ຕາມການລາຍງານຂອງສຳນັກຂ່າວຕ່າງປະເທດເມື່ອວັນທີ 24 ທັນວາ 2016 ຜ່ານມານີ້ວ່າ ຄູ່ຮັກໄວອາຍຸສູງ ຄົນອາເມລິກາ ເຊິ່ງຜ່ານການສະຫຼອງ ການຄອງຮັກກັນ ມາດົນຮອດ 63 ປີ ທັງສອງໄດ້ເຂົ້າປິ່ນປົວຢູ່ໂຮງໝໍ ແລະໃນວາລະສຸດທ້າຍຂອງຊີວິດໄດ້ຈັບມືກັນ ແລະເສຍຊີວິດຫ່າງກັນບໍ່ພໍເທົ່າໃດຊົ່ວໂມງ
ແມ່ເຖົ້າ ໂດໂລເຮສ ວິນສເຕດ ອາຍຸ 83 ປີ ແລະ ພໍ່ເຖົ້າ ເທຣນ ວິນສເຕດ ອາຍຸ 88 ປີ ແຕ່ງງານກັນມາດົນ 63 ປີ ແລະໄດ້ເສຍຊີວິດໃນຫ້ອງດຽວກັນ ຢູ່ໂຮງໝໍເຊນໂຮມັສ ເວສ ຢູ່ເມືອງ ແນຊວິລ ລັດເທນເນສຊີ
ກ່ອນນີ້ ພໍ່ເຖົ້າເທຣນ ໄດ້ເຂົ້າໂຮງໝໍກ່ອນເມື່ອຕົ້ນເດືອນທັນວາ, ຈາກນັ້ນ ແມ່ເຖົ້າ ໂດໂລເຮສ ເກີດພາວະເສັ້ນເລືອດແດງໃຄ່ພອງ ລະຫວ່າງມາຢ້ຽມສາມີ ຢູ່ໂຮງໝໍ, ໃນວາລະສຸດທ້າຍ ແພໝໍ ໄດ້ເອົາທັງສອງມາຢູ່ຕຽງທີ່ໃກ້ກັນ ໃຫ້ທັງສອງໄດ້ຢູ່ຂ້າງກັນ ເຊິ່ງ ຝ່າຍຍິງ ໂດໂລເຣສ ເສຍຊີວິດໃນຕອນເຊົ້າ ຂອງວັນທີ 9 ທັນວາຜ່ານມາ ສ່ວນຝ່າຍຊາຍເສຍຊີວິດໃນຕອນແລງຂອງມື້ດຽວກັນ