ເຊື່ອບໍວ່າ ສິ່ງສຳຄັນທີ່ລູກໆ ຕ້ອງການຢາກໄດ້ຈາກພໍ່ແມ່ຫຼາຍທີ່ສຸດ ອາດບໍ່ແມ່ນເງິນຄຳ ຫຼືສິ່ງຂອງມີຄ່າ ແຕ່ເປັນຄວາມຮັກ, ການເອົາໃຈໃສ່ຂອງພໍ່ແມ່ຫຼາຍກວ່າ, ນີ້ເປັນ 7 ຄຳເວົ້າ ທີ່ລູກໆ ຢາກໄດ້ຍິນຈາກພໍ່ແມ່ ບໍວ່າຈະຢູ່ໃນສະຖານະການທີ່ດີ ຫຼືບໍ່ດີ ສິ່ງດຽວທີ່ເຂົາາຕ້ອງການຄືກຳລັງໃຈຈາກພໍ່ແມ່

1. ພໍ່ແມ່ຮັກລູກ: ການບອກຮັກລູກ ເປັນຄຳເວົ້າທີ່ມີພະລັງ ແລະມີຄວາມໝາຍທີ່ສຸດ ເພາະຄວາມຮັກທີ່ດີທີ່ສຸດຄືການເລີ່ມຕົ້ນຈາກໃນເຮືອນ, ຫາກລູກບໍ່ເຄີຍໄດ້ຍິນຄຳວ່າ “ຮັກ” ອອກຈາກປາກພໍ່ແມ່ກ່ອນ ກໍບໍ່ຮູ້ວ່າລູກຈະໄດ້ຍິນຄຳນີ້ຈາກໃຜ
2. ພໍ່ແມ່ພູມໃຈໃນຕົວລູກ: ການຍ້ອງລູກ ເມື່ອລູກເຮັດສິ່ງທີ່ຖືກຕ້ອງ ເປັນລາງວັນທີ່ດີທີ່ສຸດກວ່າ ການຊື້ຂອງຂວັນໃຫ້ເປັນການຕອບແທນ ເພາະຈະເຮັດໃຫ້ລູກເກີດຄວາມພູມໃຈຕົວເອງ ແລະພະຍາຍາມເຮັດສິ່ງທີ່ຕັ້ງໃຈໄວ້ຢ່າງປະສົບຄວາມສຳເລັດ
3. ເວົ້າ “ຂໍໂທດ” ໃນເວລາທີ່ພໍ່ແມ່ເຮັດຜິດ: ເຊິ່ງເປັນຕົວຢ່າງທີ່ບໍ່ດີໃຫ້ລູກ ເພາະເຂົາຈະຮຽນຮູ້ວ່າ ການເຮັດສິ່ງໃດ ທີ່ເກີດຈາກຄວາມຕັ້ງໃຈ ຫຼືບໍ່ຕັ້ງໃຈ, ການຂໍໂທດ ຄືສິ່ງທີ່ຄວນເຮັດທຳອິດ
4. ແມ່ໃຫ້ອະໄພລູກ: ເດັກນ້ອຍ ເມື່ອໃຫຍ່ກໍຍິ່ງມີຄວາມຄິດເປັນຂອງຕົນເອງຫຼາຍຂຶ້ນ ແລະບາງຄັ້ງອາດເຮັດໃຫ້ພໍ່ແມ່ໃຈຮ້າຍ ແຕ່ແນວໃດລູກກໍຄືລູກ ຄວນທີ່ຈະເວົ້າກັບລູກວ່າ “ໃຫ້ອະໄພລູກ” ແລະໃຫ້ເຫດຜົນກັບລູກ ເພື່ອໃຫ້ລູກໄດ້ຮູ້ ແລະບໍ່ເຮັດອີກ
5. ພໍ່ແມ່ຮັບຟັງລູກສະເໝີ: ເມື່ອລູກເລີ່ມເຂົ້າສູ່ໄວລຸ້ນ ກໍມີໂລກສ່ວນຕົວ ແລະເປັນຕົວຂອງຕົວເອງສູງ ພໍ່ແມ່ກໍເລີ່ມບັງຄັບ ຫຼືສອນລູກບໍ່ໄດ້ຄືເກົ່າ ແຕ່ພໍ່ແມ່ຄວນຕັ້ງຄຳຖາມໃຫ້ລູກຄິດ ແລະພ້ອມທີ່ຈະຍອມຮັບຟັງລູກ ທຸກເລື່ອງ ເຊິ່ງຈະຊ່ວຍໃຫ້ລູກຕັດສິນໃຈໄດ້ຢ່າງມີສະຕິ ແລະເຊື່ອໝັ້ນໃນຕົວເອງ
6. ນີ້ຄືສິ່ງທີ່ລູກຕ້ອງຮັບຜິດຊອບດ້ວຍຕົວເອງ: ພໍ່ແມ່ບໍ່ຄວນຊ່ວຍລູກແກ້ໄຂບັນຫາທຸກເລື່ອງ ເພາະການເຂົ້າໄປແກ້ໄຂບັນຫາໃຫ້ລູກ ແທນທີ່ຈະຢູ່ຫ່າງໆ ເພາະຄວາມຫ່ວງໃຍ ຈະເຮັດໃຫ້ລູກເຂົ້າໃຈວ່າບໍ່ຈຳເປັນຕ້ອງຮັບຜິດຊອບ, ດັ່ງນັ້ນ ພໍ່ແມ່ຄວນໃຫ້ລູກແກ້ໄຂບັນຫາເອງ ແລະພໍ່ແມ່ກໍຢູ່ຫ່າງໆເພື່ອຊ່ວຍເຫຼືອລູກຈະດີກວ່າ
7. ລູກຢາກເປັນຫຍັງກໍໄດ້ທີ່ຢາກເປັນ: ເມື່ອຮອດເວລາທີ່ລູກຮຽນຈົບ ພໍ່ແມ່ຄວນບອກລູກວ່າ “ລູກຢາກເປັນຫຍັງກໍໄດ້” ພໍ່ແມ່ຈະເປັນຄົນສະໜັບສະໜູນ ໃນສິ່ງທີ່ລູກຢາກເປັນ ເພື່ອໃຫ້ເຂົາສາມາດກຽມຕົວ ແລະພ້ອມທີ່ຈະປະເຊີນສະຖານະການ ຕໍ່ການໄປສູ່ເປົ້າໝາຍ ແລະຄວາມຝັນຂອງລູກໃນອະນາຄົດ

ຕິດຕາມນານາສາລະ ກົດໄລຄ໌ເລີຍ!