ທ່ານບັນຄີມູນ ອາດລົງຊິງຕຳແໜ່ງປະທານາທິບໍດີເກົາຫຼີໃຕ້ ຫຼັງໝົດວາລະເລຂາຢູເອັນ

0
1844
(FILES) This file photo taken on November 15, 2016 shows United Nations Secretary-General Ban Ki-moon during the UN climate conference in Marrakesh. UN Secretary General Ban Ki-moon on December 14, 2016 condemned the military takeover of Gambia's independent electoral commission, calling on the army and police forces to immediately leave the IEC's offices. The seizure of the IEC on December 13 came after President Yahya Jammeh refused to recognize electoral defeat and accused the election body of vote-tampering. / AFP PHOTO / FADEL SENNA

ອີງຕາມການລາຍງານຂ່າວຂອງເອເອຟພີ ເມື່ອວັນທີ 17 ທັນວາ 2016 ຜ່ານມາວ່າ ທ່ານບັນຄີມູນ ເລຂາທິການສະຫະປະຊາຊາດ ຫຼືຢູເອັນ ທີ່ກຳລັງຈະໝົດວາລະໃນທ້າຍເດືອນທັນວານີ້, ໄດ້ເປີດເຜີຍເຖິງຄວາມເປັນໄປໄດ້ທີ່ຈະລົງແຂ່ງຂັນເລືອກຕັ້ງຊິງຕຳແໜ່ງປະທານາທິບໍດີເກົາຫຼີໃຕ້, ເຊິ່ງທາງທ່ານ ບັນຄີມູນ ບອກກັບສື່ຂ່າວວ່າ ຫຼັງຈາກໝົດວາລະຈະເດີນທາາງໄປພັກຜ່ອນກ່ອນ ຈາກນັ້ນຈຶ່ງຈະກັບເກົາຫຼີໃຕ້ ລະຊອກຫາຫົນທາງ ທີ່ຈະຮັບໃຊ້ປະເທດຊາດໃຫ້ໄດ້ດີທີ່ສຸດ

ຕາມການລາຍງານບອກວ່າ ການເລືອກຕັ້ງປະທານາທິບໍດີເກົາຫຼີໃຕ້ ຈະມີຂຶ້ນໃນເດືອນທັນວາ 2017, ແນວໃດກໍຕາມຫາກສານລັດຖະທຳມະນູນ ຕັດສິນຮອງຮັບມະຕິຖອດຖອນປະທານາທິບໍດີ ປາກ ກຶນເຮ ຜູ້ນຳຍິງເກົາຫຼີໃຕ້ ຈາກການພົວພັນຄະດີສໍ້ໂກງ ແລະແຊກແຊງກິດຈະການລັດຂອງນາງ ຊະເວ ຊຸນຊິນ ໝູ່ສະໜິດ, ກົດໝາຍກຳນົດໃຫ້ເລືອກຕັ້ງ ປະທານາທິບໍດີຄົນໃໝ່ພາຍໃນ 60 ວັນ, ເຊິ່ງທາງສານລັດຖະທຳມະນູນ ມີເວລາພິຈາລະນາຄະດີ 180 ວັນ

ທາງດ້ານບັນຍາກາດ ການປະທ້ວງຂັບໄລ່ປະທານາທິບໍດີ ປາກ ກຶນເຮ ຂອງຄົນເກົາຫຼີໃຕ້ ຍັງບໍ່ມີເຫດວຸ່ນວາຍ, ແຕ່ຜູ້ຊຸມນຸມຍັງພາກັນມາຊຸມນຸມໃນກຸງໂຊນ ເຂົ້າອາທິດທີ 8 ເພື່ອຮຽກຮ້ອງສານ ເລັ່ງພິຈາລະນາຄະດີ ແລະຕັດສິນຮັບຮອງມະຕິຖອດຖອນຜູ້ນຳຍິງຂອງເກົາຫຼີ ເຊິ່ງເຖິງແມ່ນບໍ່ມີອຳນາດການບໍລິຫານແລ້ວ ແຕ່ຍັງຄົງດຳລົງຕຳແໜ່ງປະມຸກລັດຂອງຊາດ ແລະເຮັດວຽກຢູ່ໃນທຳນຽບຂອງປະທານາທິບໍດີ, ເຊິ່ງທາງຜູ້ປະທ້ວງຮຽກຮ້ອງໃຫ້ປະທານາທິບໍດີລາອອກຈາກຕຳແໜ່ງທັນທີ ແລະເຂົ້າສູ່ຂະບວນການຄະດີອາຍາ