ພະຍາດມະເຮັງປາກມົດລູກ ເປັນພະຍາດມະເຮັງທີ່ພົບເຫັນຫຼາຍທີ່ສຸດໃນແມ່ຍິງ ເຊິ່ງມັກເກີດໃນຊ່ວງອາຍຸ 30-70 ປີ ແຕ່ກໍອາດຈະກວດພົບນໍາຜູ້ທີ່ອາຍຸນ້ອຍເຊັ່ນ 20 ປີ ແລະໃນຜູ້ອາຍຸສູງ 70 ປີຂຶ້ນໄປ ເຊິ່ງຜູ້ທີ່ເປັນມັກຈະມີປະຫວັດການມີເພດສຳພັນຕັ້ງແຕ່ອາຍຸຍັງນ້ອຍ ທີ່ມີເພດສຳພັນຫຼາຍຄົນ ຫຼືມີເພດສຳພັນແບບບໍ່ປ້ອງກັນ ເຊິ່ງອາດເຮັດໃຫ້ເກີດຄວາມສ່ຽງຕໍ່ການຕິດເຊື້ອໄວຣັດເຮສພີວິ ທີ່ເປັນປັດໄຈສ່ຽງສຳຄັນ ຕໍ່ການເກີດມະເຮັງປາກມົດລູກໄດ້ ແລະຖ້າຫາກບໍ່ຢາກເປັນພະຍາດມະເຮັງນີ້ ເຮົາຕ້ອງປ້ອງກັນຕົວເອງດ້ວຍວິທີດັ່ງນີ້
- ຫຼີກລຽງການມີເພດສຳພັນແຕ່ອາຍຸຍັງນ້ອຍ
- ຫຼີກລຽງການມີເພດສຳພັນກັບຄູ່ນອນຫຼາຍຄົນ ຫຼືແບບບໍ່ປອດໄພ ເພື່ອຫຼີກລຽງພະຍາດຕິດຕໍ່ທາງເພດສຳພັນ
- ຮັກສາຄວາມສະອາດຂອງຮ່າງກາຍ ແລະອະໄວຍະວະໃຫ້ສະອາດຢູ່ສະເໝີ
- ການຄຸມກຳເນີດດ້ວຍການໃສ່ຖົງຢາງອະນາໄມ
- ກິນຜັກ ແລະໝາກໄມ້ໃຫ້ຫຼາຍໆ
- ບໍ່ສູບຢາ
- ອອກກຳລັງກາຍຢ່າງສະໝໍ່າສະເໝີ
- ພະຍາຍາມຮັກສານໍ້າໜັກໃຫ້ປົກກະຕິ
- ໝັ່ນກວດກ່ຽວກັບມະເຮັງໃນທຸກໆປີ ເພື່ອປ້ອງກັນໄວ້ກ່ອນ ແລະຖ້າຫາກເປັນກໍຈະປິ່ນປົວໄດ້ທັນເວລາ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ