spot_img
Homeຂ່າວຕ່າງປະເທດທ່ານບັນຄີມູນ ອາດລົງຊິງຕຳແໜ່ງປະທານາທິບໍດີເກົາຫຼີໃຕ້ ຫຼັງໝົດວາລະເລຂາຢູເອັນ

ທ່ານບັນຄີມູນ ອາດລົງຊິງຕຳແໜ່ງປະທານາທິບໍດີເກົາຫຼີໃຕ້ ຫຼັງໝົດວາລະເລຂາຢູເອັນ

Published on

ອີງຕາມການລາຍງານຂ່າວຂອງເອເອຟພີ ເມື່ອວັນທີ 17 ທັນວາ 2016 ຜ່ານມາວ່າ ທ່ານບັນຄີມູນ ເລຂາທິການສະຫະປະຊາຊາດ ຫຼືຢູເອັນ ທີ່ກຳລັງຈະໝົດວາລະໃນທ້າຍເດືອນທັນວານີ້, ໄດ້ເປີດເຜີຍເຖິງຄວາມເປັນໄປໄດ້ທີ່ຈະລົງແຂ່ງຂັນເລືອກຕັ້ງຊິງຕຳແໜ່ງປະທານາທິບໍດີເກົາຫຼີໃຕ້, ເຊິ່ງທາງທ່ານ ບັນຄີມູນ ບອກກັບສື່ຂ່າວວ່າ ຫຼັງຈາກໝົດວາລະຈະເດີນທາາງໄປພັກຜ່ອນກ່ອນ ຈາກນັ້ນຈຶ່ງຈະກັບເກົາຫຼີໃຕ້ ລະຊອກຫາຫົນທາງ ທີ່ຈະຮັບໃຊ້ປະເທດຊາດໃຫ້ໄດ້ດີທີ່ສຸດ

ຕາມການລາຍງານບອກວ່າ ການເລືອກຕັ້ງປະທານາທິບໍດີເກົາຫຼີໃຕ້ ຈະມີຂຶ້ນໃນເດືອນທັນວາ 2017, ແນວໃດກໍຕາມຫາກສານລັດຖະທຳມະນູນ ຕັດສິນຮອງຮັບມະຕິຖອດຖອນປະທານາທິບໍດີ ປາກ ກຶນເຮ ຜູ້ນຳຍິງເກົາຫຼີໃຕ້ ຈາກການພົວພັນຄະດີສໍ້ໂກງ ແລະແຊກແຊງກິດຈະການລັດຂອງນາງ ຊະເວ ຊຸນຊິນ ໝູ່ສະໜິດ, ກົດໝາຍກຳນົດໃຫ້ເລືອກຕັ້ງ ປະທານາທິບໍດີຄົນໃໝ່ພາຍໃນ 60 ວັນ, ເຊິ່ງທາງສານລັດຖະທຳມະນູນ ມີເວລາພິຈາລະນາຄະດີ 180 ວັນ

ທາງດ້ານບັນຍາກາດ ການປະທ້ວງຂັບໄລ່ປະທານາທິບໍດີ ປາກ ກຶນເຮ ຂອງຄົນເກົາຫຼີໃຕ້ ຍັງບໍ່ມີເຫດວຸ່ນວາຍ, ແຕ່ຜູ້ຊຸມນຸມຍັງພາກັນມາຊຸມນຸມໃນກຸງໂຊນ ເຂົ້າອາທິດທີ 8 ເພື່ອຮຽກຮ້ອງສານ ເລັ່ງພິຈາລະນາຄະດີ ແລະຕັດສິນຮັບຮອງມະຕິຖອດຖອນຜູ້ນຳຍິງຂອງເກົາຫຼີ ເຊິ່ງເຖິງແມ່ນບໍ່ມີອຳນາດການບໍລິຫານແລ້ວ ແຕ່ຍັງຄົງດຳລົງຕຳແໜ່ງປະມຸກລັດຂອງຊາດ ແລະເຮັດວຽກຢູ່ໃນທຳນຽບຂອງປະທານາທິບໍດີ, ເຊິ່ງທາງຜູ້ປະທ້ວງຮຽກຮ້ອງໃຫ້ປະທານາທິບໍດີລາອອກຈາກຕຳແໜ່ງທັນທີ ແລະເຂົ້າສູ່ຂະບວນການຄະດີອາຍາ

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...