ອີງຕາມສຳນັກຂ່າວຣອຍເຕີລາຍງານເມື່ອວັນທີ 18 ທັນວາ 2016 ວ່າ ເກີດອຸປະຕິເຫດທີ່ໂສກນາດຕະກຳຂອງອິນໂດເນເຊຍ ຍົນລຳລຽງພົນເຮີຄິວລິສ 130 (Hercules C-130) ຂອງກອງທັບອາກາດອິນໂດເນເຊຍ ເກີດອຸປະຕິເຫດລະຫວ່າງການຝຶກຮົບ ໄດ້ຕົກລົງບໍລິເວນພູລິຊູວາ ທີ່ຕັ້ງຢູ່ໃນເຂດວາເມນາ ແຂວງປາປົວທາງຕາເວັນອອກຂອງປະເທດ ເຮັດໃຫ້ນັກບິນ 3 ຄົນ ແລະລູກເຮືອທີ່ເປັນເຈົ້າໜ້າທີ່ທາງທະຫານ 10 ຄົນ ລວມທັງໝົດ 13 ຄົນທີ່ມານຳເຄື່ອງບິນເສຍຊີວິດທັງໝົດ
ເຄື່ອງບິນລຳລຽງພົນເຮີຄິວລິສ 130 ບິນອອກຈາກເມືອງຕິມິກາ ໃນເວລາປະມານ 05:36 ໂມງຕາມເວລາທ້ອງຖິ່ນ ຂອງວັນທີ 17 ທັນວາ 2016 ເຊິ່ງມີຈຸດໝາຍໄປເຂດວາເມນາ ແຕ່ວ່າໄປບໍ່ຮອດທີ່ໝາຍ ເຮັດໃຫ້ຍົນຕົກໃນເວລາ 06:15 ໂມງ
ສຳລັບສາເຫດຂອງອຸປະຕິເຫດ ອາດເກີດຈາກສະພາບອາກາດ ສົ່ງຜົນເຮັດໃຫ້ທັດສະນະວິໄສ ຂອງການບິນຫຼຸດລົງ ແລະເຮັດໃຫ້ເກີດເຫດໂສກນາດຕະກຳໃນຄັ້ງນີ້