spot_img
Homeຂ່າວພາຍ​ໃນພຶດຕິກຳຂອງຜູ້ຊາຍ ທີ່ຜູ້ຍິງບໍ່ມັກ

ພຶດຕິກຳຂອງຜູ້ຊາຍ ທີ່ຜູ້ຍິງບໍ່ມັກ

Published on

ຜູ້ຊາຍມັກຈະພົບບັນຫາແຟນຕົນເອງແບບວ່າ ຢູ່ດີໆກໍມິດຫງຽບ ບໍ່ເວົ້າຈານຳກັນ ຫຼືບາງຄັ້ງກໍຄຽດ, ໃຈຮ້າຍໃສ່, ຖ້າແຟນຂອງເຈົ້າເປັນແບບນີ້ ຄິດໄວ້ເລີຍວ່າ ເຈົ້າຕ້ອງເຮັດສິ່ງໃດໜຶ່ງທີ່ບໍ່ຖືກໃຈ ຫຼືຜິດໃຈ ດັ່ງນັ້ນ ເຮົາມາຮູ້ນຳກັນວ່າ ພຶດຕິກຳຂອງຜູ້ຊາຍ ທີ່ເຮັດໃຫ້ແຟນສາວບໍ່ມັກມີຫຍັງແດ່

  1. ແຟນໂທມາບໍ່ຮັບ: ແມ່ນຢູ່ວ່າຜູ້ຊາຍມັກຈະບໍ່ສົນໃຈນຳໂທລະສັບ ແຕ່ສາວໆຈະບໍ່ເຂົ້າໃຈ ເມື່ອໂທຫາແລ້ວບໍ່ຮັບ ຈະເຮັດໃຫ້ຫງຸດຫງິດທຸກເທື່ອທີ່ໂທມາຫາຫຼາຍສາຍແຕ່ບໍ່ຮັບ ແລະບໍ່ຍອມໂທກັບ ຈະເຮັດໃຫ້ສາວໆຄຽດໃຫ້ເຈົ້າແນ່ນອນ
  2. ບໍ່ສະແດງຄວາມຮັກເມື່ອຢູ່ຕໍ່ໜ້າໝູ່: ຜູ້ຍິງສ່ວນຫຼາຍມັກໃຫ້ແຟນຕົນເອງເປີດເຜີຍຄວາມສຳພັນກັບຄົນອື່ນ ວ່າຮັກສາວໆຫຼາຍປານໃດ ເຊິ່ງຖ້າຫາກເຮັດໄດ້ຈະເຮັດໃຫ້ສາວໆພູມໃຈໃນຕົວເຈົ້າ, ເຊິ່ງຜູ້ຊາຍສ່ວນຫຼາຍເວລາໄປຫາໝູ່ ຈະບໍ່ສະແດງຄວາມຮັກຢູ່ຕໍ່ໜ້າ ດັ່ງນັ້ນສາວໆຈຶ່ງຄຽດໃຫ້ຕະຫຼອດ
  3. ເຈົ້າມັກໃຫ້ເວລາກັບກິດຈະກຳທີ່ຕົນມັກຈົນລືມສາວໆ: ເຊິ່ງຈະເຮັດໃຫ້ສາວໆນ້ອຍໃຈ ເພາະແຟນຕົນເອງບໍ່ເອົາໃຈໃສ່ຕົນ ແຕ່ກັບເອົາເວລາໄປສົນໃຈກັບສິ່ງອື່ນຫຼາຍກວ່າ
  4. ມີໝູ່ເພື່ອນເປັນຜູ້ຍິງຫຼາຍຄົນ: ຜູ້ຍິງຈະບໍ່ມັກໃຫ້ແຟນຕົນເອງໄປຫຍຸ້ງກ່ຽວກັບສາວໆຄົນອື່ນ ເຖິງແມ່ນວ່າຈະບໍ່ໄດ້ເປັນແຟນກັນກໍຕາມ ເພາະຍິງຈະເປັນຄົນທີ່ນ້ອຍໃຈເກັ່ງທີ່ສຸດ
  5. ເຈົ້າເປັນຫ່ວງຄວາມຮູ້ສຶກແຟນເກົ່າຫຼາຍກວ່າ ຄວາມຮູ້ສຶກຂອງແຟນໃນປະຈຸບັນ: ເລື່ອງແບບນີ້ ຈະເຮັດໃຫ້ສາວໆບໍ່ມັກທີ່ສຸດ ເພາະຕອນນີ້ເຈົ້າເລີກກັນແລ້ວກໍບໍ່ຄວນຈະມາຫຍຸ້ງກ່ຽວຫຍັງນຳກັນອີກຕໍ່ໄປ ເຖິງແມ່ນວ່າຈະມີວຽກຫຍັງກໍຕາມ
  6. ເຈົ້າຊວນໝູ່ເຈົ້າໄປກິນເຂົ້ານຳກັນ: ເພາະຜູ້ຍິງມັກໄປນຳແຟນສອງຄົນຫຼາຍກວ່າ ເຊິ່ງຜູ້ຍິງບໍ່ມັກໃຫ້ຄົນອື່ນໄປນຳ ເວລານີ້ ຄວນຈະເປັນເວລາຂອງເຈົ້າທັງສອງຄົນຫຼາຍກວ່າ
  7. ບໍ່ໃຫ້ຄວາມສຳຄັນໃນວັນພິເສດ: ຜູ້ຍິງມັກຈະໃຫ້ຜູ້ຊາຍ ໃສ່ໃຈໃນວັນພິເສດ ຫຼາຍກວ່າວັນອື່ນໆ ແຕ່ໜຸ່ມໆສ່ວນຫຼາຍ ຈະບໍ່ໃຫ້ຄວາມສຳຄັນຫຼາຍ ເທົ່າກັບທີ່ສາວໆຕ້ອງການ ໂດຍສະເພາະເລື່ອງຂອງການໄປກິນເຂົ້າ ເຊິ່ງໜຸ່ມໆຄວນຈະພາແຟນຕົນເອງໄປກິນເຂົ້າໃນຮ້ານໃໝ່ແດ່ ບໍ່ແມ່ນວ່າຈະໄປແຕ່ຮ້ານເກົ່າເທົ່ານັ້ນ
  8. ບໍ່ແກ້ໄຂໃນສິ່ງທີ່ສາວໆບໍ່ມັກ:ສິ່ງໃດທີ່ສາວໆບໍ່ມັກ ຈະບອກອອກມາ ເພື່ອໃຫ້ແຟນຕົນປ່ຽນແປງ ແຕ່ຜູ້ຊາຍສ່ວນຫຼາຍກໍບໍ່ໃສ່ໃຈ ບໍ່ປ່ຽນແປງ ຈະເຮັດໃຫ້ສາວໆບໍ່ມັກ ທີ່ເຈົ້າເຮັດພຶດຕິກຳແບບນີ້

ເມື່ອຜູ້ຊາຍທັງຫຼາຍ ຮູ້ແບບນີ້ແລ້ວວ່າ ຜູ້ຍິງທັງຫຼາຍບໍ່ມັກ ເມື່ອເຈົ້າເຮັດພຶດຕິກຳແບບນີ້ ກໍຄວນປັບປ່ຽນ ເພື່ອເຮັດໃຫ້ຄວາມສຳພັນຂອງເຈົ້າທັງສອງຍືນຍາວຕໍ່ໄປ ແລະຮັກກັນໄປດົນໆ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...