spot_img
Homeຂ່າວພາຍ​ໃນນາຍົກເນັ້ນໃຫ້ອົງການກວດສອບ ນຳໃຊ້ລະບົບການເຊື່ອມຕໍ່ບັນຊີງົບປະມານ-ຄັງເງິນ-ກຸ່ມລາຍຮັບ

ນາຍົກເນັ້ນໃຫ້ອົງການກວດສອບ ນຳໃຊ້ລະບົບການເຊື່ອມຕໍ່ບັນຊີງົບປະມານ-ຄັງເງິນ-ກຸ່ມລາຍຮັບ

Published on

ໃນຕອນບ່າຍຂອງວັນທີ 12 ມັງກອນ 2017 ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ໂອ້ລົມ ຕໍ່ກອງປະຊຸມເປີດກວ້າງວຽກງານກວດສອບງົບປະມານ ປະຈຳປີ 2016 ມາແຕ່ວັນທີ 11 ມັງກອນ 2017 ທີ່ສູນການຮ່ວມມື ແລະ ການຝຶກອົບຮົມ (ICTC).

ໂອກາດນີ້, ທ່ານນາຍົກລັດຖະມົນຕີ ໄດ້ສະແດງຄວາມຊົມເຊີຍ ຕໍ່ບັນດາຜົນງານ ທີ່ຄະນະນຳ, ສະມາຊິກພັກ ແລະ ພະນັກງານ ໃນຂົງເຂດວຽກງານຂອງອົງການກວດສອບແຫ່ງລັດ ຍາດມາໄດ້ໃນໄລຍະຜ່ານມາ ໂດຍສະເພາະ ການປັບປຸງແກ້ໄຂບັນດາມາດຕະການແນະນຳ ແລະ ກຳນົດທິດທາງຈຸດສຸມ ແຜນການກວດສອບງົບປະມານແຫ່ງລັດ ປີ 2017; ໄດ້ມີການວິເຄາະ, ວິໄຈ ສາເຫດ ແລະ ປະກົດການຕົວຈິງ ທີ່ເປັນຜົນກະທົບ ຕໍ່ເສດຖະກິດມະຫາພາກ ໃນສະພາບປະຈຸບັນ, ສາມາດຊີ້ໃຫ້ເຫັນການຮົ່ວໄຫຼ ທາງດ້ານລາຍຮັບ-ລາຍຈ່າຍຂອງງົບປະມານແຫ່ງລັດ ແລະ ໄດ້ພ້ອມກັນຖອດຖອນບົດຮຽນກ່ຽວກັບລະບົບການຄຸ້ມຄອງນຳໃຊ້ງົບປະມານແຫ່ງລັດ ແລະ ການປັບປຸງແກ້ໄຂຂໍ້ຄົງຄ້າງຈາກຜົນການກວດສອບຂອງສົກປີຜ່ານມາ. ໃນສະພາບເງື່ອນໄຂທີ່ກຳລັງປະເຊີນ ທ່ານຍັງໄດ້ເນັ້ນບາງດ້ານ ທີ່ຈະຕ້ອງໄດ້ສຸມໃສ່ປັບປຸງແກ້ໄຂ ໂດຍສະເພາະ ໃນການຄຸ້ມຄອງດ້ານລາຍຮັບ-ລາຍຈ່າຍ, ການດຳເນີນທຸລະກິດຂອງທະນາຄານລັດ ແລະ ລັດວິສາຫະກິດ

ພ້ອມນີ້ ທ່ານຍັງໄດ້ເນັ້ນຕື່ມບາງບັນຫາທີ່ຕິດພັນກັບທາງກະຊວງການເງິນ, ກະຊວງແຜນການ ແລະ ການລົງທຶນ, ອົງການກວດສອບແຫ່ງລັດ ແລະ ຂະແໜງທີ່ກ່ຽວຂ້ອງເພື່ອນຳໄປຄົ້ນຄ້ວາ ແລະ ປັບປຸງ, ຜັນຂະຫຍາຍ ແລະ ຈັດຕັ້ງປະຕິບັດຕື່ມດັ່ງນີ້:

  1. ໃຫ້ນຳໃຊ້ລະບົບເຊື່ອມຕໍ່ບັນຊີງົບປະມານ-ຄັງເງິນ-ກຸ່ມລາຍຮັບ ແຕ່ຂັ້ນສູນກາງລົງຮອດຂັ້ນເມືອງ ເພື່ອເຊື່ອມໂຍງກັນ ໃຫ້ທຸກຫົວໜ່ວຍງົບປະມານ ແລະ ສາມາດດຸ່ນດ່ຽງໃນແຕ່ລະວັນ ຢ່າງເປັນລະບົບ ວ່ອງໄວທັນການ.
  2. ປັບປຸງແກ້ໄຂລະບົບການຕິດຕາມ ການບັນທຶກໜີ້ຕ້ອງຮັບ ຈາກການຈ່າຍເງິນລ່ວງໜ້າງົບປະມານແຫ່ງລັດ ໃຫ້ສ້າງກົນໄກໃນການຕິດຕາມ ແລະ ສະສາງບັນຊີເງິນຝາກ ອົງການບໍລິຫານວິຊາການ ໃນລະບົບຄັງເງິນແຫ່ງຊາດປະຈຳສູນກາງ, ຄັງເງິນປະຈຳແຂວງ-ນະຄອນຫຼວງ, ໃຫ້ບັນດາໜ່ວຍງານງົບປະມານ ທີ່ມີບັນຊີເງິນຝາກຢູ່ ທະນາ ຄານທຸລະກິດ ປິດບັນຊີ ແລະ ໂອນຍອດເຫຼືອບັນຊີດັ່ງກ່າວ ເຂົ້າລວມສູນຢູ່ໃນເງິນເງິນແຫ່ງຊາດແຕ່ລະຂັ້ນ
  3. ໃຫ້ຂະແໜງການລາຍຮັບສ້າງແຜນ ແລະ ຕິດຕາມສະຖິຕິ ສິນຄ້ານຳເຂົ້າ-ສົ່ງອອກ ໃຫ້ມີຄວາມຊັດເຈນ, ແຜນຍົກເວັ້ນພາສີ ໂຄງການລົງທຶນຂອງລັດ ເປັນລາຍລະອຽດ ເພື່ອຫຼີກລ່ຽງອະນຸມັດຍົກເວັ້ນພາສີ ທີ່ບໍ່ຖືກຕ້ອງຕາມລະບຽບກົດໝາຍ ແລະ ກວດຄືນການເຄື່ອນໄຫວທຸລະກິດ ຕາມຂໍ້ມູນຂະແໜງສ່ວນສາອາກອນ, ກຳນົດການຄິດໄລ່ອັດຕາກອນແຕ່ລະປະເພດ ໃຫ້ສອດຄ່ອງກັບລັດຖະບັນຍັດ ທີ່ປະກາດໃຊ້ອັນສຳຄັນ ແມ່ນຕ້ອງໄດ້ເອົາຂໍ້ມູນສູ່ລະບົບເອເລັກໂທຣນິກ ທັງໝົດ ແລະ ສ້າງພະນັກງານ ໃຫ້ມີຈັນຍາບັນ ຈັນຍາທຳ ແລະ ບັນຫາອື່ນໆອີກ

ເປັນຕົ້ນແມ່ນໃຫ້ທວນຄືນການຈັດສັນໜີ້ສິນ ໃນລະບົບຄັງເງິນແຫ່ງຊາດ ແລະ ໜີ້ຕ້ອງຮັບ ຂອງກຸ່ມລາຍຮັບໃຫ້ລະອຽດຄົບຖ້ວນ

ໃຫ້ກວດຄືນການຊຳລະໜີ້ໂຄງການລົງທຶນຂອງລັດ ທີ່ນອນໃນແຜນສະພາແຫ່ງຊາດຮັບຮອງ ໃຫ້ກວດຄືນໂຄງການລົງທຶນຂອງລັດ ທີ່ບໍ່ໄດ້ຈັດຕັ້ງການປະມູນການກໍ່ສ້າງ ຈັດຊື້-ຈັດຈ້າງ ເພື່ອດຳເນີນຂັ້ນຕອນການປະເມີນ ໃຫ້ສອດຄ່ອງກັບກົດໝາຍວ່າດ້ວຍການລົງທຶນຂອງລັດ, ໂຄງການໃດບໍ່ຖືກຕ້ອງ ຫຼື ບໍ່ໄດ້ປະເມີນຕາມການກຳນົດ ແມ່ນໃຫ້ໂຈະການຈັດຕັ້ງປະຕິບັດ ເພື່ອຫຼີກລ່ຽງເຮັໃຫ້ໂຄງການມີມູນຄ່າສູງ

ແຫລ່ງຂ່າວຈາກ: ໜັງສືພິມເສດຖະກິດ-ການຄ້າ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

 

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...