ໃນຄໍລຳ ແມ່ ແລະ ລູກ ມື້ນີ້ແອັດມິນຈະມານຳສະເໜີບົດເບົາໆ ຄືການຄຳນວນຄວາມສູງຂອງລູກນ້ອຍໃນອານາຄົດ ເມື່ອເວລາທີ່ເຂົາໃຫຍ່ຂຶ້ນມາ ເຂົາຈະມີຄວາມສູງປະມານເທົ່າໃດ? ດ້ວຍການໃຊ້ສູດແບບງ່າຍໆ
ການຈະເລີນເຕີບໃຫຍ່ ແລະ ຄວາມສູງຂອງມະນຸດນັ້ນ ເປັນຂະບວນການທີ່ຊັບຊ້ອນ ແລະ ຖືກກຳນົດດ້ວຍປັດໄຈທາງກຳມະພັນເປັນຫຼັກ ທີ່ມີຜົນຕໍ່ຄວາມສູງຂອງລູກ ຖ້າພໍ່ແມ່ສູງ ລູກສ່ວນຫລາຍກໍ່ຈະເກີດມາສູງ ຖ້າພໍ່ແມ່ເຕ້ຍລູກກໍ່ມັກຈະເກີດມາເຕ້ຍ
ສູດນີ້ແອັດມິນໄດ້ອ່ານຈາກເວັບໄຊ http://mothersdigest.in.th ເຊິ່ງມັນກໍ່ເປັນສູດໜຶ່ງທີ່ໜ້າສົນໃຈ ຮູ້ສຶກວ່າເປັນຫົວຂໍ້ທີ່ແປກໃໝ່ ບໍ່ເຄີຍໄດຍິນຈາກທາງໃດມາກ່ອນ ແຕ່ມັນກໍ່ສາມາດຕອບສະໜອງຄວາມຢາກຮູ້ຂອງພໍ່ແມ່ບາງກຸ່ມຄົນໄດ້ ແລະ ມັນກໍ່ບໍ່ແມ່ນເລື່ອງເສຍຫາຍທີ່ເຮົາຈະລອງຄຳນວນຄວາມສູງຂອງລູກເຮົາດ້ວຍສູດນີ້ໃນຍາມເວລາຫວ່າງໆ ແຕ່ຂໍບອກໄວ້ກ່ອນວ່າ ສູດຄຳນວນນີ້ແມ່ນອີງຕາມສັກກະຍະພາບທາງພັນທຸກຳແທ້ໆຂອງພໍ່ແມ່ເທົ່ານັ້ນ.
(ໝາຍເຫດ: ສູດນີ້ບໍ່ສາມາດນຳໃຊ້ໄດ້ກັບພໍ່ແມ່ຜູ້ມີຄວາມຜິດປົກກະຕິທາງຮ່າງກາຍ ເຊັ່ນ: ຮ່າງກາຍເປັນພິການ ທີ່ສົ່ງຜົນເຮັດໃຫ້ການຈະເລີນເຕີບໃຫຍ່ຂອງຮ່າງກາຍທີ່ສົມບູບແບບຄົນທົ່ວໄປ ຫຼື ຄົນທີ່ໄປເຮັດສັນລະຍະກຳຕໍ່ກະດູກໃຫ້ຕົວເອງສູງຂຶ້ນ)
ເດັກນ້ອຍຜູ້ຊາຍ = (ຄວາມສູງຂອງພໍ່ + ຄວາມສູງຂອງແມ່ +13)/2
ເດັກນ້ອຍແມ່ຍິງ = (ຄວາມສູງຂອງພໍ່ + ຄວາມສູງຂອງແມ່ -13)/2
ສູດມັນກໍ່ມີພຽງງ່າຍໆເທົ່ານີ້ ລອງຄຳນວນຫຼິ້ນໆເບິ່ງເດີ້… ເມື່ອຮູ້ຜົນຄຳນວນແລ້ວ ກໍ່ຢ່າໄປຄິດຈິງຈັງຫຍັງຫຼາຍ! ເພາະໂລກດຽວນີ້ມັນພັດທະນາແລ້ວ ຄວາມສູງກໍ່ສາມາດເສີມໄດ້ ດ້ວຍອາຫານ ແລະ ທາງການແພດທີ່ທັນສະໃໝ
ແຫລ່ງທີ່ມາ: http://mothersdigest.in.th/post/G44dlcg-%E0%B8%A7%E0%B8%B4%E0%B8%95%E0%B8%B2%E0%B8%A1%E0%B8%B4%E0%B8%99_%E0%B8%AD%E0%B8%B2%E0%B8%AB%E0%B8%B2%E0%B8%A3%E0%B9%80%E0%B8%AA%E0%B8%A3%E0%B8%B4%E0%B8%A1%E0%B8%AD%E0%B8%B0%E0%B9%84%E0%B8%A3_%E0%B8%8A%E0%B9%88%E0%B8%A7%E0%B8%A2%E0%B9%83%E0%B8%AB%E0%B9%89%E0%B8%A5%E0%B8%B9%E0%B8%81%E0%B8%95%E0%B8%B1%E0%B8%A7%E0%B8%AA%E0%B8%B9%E0%B8%87___/4
ຕິດຕາມນານາສາລະ ກົດໄລຄ໌ເລີຍ!