spot_img
Home​ຂ່າວບັນເທິງມາຮູ້ຈັກກັບ ມຸກດາວັນ ສັນຕິພອນ

ມາຮູ້ຈັກກັບ ມຸກດາວັນ ສັນຕິພອນ

Published on

ມຸກດາວັນ ສັນຕິພອນ – ສາວນັກຮ້ອງບ້ານທົງ ໝໍລຳບ້ານນາ ເຈົ້າຂອງຜົນງານເພງ ມົນຮັກບ່າວເມືອງວັງ , ສຽງແຄນແທນໃຈ , ເອີ້ນອ້າຍໃສ່ໝໍ້ໜຶ້ງ , ບ່າວທ່າແຂກ ສາວສະຫວັນ ເກີດມື້ວັນທີ 02/06/1997 ໃນຄອບຄົວຊາວນາ ພໍ່ຊື່ ສັນຕິໄຊ ສັນຕິພອນ ແມ່ຊື່ ສົມໝາຍ ສັນຕິພອນ ເປັນລູກສາວຫລ້າ ໃນຈຳນວນລູກ 6 ຄົນ ເປັນຊາວບ້ານ ບ້ານທາດອີງຮັງ ເມືອງໄກສອນ ພົມວິຫານ ແຂວງສະຫວັນນະເຂດ ສປປ.ລາວ

ມຸກດາວັນ ສັນຕິພອນ ໄດ້ເຂົ້າສູ່ວົງການເພງຍ້ອນວ່າ ໃນມື້ຊ້ອມວົງ ຂອງວົງດົນຕີອີເລັກໂທນກ້ວຍສຸກຂຽວ ຂາດນັກຮ້ອງ ໃນມື້ນັ້ນ ມຸກດາວັນ ສັນຕິພອນ ໄດ້ນັ່ງຢູ່ນັ້ນ ພໍ່ສັນຕິໄຊ ສັນຕິພອນ ພໍ່ມຸກດາວັນ ສັນຕິພອນຈຶງໄດ້ບອກໃຫ້ ມຸກດາວັນ ສັນຕິພອນ ລອງຮ້ອງເບິ່ງ ແລະກະເຫັນວ່າຮ້ອງໄດ້ດີພໍສົມຄວນ ນັບແຕ່ນັ້ນມາ ມຸກດາວັນ ສັນຕິພອນ ກະໄດ້ຮ້ອງປະຈຳໃນວົງດົນຕີ ກ້ວຍສຸກຂຽວ.

ຜົນງານ – ນັບແຕ່ເລີມຮ້ອງເພງກະໄດ້ເຂົ້າປະກວດຮ້ອງເພງ ແຕ່ອາຍຸ 5 ປີ ມີໄດ້ລາງວັນກະຫລາຍລາງວັນ ໃນປີ 2008 ມຸກດາວັນ ສັນຕິພອນ ໄດ້ມີໂອກາດເປັນສະມາຊິກສະໂມສອນວັດທະນະທຳ ແຂວງສະຫວັນນະເຂດ ໃນວຽກການຮ້ອງ ການລຳ ໃນປີ 2010 ມຸກດາວັນ ສັນຕິພອນ ໄດ້ມີໂອກາດເປັນສະມາຊິກນັກສະແດງ ແຂວງສະຫວັນນະເຂດ ຮັບໄຊງານສະຫລອງນະຄອນຫຼວງວຽງຈັນຄົບຮອບ 450 ປີ ໃນວຽກການຮ້ອງ ການລຳຄອນສະຫວັນ ລຳຜູ້ໄທ ແລະໄດ້ສະແດງໃນງານບຸນປະຈຳປີ ງານນະມັດສະການພຮະທາດຫລວງ ງານນະມັດສະການພຮະທາດອີງຮັງ ແລະງານປະເພນີຕ່າງໆຂອງສະມາຊິກສະໂມສອນວັດທະນະທຳ ແຂວງສະຫວັນນະເຂດ ທັ້ງໃນແລະຕ່າງປະເທດ.

ຜົນງານ – ໃນດ້ານການບັນທຶກສຽງ ວີຊີດີ ດີວີດີ. ຜົນງານຊຸດທຳອິດທີ່ ມຸກດາວັນ ສັນຕິພອນ ໄດ້ບັນທຶກສຽງ ຊື່ຊຸດ ຊຳລະແຜໃຈ ຮ້ອງລວມໝູ່ 4 ຄົນ ເພງທີ່ໄດ້ຮັບການຍອມຮັບ ຄືເພງໄຫວບໍ່ພໍ່ ຜົນງານຊຸດທີ່ 2 ມຸກດາວັນ ສັນຕິພອນ ໄດ້ບັນທຶກສຽງ ຊື່ຊຸດ ບ່າວທ່າແຂກ-ສາວສະຫວັນ ຮ້ອງຄູ່ ເພງທີ່ໄດ້ຮັບການຍອມຮັບ – ເພງບ່າວທ່າແຂກ-ສາວສະຫວັນ,ເພງເພຶ່ນມິມັກຂ່ອຍ ຜົນງານຊຸດທີ່ 3 ມຸກດາວັນ ສັນຕິພອນ ໄດ້ບັນທຶກສຽງ ຊື່ຊຸດ ມົນຮັກບ່າວເມືອງວັງ ຮ້ອງດ່ຽວ ເພງທີ່ໄດ້ຮັບການຍອມຮັບ – ເພງເອີ້ນອ້າຍໃສ່ໝໍ້ໜຶ້ງ , ເພງສຽງແຄນແທນໃຈ , ເພງມົນຮັກບ່າວເມືອງວັງ

ໃນປັດຈຸບັນ ມຸກດາວັນ ສັນຕິພອນ ກະຍັງເປັນ ສາວນັກຮ້ອງບ້ານທົງ ໝໍລຳບ້ານນາ ປະຈຳວັງດົນຕີອີເລັກໂທນກ້ວຍສຸກຂຽວ ໃຊ້ຊີວິດເປັນຊາວບ້ານ ບ້ານທາດອີງຮັງ ເມືອງໄກສອນ ພົມວິຫານ ແຂວງສະຫວັນນະເຂດ ສປປ.ລາວ

 

374977_127578080776554_1924820189_n

ບົດຄວາມຫຼ້າສຸດ

ພະຍາກອນອາກາດ ແຕ່ເວລາ 07 ໂມງ ຂອງວັນທີ 28/03/2025 ຫາ ເວລາ 07 ໂມງ ຂອງວັນທີ 29/03/2025

ກົມອຸຕຸແຈ້ງເຕືອນສະພາບອາກາດ 28/3/25 ພາກເໜືອຈະມີອາກາດຮ້ອນ-ຮ້ອນເອົ້າ ສ່ວນພາກກາງມີເນື້ອທີ່ຝົນປົກຫຸ້ມ 50%. ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກ ຂອງປະເທດລາວ ດ້ວຍກໍາລັງອ່ອນ ຫາປານກາງ, ສົມທົບກັບກະແສລົມ ຕາເວັນຕົກພັດປົກຄຸມ, ຊຶ່ງຈະເຮັດໃຫ້ອາກາດຍັງສືບຕໍ່ຮ້ອນ ພ້ອມມີ ໝອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ລະພາກ...

ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ

ເພື່ອຍົກລະດັບການຂົນສົ່ງ ຂອງ ສປປ ລາວ ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ. ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ ເພື່ອຍົກລະດັບການຂົນສົ່ງ ຂອງ ສປປ ລາວ ຮອງຮັບການນໍາເຂົ້າ - ສົ່ງອອກ, ສົ່ງອອກຕໍ່ ແລະ ຜ່ານແດນ...

ພະຍາກອນອາກາດ ປະຈໍາວັນທີ 27 ມີນາ 2025, ເວລາ 12 ໂມງ 00

ຮ້ອນຈັດອາກາດຕອນສວາຍ ພາກເໜືອມີອຸນຫະພູມສູງສຸດ 40 ອົງສາ ສ່ວນພາກໃຕ້ມີເນື້ອທີ່ຝົນປົກຫຸ້ມ 50% ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ, ສົມທົບກັບກະແສລົມຕາເວັນຕົກພັດປົກຄຸມ, ຊຶ່ງຈະເຮັດໃຫ້ ອາກາດຍັງສືບຕໍ່ຮ້ອນ ພ້ອມມີຫມອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ ລະພາກ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ...

ເກົາຫຼີໃຕ້ປະເຊີນກັບໄຟປ່າຄັ້ງທີ່ຮ້າຍແຮງທີ່ສຸດ ຫຼ້າສຸດເສຍຊີວິດແລ້ວ 24 ຄົນ

ສະຖານະການໄຟປ່າທາງພາກຕາເວັນອອກສຽງໃຕ້ ລຸກລາມຢ່າງໄວວາ ຫຼ້າສຸດເສຍຊີວິດທັງໝົດ 24 ຄົນ ແລະ ບາດເຈັບອີກຫຼາຍຄົນ. ສຳນັກຂ່າວຕ່າງປະເທດລາຍງານໃນວັນທີ 27 ມີນາ 2025 ກ່ຽວກັບສະຖານະການໄຟປ່າຄັ້ງຮ້າຍແຮງທີ່ສຸດໃນພາກຕາເວັນອອກສຽງໃຕ້ຂອງເກົາຫຼີໃຕ້ ທີ່ຍັງຄົງລຸກລາມເຜົາວັດເກົ່າແກ່ ແລະ ໄໝ້ອາຄານມໍລະດົກໂລກ...