືນຕາເບິ່ງໂລກຂອງລູກນ້ອຍ
  5. ປາກມົດລູກບາງ ແລະຂະຫຍາຍ: ໃນຂະນະຖືພາປາກມົດລູກຈະມີລັກສະນະກົມໜາ ແລະປິດຕະຫຼອດເວລາ (ປາກມົດລູກຈະມີຄວາມໜາ ແລະຍາວປະມານ 2 ຊັງຕີແມັດ), ແຕ່ເມື່ອໃກ້ເກີດ ອິດທິພົນຂອງລະດັບໂຮໂມນທີ່ສູງຂຶ້ນໃນຕົວແມ່ນັ້ນ ຈະເຮັດໃຫ້ປາກມົດລູກເລີ່ມບາງລົງ ແລະອ່ອນນຸ້ມ ເມື່ອປາກມົດລູກຫົດຕົວລົງ ຈະເຮັດໃຫ້ປາກມົດລູກບາງ ແລະຄ່ອຍໆເປີດກວ້າງອອກຈົນເຖິງ 10 ຊັງຕີແມັດ ເຊິ່ງເປັນຄວາມກວ້າງ ສາມາດເຮັດໃຫ້ຫົວຂອງລູກນ້ອຍຜ່ານອອກມາໄດ້

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ifram FB ວິທະຍາສຶກສາ

ບົດຄວາມຫຼ້າສຸດ

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...