ໝາກໄມ້ ແລະສະໝຸນໄພພື້ນບ້ານ ທີ່ຊ່ວຍຫຼຸດຄໍເລດເຕີລໍ, ຫຼຸດໄຂມັນໃນເລືອດນັ້ນ ມີຫຼາຍຊະນິດ, ຖ້າຫາກໃຜ ຮູ້ສຶກວ່າມັກກິນອາຫານມັນ, ອາຫານຈືນຫຼາຍ ໃຫ້ຮີບມາຮູ້ຈັກກັບອາຫານເຫຼົ່ານີ້ດ່ວນ ເພາະຈະຊ່ວຍຫຼຸດໄຂມັນໃນເລືອດນັ້ນໃຫ້ໝົດໄປໄດ້
- ໝາກນອດ: ເປັນໝາກໄມ້ຊະນິດໜຶ່ງທີ່ນິຍົມກິນແບບສົດໆ ເພາະສາມາດຢັບຢັ້ງການຈະເລີນເຕີບໂຕຂອງເຊື້ອລາໄດ້, ມີສັບພະຄຸນຊ່ວຍແກ້ອາການນອນບໍຫຼັບ, ຫຼຸດໄຂມັນໃນເລືອດ ແລະພະຍາດກະເພາະພົກນໍ້າປັດສະວະອັກເສບໄດ້
- ສົ້ມພໍດີ: ຊ່ວຍຫຼຸດລະດັບໄຂມັນທີ່ດບໍ່ດີ ແລະເພີ່ມລະດັບໄຂມັນດີໃນຮ່າງກາຍ, ມີສັບພະຄຸນຕ້ານອະນຸມູນອິດສະລະ, ຊ່ວຍຕ້ານມະເຮັງ ແລະຢັບຢັ້ງການແກ່ກ່ອນໄວໄດ້ອີກດ້ວຍ
- ຜັກທຽມ: ເປັນສະໝຸນໄພທີ່ມີຊື່ສຽງ ເພາະມີສັບພະຄຸນທີ່ດີຕໍ່ຮ່າງກາຍ, ຊ່ວຍຫຼຸດອາການຈຸກສຽບແໜ້ນທ້ອງ, ຄວບຄຸມລະດັບໄຂມັນໃນເສັ້ນເລືອດ, ຊ່ວຍຮັກສາບາດແຜສົດ ແລະແຜຊໍ້າເຮື້ອໄດ້, ຊ່ວຍປ້ອງກັນການເປັນພະຍາດຫົວໃຈ ແລະຊ່ວຍຢັບຢັ້ງການເກີດພະຍາດມະເຮັງໄດ້
- ໝາກຖົ່ວລັນເຕົາ: ມີສານອາຫານທີ່ມີປະໂຫຍດຕໍ່ຮ່າງກາຍຫຼາຍ ເພາະມີວິຕາມິນບີ2, ໂປຣຕີນສູງ ແລະໄຂມັນຕໍ່າ, ຫຼຸດຄໍເລດເຕີລໍ, ຄວບຄຸມຄວາມດັນເລືອດ, ຫຼຸດການເກີດພະຍາດຫົວໃຈ ຊ່ວຍຫຼຸດຄວາມສ່ຽງພະຍາດເບົາຫວານ, ຊ່ວຍບຳລຸງສາຍຕາ, ແຂ້ວ ແລະກະດູກໃຫ້ແຂງແຮງ
- ໝາກເຂືອຍາວ: ມີສັບພະຄຸນຊ່ວຍຫຼຸດໄຂມັນໃນເລືອດໄດ້ເຊັ່ນກັນ, ຊ່ວຍດູດຊຶມຄໍເລດເຕີລໍຜ່ານລຳໄສ້ໄດ້ດີ
- ຫອມບົ່ວ: ອຸດົມດ້ວຍສານອະນຸມູນອິດສະລະ, ຊ່ວຍຫຼຸດຄໍເລດເຕີລໍ, ຫຼຸດຄວາມສ່ຽງເປັນພະຍາດຄວາມດັນເລືອດສູງ ແລະຫົວໃຈ, ບຳລຸງສະໝອງ ແລະມີສັບພະຄຸນຊ່ວຍຮັກສາສິວໄດ້
- ຂີງ: ມີສັບພະຄຸນຊ່ວຍຫຼຸດຄໍເລດເຕີລໍໃນເລືອດ ແລະຕັບໄດ້
ຕິດຕາມນານາສາລະ ກົດໄລຄ໌ເລີຍ!