ວັນທີ 20 ມັງກອນ 2017 ສຳນັກຂ່າວເອຟພີລາຍງານວ່າ ເມືອງບູຮານສອງພັນປີ ພັລໄມຣາ ປະສົບຊະຕາກຳໜ້າສະຫຼົດໃຈອີກຄັ້ງເມື່ອກອງກຳລັງລັດອິສລາມ ຫຼື ໄອເອສ ທຸບທຳລາຍເມືອງບູຮານສະຖານສຳຄັນທີ່ເປັນມໍລະດົກໂລກ ເລີ່ມຈາກບາງສ່ວນຂອງໂຮງລະຄອນກາງແຈ້ງ ສັນຍາລັກປະຈຳເມືອງ ເຊິ່ງກຸ່ມໄອເອສເຄີຍໃຊ້ເປັນລານປະຫານໝູ່ທະຫານຊີເຣຍ 25 ຄົນ ເມື່ອປີ 2015 ຕາມມາດ້ວຍເສົາບູຮານຈັດລຽງສີ່ທິດ ຫຼື ເຕຕຣະໄພລອນ ສະໄໝສັດສັດຕະ ວັດທີ 3

ການທຳລາຍສະຖາປັດຕະຍາກຳລ້ຳຄ່າໄດ້ສ້າງຄວາມສະເທືອນໃຈ ແລະ ເຈັບແຄ້ນໄປທົ່ວໂລກ ທ່ານ ນາງ ອີຣິນາ ໂບໂກວາ ຜູ້ອຳນວຍການ ຢູເນສໂກ ກ່າວວ່າ ການກະທຳນີ້ເປັນອາຊະຍາກຳສົງຕາມ ເປັນຄວາມສູນເສຍຂອງຊາວຊີເຣຍ ແລະ ຂອງມວນມະນຸດ

ກຸ່ມສັງເກດການດ້ານສິດທິມະນຸດລະບຸວ່າ ການຫວນຄືນໂຈມຕີ ເມືອງ ພັລໄມຣາ ຂອງກຸ່ມໄອເອສ ເກີດຂຶ້ນລະຫວ່າງທີ່ກອງທັບຊີເຣຍ ແລະ ພັນທະມິດ ຫັນໜ້າໄປບຸກໂຈມຕີທີ່ເມືອງ ອາເລບໂປ ສ່ວນສະຫະລັດອາເມລິກາກໍ່ຫັນໜ້າໄປບຸກໂຈມຕີເມືອງ ອັລຣັອກເກາະ ເຮັດໃຫ້ເມືອງ ພັລໄມຣາບໍ່ມີຜູ້ປົກປ້ອງ

ນອກຈາກນີ້ ກອງທັບອິຣັກ ແລະ ກອງທັບນານາຊາດຍັງເດີນໜ້າໂຈມຕີ ໄອເອສໃນເມືອງ ໄມຊຸລ ຢ່າງຕໍ່ເນື່ອງ ນັກຮົບໄອເອສຈຳນວນຫຼາຍຄົນຫຼົບໜີຂ້າມຊາຍແດນໄປທາງຕະເວັນອອກຂອງຊີເຣຍ ຮວມທັງອາດເດີນທາງໄປສົມທົບກັບກອງກຳລັງບໍລິເວນຊານເມືອງ ພັລໄມຣາ ແລະ ເປີດສາກປະທະຈົນຢຶດຄອງພື້ນທີ່ບາງສ່ວນຂອງເມືອງບູຮານໄດ້ອີກຄັ້ງ

ຂະນະດຽວກັນກຸ່ມສັງເກດການດ້ານສິດທິມະນຸດໃນຊີເຣຍເປີດເຜີຍວ່າ ກອງກຳລັງລັດອິສລາມ ຫຼື ໄອເອສ ກໍ່ເຫດສັງຫານຊາວຊີເຣຍຢ່າງໜ້ອຍ 12 ຄົນ ໃນເມືອງ ພັລໄມຣາ ເມືອງບູຮານທີ່ມີອາຍຸເກົ່າແກ່ກວ່າ 2,000 ປີ ແລະ ຍັງຕັດຫົວຂອງເຫຍື່ອບາງຄົນອີກດ້ວຍ

ຂ່າວຈາກ: ຂ່າວສົດ
ຮູບພາບຈາກ: http://petmaya.com/palmyra-isis

ຕິດຕາມຂ່າວເສດຖະກິດລາວ ກົດໄລຄ໌ເລີຍ!