ຫຼັງຈາກກິນເຂົ້າອິ່ມ ຫຼາຍຄົນມັກເຮັດກິດຈະກຳຕ່າງໆເຊັ່ນ: ບາງຄົນກໍກິນເຂົ້າໜົມ, ກິນໝາກໄມ້, ດື່ມນໍ້າ ຫຼືດື່ມເຄື່ອງດື່ມຕ່າງໆ, ບາງຄົນກໍລຸກຂຶ້ນຍ່າງ, ບາງຄົນກໍນອນ ແຕ່ຮູ້ ຫຼືບໍ່ວ່າ ພຶດຕິກຳຕ່າງໆ ຫຼັງກິນອາຫານອິ່ມສົ່ງຜົນດີ ແລະຜົນຮ້າຍ ຕໍ່ສຸຂະພາບຮ່າງກາຍ, ໂດຍສະເພາະ ໃຜທີ່ມັກອາບນໍ້າຫຼັງກິນເຂົ້າອິ່ມ ຕ້ອງລະວັງເລື່ອງສຸຂະພາບ
ກິນເຂົ້າອິ່ມແລ້ວ ບໍ່ຄວນລຸກເຮັດກິດຈະກຳທີ່ຕ້ອງອອກແຮງງານຫຼາຍເຊັ່ນ: ແລ່ນ, ຂຶ້ນຂັ້ນໄດ, ຍົກເຄື່ອງໜັກ ລວມເຖິງການອາບນໍ້າຫຼັງກິນເຂົ້າແລ້ວ ເພາະອາດເຮັດໃຫ້ເກີດອາການຈຸກ, ແໜ້ນທ້ອງ ແລະຍັງເຮັດໃຫ້ລະບົບການຍ່ອຍອາຫານເຮັດວຽກໜັກ, ຍັງເຮັດໃຫ້ລະບົບຍ່ອຍອາຫານດູດຊຶມສານອາຫານໄດ້ບໍ່ມີປະສິດທິພາບເທົ່າທີ່ຄວນ
ນອກຈາກນີ້ ການສູບຢາຫຼັງກິນອາຫານແລ້ວ ກໍເປັນສິ່ງທີ່ບໍ່ຄວນເຮັດ ເພາະນອກຈາກຈະເຮັດໃຫ້ທ້ອງອືດແລ້ວ ຍັງມີສ່ວນເພີ່ມປະລິມານສານພິດຈາກການເຜົາໄໝ້ຂອງຢາສູບໄດ້ຫຼາຍຂຶ້ນ, ເພາະຮ່າງກາຍກຳລັງເຜົາຜານອາຫານຢູ່, ຫາກໄດ້ສານນິກໂຄຕິນໄປນຳ, ຮ່າງກາຍກໍຈະໄດ້ຮັບມັນຫຼາຍຂຶ້ນ ຄືກັບສູບຢາກອກດຽວໄດ້ພິດຮອດ 10 ເທົ່າ
ເຫດຜົນທີ່ບໍ່ຄວນອາບນໍ້າຫຼັງກິນເຂົ້າອິ່ມ ຍ້ອນການຍ່ອຍອາຫານຂອງຮ່າງກາຍມີກົນໄກຫຼາຍຢ່າງ ດັ່ງນັ້ນຫຼັງຈາກກິນເຂົ້າອິ່ມ ຄວນໃຫ້ເວລາຮ່າງກາຍໄດ້ຍ່ອຍອາຫານຈັກ 10-15 ນາທີກ່ອນ, ບໍ່ໄດ້ໝາຍຄວາມວ່າໃຫ້ນັ່ງຢູ່ລ້າໆ ແຕ່ສາມາດເຮັດກິດຈະກໍາອື່ນໄດ້ເຊັ່ນ: ລ້າງຖ້ວຍ, ເບິ່ງໜັງ, ອ່ານໜັງສື ຫຼືກິດຈະກຳອື່ນໆທີ່ບໍ່ໄດ້ອອກແຮງຫຼາຍ ແລະສິ່ງທີ່ບໍ່ຄວນເຮັດຫຼັງກິນເຂົ້າອິ່ມຄື: ບໍ່ຄວນອາບນໍ້າ, ນອນ, ດື່ມນໍ້າອັດລົມ, ອອກກໍາລັງກາຍ ແລະເຄັ່ງຄຽດ ຫງຸດຫງິດ
ຕິດຕາມນານາສາລະ ກົດໄລຄ໌ເລີຍ!