ການຫຸງເຂົ້າໃນແຕ່ລະຄັ້ງ ປະໄວ້ບໍ່ດົນປານໃດເຂົ້າກໍຈະເລີ່ມມີກິ່ນບູດໄດ້ ເຊິ່ງບັນຫາດັ່ງກ່າວນີ້ຈະໝົດໄປຖ້າຫາກປະຕິບັດຕາມວິທີດັ່ງຕໍ່ໄປນີ້
- ຂັ້ນຕອນທຳອິດເອົາໝໍ້ທີ່ລ້າງສະອາດ ໃສ່ນໍ້າ 1/3 ຫຼື ¼ ຂອງໝໍ້ ແລ້ວເອົານໍ້າສົ້ມສາຍຊູໃສ່ 2 ບ່ວງແກງ, ເອົາໄປໃສ່ໃນໝໍ້ຄືກັບຈະຫຸງເຂົ້າ ກົດ COOK ຖ້າໃຫ້ນໍ້າຟົດ ແລ້ວເອົາໝໍ້ມາລ້າງໃຫ້ສະອາດ ແລ້ວຈຶ່ງຫຸງເຂົ້າ
- ວິທີນີ້ໃຊ້ເມື່ອມີເວລາດົນ ເອົາໝໍ້ໄປຄວໍ່າຕາກແດດກ້າໆ ໄວ້ 1 ແດດ (ຕັ້ງແຕ່ເຊົ້າທີ່ແດດເລີ່ມກ້າ ຈົນຮອດຕອນແລງແດດອ່ອນ) ຫຼັງຈາກນັ້ນເອົາໝໍ້ມາລ້າງໃຫ້ສະອາດອີກຄັ້ງ ແລ້ວຈຶ່ງຫຸງເຂົ້າ ຈະເຮັດໃຫ້ເຂົ້າບໍ່ບູດງ່າຍໄດ້ເຊັ່ນກັນ
- ຫຸງເຂົ້າພ້ອມໃສ່ນໍ້າສົ້ມສາຍຊູລົງໄປ 1 ບ່ວງຊາ ແລ້ວກົດຫຸງຕາມປົກກະຕິ ເຂົ້າຈະບໍ່ມີລົດຊາດສົ້ມ, ເຂົ້າຈະຢູ່ໃນອຸນຫະພູມຫ້ອງໄດ້ 4-5 ວັນ ໂດຍທີ່ບໍ່ບູດ, ບໍ່ມີກິ່ນ
- ທາເກືອລົງໄປໃນໝໍ້ໃຫ້ທົ່ວໝໍ້ ແລ້ວປະໄວ້ປະມານ 1-2 ຊົ່ວໂມງ ແລ້ວເອົາໝໍ້ມາລ້າງສະອາດ ຈຶ່ງເອົາໄປຫຸງເຂົ້າຄືເກົ່າ, ເຮັດແບບນີ້ 2-3 ເທື່ອ ໝໍ້ທີ່ເຄີຍເຮັດໃຫ້ເຂົ້າບູດ ກໍຈະບໍ່ບູດໄດ້ອີກ
- ເອົານໍ້າລົງໃນໝໍ້ 2 ຖ້ວຍ ແລະກົດ COOK ປະໄວ້ 15 ນາທີ ຈະຊ່ວຍທຳລາຍເຊື້ອຈຸລິນຊີທີ່ຄ້າງຢູ່ໄດ້ ແລະຊ່ວຍແກ້ໄຂບັນຫາເຂົ້າບູດໄດ້
ຕິດຕາມນານາສາລະ ກົດໄລຄ໌ເລີຍ!