ແສງຢູວີເອ ແລະຢູວີບີ ຈາກແສງຕາເວັນ ເຮັດໃຫ້ຜິວຜະລິດເມລານິນເພື່ອ ປ້ອງກັນຕົນເອງ ຈຶ່ງເຮັດໃຫ້ຜິວບໍລິເວນທີ່ຖືກແດດຈະດຳຂຶ້ນ, ນອກຈາກຖືກແດດແລ້ວ ຄວາມເປື້ອນ ຈາກມົນລະພິດທາງອາກາດ ແລະສານເຄມີກໍເປັນສາເຫດທີ່ເຮັດໃຫ້ຜິວດຳໄດ້, ຕີນມື ບາງຄັ້ງ ກໍເຮັດໃຫ້ເຈົ້າເສຍຄວາມໝັ້ນໃຈໃນຕົນເອງໄດ້, ມື້ນີ້ ເຮົາຈະມາແນະນຳ ວິທີປ່ຽນສີຜິວໃຫ້ຂາວນຽນຂຶ້ນ ເຊິ່ງສາມາດເຮັດໄດ້ງ່າຍໆດັ່ງນີ້
- ໂຢເກິດ: ເອົາໂຢເກິດສູດທຳມະຊາດ ມາທາ ແລະນວດບໍລິເວນທີ່ຕີນມືດຳ ທາປະໄວ້ 10-15 ນາທີ ຫຼັງຈາກນັ້ນ ລ້າງດ້ວຍນໍ້າ ສາມາດເຮັດອາທິດລະ 2 ເທື່ອ ເພື່ອປັບສີຜິວ
- ໝາກແຕງກວາ: ເອົາໝາກແຕງສົດມາຕັດເປັນຕ່ອນມາພອກໄວ້ຕີນມືທີ່ດຳນັ້ນ ປະໄວ້ 5-15 ນາທີ ເພື່ອເຮັດໃຫ້ຜິວຊັບນໍ້າໝາກແຕງ ກ່ອນທີ່ຈະລ້າງອອກ ສາມາດເຮັດ 2-3 ເທື່ອຕໍ່ມື້ ຫຼືອາດເອົານໍ້າໝາກແຕງ ແລະນໍ້າໝາກນາວມາປະສົມກັນ ແລ້ວເອົາໄປນວດມື ແລະຕີນ ປະໄວ້ 10-15 ນາທີ ຫຼັງຈາກນັ້ນລ້າງດ້ວຍນໍ້າເຢັນ ເຮັດມື້ລະ 2 ຄັ້ງໄດ້ ເພື່ອເຮັດໃຫ້ຜິວກັບມາຂາວນຽນຄືເກົ່າ
- ຫວ້ານຫາງແຂ້: ເອົາເຈວຈາກໃບຫາງແຂ້ ມາຖູມື ແລະຕີນ 5-10 ນາທີ ແລະປະໄວ້ 30 ນາທີ ຫຼັງຈາກນັ້ນລ້າງອອກດ້ວຍນໍ້າ, ແຕ່ຖ້າໃຊ້ວິທີຢູ່ ກໍບໍ່ຄວນໄປຕາກແດດໃນເວລາທີ່ທາເຈວຫວ້ານຫາງແຂ້ເທິງຜິວໜັງ
- ໝາກເລັ່ນ: ເອົາໝາກເລັ່ນມາຜ່າເປັນປ່ຽງ ແລ້ວເອົາໄປຖູຕີນມື ຄວນຖູ 2-3 ນາທີ ແລະຖ້າໃຫ້ນໍ້າໝາກເລັ່ນແຫ້ງເຂົ້າຜິວຈຶ່ງລ້າງອອກ ສາມາດເຮັດໄດ້ທຸກມື້ກ່ອນຈະອາບນໍ້າ
- ເຂົ້າ: ເອົາເຂົ້າສານ 1ຖ້ວຍນ້ອຍມາບົດໃຫ້ເປັນຜົງ ແລະປະສົມກັບນໍ້ານົມ ຄົນໃຫ້ເຂົ້າກັນດີແລ້ວ ແລ້ວກໍເອົາຂີ້ໝິ້ນຜົງໄປລົງນຳ ຈາກນັ້ນທາບໍລິເວນຜິວທີ່ດຳນັ້ນ ທາປະໄວ້ 30 ນາທີ ແລ້ວຂັດອອກດ້ວຍນໍ້າອຸ່ນ ສາມາດເຮັດອາທິດລະ 2-3 ເທື່ອ ຫຼືອາດຈະເອົານໍ້າມວກມາແຊ່ມື ແລະຕີນ ປະໄວ້ 10 ນາທີແລ້ວລ້າງອອກໄດ້ ເພື່ອເຮັດໃຫ້ຜິວກັບມາຂາວຄືເກົ່າ ແຕ່ຄວນເຮັດມື້ລະເທື່ອເທົ່ານັ້ນ
- ໝາກນາວ: ເອົາໝາກນາວຜ່າແລ້ວເອົານໍ້າຕານໂຮຍໃສ່ ມາຂັດຕີນມື ເພື່ອເຮັດໃຫ້ຜິວທີ່ຕາຍແລ້ວຫຼຸດອອກ ໂດຍຂັດ 10 ນາທີ ເຊິ່ງຄວນເຮັດອາທິດລະເທື່ອ ແລະບໍ່ຄວນເຮັດຫຼັງຈາກຖືກແດດມາໃໝ່ໆ
ຕິດຕາມນານາສາລະ ກົດໄລຄ໌ເລີຍ!