spot_img
Homeຂ່າວເຫດການລາວ ເປັນເຈົ້າພາບກອງປະຊຸມ ຂະແໜງການເງິນ-ທະນາຄານອາຊຽນ+3

ລາວ ເປັນເຈົ້າພາບກອງປະຊຸມ ຂະແໜງການເງິນ-ທະນາຄານອາຊຽນ+3

Published on

ສປປ ລາວ ໄດ້ຮັບກຽດເປັນປະທານຮ່ວມກອງປະຊຸມຮອງລັດຖະມົນຕີການເງິນ ແລະຮອງຜູ້ວ່າການທະນາ ຄານອາຊຽນ+3 ( AFCDM+3 ) ທີ່ຈັດຂຶ້ນໃນວັນທີ 10-11 ທັນວາເດືອນ 2016 ຜ່ານມາ ທີ່ເມືອງກຸຍຢາງ, ສປ ຈີນ   ໂດຍມີທ່ານນາງ ວັດທະນາ ດາລາລອຍ, ຮອງຜູ້ວ່າການ ທະນາຄານແຫ່ງ ສປປ ລາວ ເປັນປະທານ ຮ່ວມກັບຝ່າຍຈີນທີ່ມີກະຊວງການເງິນ ແລະທະນາຄານປະຊາຊົນຈີນ, ນອກນີ້ຍັງມີບັນດາຮອງ ລັດຖະມົນຕີການເງິນ ແລະຮອງຜູ້ວ່າການທະນາຄານກາງອາຊຽນ+3 ( ລວມມີເຂດປົກຄອງພິເສດຮົງກົງ ), ກອງເລຂາອາຊຽນ, ຫົວໜ້າ ແລະຮອງຫົວໜ້າອົງການຈັດຕັ້ງສາກົນ ເປັນຕົ້ນ ທະນາຄານ ພັດທະນາອາຊີ (ADB), ກອງທຶນການເງິນສາກົນ (IMF), ຫ້ອງການຕິດຕາມສະພາບເສດຖະກິດມະຫາພາກຂອງພາກພື້ນອາ ຊຽນ+3 (AMRO) ແລະອົງການຈັດຕັ້ງສາກົນອື່ນໆເຂົ້າຮ່ວມ.
ກອງປະຊຸມໄດ້ຮັບຮອງເອົາຫຼາຍບັນຫາທີ່ສໍາຄັນພາຍໃຕ້ການຮ່ວມມືລະຫວ່າງອາຊຽນ ແລະ 3 ປະເທດຄູ່ຮ່ວມມືຄື: ສປ ຈີນ, ຍີ່ປຸ່ນ ແລະ ສ.ເກົາຫຼີ ໂດຍສະເພາະວຽກງານທີ່ຕິດພັນກັບຂໍ້ລິເລີ່ມຊຽງໃໝ່ ພາຍໃຕ້ການຮ່ວມມືແບບຫຼາຍຝ່າຍ (CMIM) ຊຶ່ງເປັນກົນໄກຊ່ວຍເຫຼືອທາງດ້ານການເງິນ ໃນເວລາຂາດສະພາບຄ່ອງໄລຍະສັ້ນ ເພື່ອປ້ອງກັນວິກິດການ ທາງດ້ານການເງິນໃນພາກພື້ນ ເປັນຕົ້ນການປັບປຸງເນື້ອໃນສັນຍາກົນໄກການກູ້ຢືມລະຫວ່າງສະມາຊິກໃນກອງທຶນ CMIM ໂດຍສະເພາະຄວາມເປັນໄປໄດ້ໃນການເພີ່ມອັດຕາສ່ວນການກູ້ຢືມໃຫ້ສາມາດກູ້ຢືມໄດ້ຫຼາຍຂຶ້ນ; ໄດ້ຮັບຮອງບັນດາຕົວຊີ້ວັດຕ່າງໆ ເພື່ອໃຊ້ໃນການປະເມີນສະພາບເສດຖະກິດມະຫາພາກ ຂອງແຕ່ລະປະເທດສະມາຊິກ ເພື່ອສາມາດຈັດຕັ້ງປະຕິບັດກົນໄກ CMIM ໄດ້ມີປະສິດທິພາບຍິ່ງຂຶ້ນ; ຮັບຮອງເອົາແຜນການທົບທວນ ສັນຍາ CMIM ແຕ່ນີ້ຈົນເຖິງປີ 2018 ຄຽງຄູ່ກັບການເຮັດທົດລອງເຫດການຕົວຈິງ (Test Run) ໃນເວລາປະເທດສະມາຊິກໃດໜື່ງມີຂໍ້ຫຍຸ້ງຍາກດ້ານສະພາບຄ່ອງ.

ສ່ວນວຽກງານການປັບປຸງຫ້ອງການ ຕິດຕາມສະພາບເສດຖະກິດມະຫາພາກຂອງພາກພື້ນອາຊຽນ+3 (AMRO) ພາຍຫຼັງທີ່ຫັນເປັນອົງການຈັດຕັ້ງສາກົນເມື່ອບໍ່ດົນມານີ້ ກໍ່ມີການປຶກສາຫາລື ແລະຕົກລົງກັນຫຼາຍບັນ ຫາ, ສໍາຄັນແມ່ນການຮັບຮອງເອົາທິດທາງຍຸດທະສາດຂອງຫ້ອງການ AMRO ແລະການປັບປຸງຂີດຄວາມສາມາດຂອງຫ້ອງການ AMRO ເພື່ອຊ່ວຍຂັບເຄື່ອນວຽກງານ CMIM ອີກແຮງໜຶ່ງ; ນອກນີ້ຕິດພັນກັບວຽກງານຂໍ້ລິເລີ່ມຕະຫຼາດພັນທະບັດອາຊີ (ABMI) ເຫັນວ່າມີຄວາມຄືບໜ້າເປັນລໍາດັບ ເຊິ່ງກອງປະຊຸມໄດ້ເນັ້ນໜັກເອົາໃສ່ໃຈໃນການຈັດຕັ້ງປະຕິບັດແຜນທິດທາງໃນການພັດທະນາ ແລະຊຸກຍູ້ວຽກງານສົ່ງເສີມການອອກພັນທະບັດຂ້າມແດນໃນພາກພື້ນໃຫ້ເປັນຮູບປະທໍາ ໂດຍຜ່ານຫຼາຍຊ່ອງທາງໃນການຂະຫຍາຍຕາໜ່າງການລະດົມທຶນຈາກພາກພື້ນໃຫ້ຫຼາຍຂຶ້ນ ໂດຍສະເພາະໃນຊຸມປີຕໍ່ໜ້ານີ້ ຈະໄດ້ສຸມໃສ່ການອອກພັນທະບັດສີຂຽວ ແລະບັນດາຜົນສໍາເລັດທີ່ກ່າວມານັ້ນ ເປັນການຢັ້ງຢືນຜົນງານຄັ້ງຍິ່ງໃຫຍ່ໃນຮອບ 10 ປີ ຂອງການເປັນປະທານໝູນວຽນອາຊຽນ ຂອງ ສປປ ລາວ ກໍຄື ທຫລ ທີ່ໄດ້ປະຕິບັດໜ້າທີ່ຂອງຕົນຢ່າງສົມກຽດ ແລະສໍາເລັດລົງຢ່າງຈົບງາມ.

ຂ່າວ: ໜັງສືພິມ ລາວພັດທະນາ

ບົດຄວາມຫຼ້າສຸດ

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...