ສຳນັກຂ່າວຕ່າງປະເທດ ລາຍງານເມື່ອວັນທີ 25 ທັນວາ 2016 ຜ່ານມານີ້ວ່າ ວັນຄຣິດສະມາດປີນີ້ ສີລັງກາ ໄດ້ເປີດຕົວຕົ້ນຄຣິດສະມາດທີ່ສູງທີ່ສຸດໃນໂລກ ມີຄວາມສູງ 73 ແມັດ ຕັ້ງຢູ່ໃຈກາງ ນະຄອນໂຄລຳໂບ ເມືອງຫຼວງ ຂອງສີລັງກາ ດ້ວຍຄວາມສູງ ທີ່ສູງຫຼາຍກວ່າສະຖິຕິທີ່ເຄີຍບັນທຶກໄວ້ 18 ແມັດ, ເຊິ່ງສ້າງຂຶ້ນຈາກໂຄງເຫຼັກ ແລະລວດ, ຄຸມດ້ວຍຕາຂ່າຍພລາສຕິກ, ການຕົບແຕ່ງ ຕ້ອງໃຊ້ໝາກສົນ 1 ລ້ານໝາກ ມາທາສີແດງ,ເຫຼືອງ, ຂຽວ ແລະຟ້າ ເພື່ອເອົາໄປປະດັບ, ນອກຈາກນັ້ນ ຍັງມີການຕົບແຕ່ງດ້ວຍໂຄມໄຟ LED ຮອດ 600,000 ດວງແລະມີດາວຂະໜາດໃຫຍ່ 6 ແມັດຢູ່ເທິງຍອດຕົ້ນຄຣິດສະມາດ
ສຳລັບຕົ້ນຄຣິດສະມາດຕົ້ນນີ້ ໃຊ້ງົບປະມານໃນການສ້າງປະມານ 80.000 ດອນລາສະຫະລັດ ແລະໃຊ້ເວລາໃນການສ້າງດົນເຖິງ 4 ເດືອນ
