ຄວາມຄຽດ ເປັນບັນຫາໜຶ່ງທີ່ຄົນສ່່ວນຫຼາຍພົບ ເມື່ອເຮົາຕ້ອງເຮັດວຽກຫຼາຍຂຶ້ນ ເວລາມີໜ້ອຍລົງ, ຄວາມຮີບດ່ວນ, ການແຂ່ງຂັນ ລ້ວນແຕ່ເຮັດໃຫ້ເກີດຄວາມຄຽດໄດ້ໂດຍບໍ່ຮູ້ໂຕ ເຮັດໃຫ້ລະບົບຕ່າງໆໃນຮ່າງກາຍປັ່ນປ່ວນ, ເມື່ອເຮົາຮູ້ແບບນີ້ແລ້ວ ຕ້ອງຫາວິທີຮັບມືກັບຄວາມຄຽດ ເພື່ອບໍ່ໃຫ້ມາກວນໃຈເຮົາອີກຕໍ່ໄປ
- ໃຊ້ເທັກນິກການຜ່ອນຄາຍແບບຕ່າງໆເຊັ່ນ: ຫຼິ້ນໂຢຄະ, ນັ່ງສະມາທິ, ສູດລົມຫາຍໃຈເຂົ້າເລິກໆ ຫຼືການໄປນວດເພື່ອຜ່ອນຄາຍ
- ອອກກຳລັງກາຍ: ເພື່ອເຮັດໃຫ້ເຫື່ອອອກຊ່ວຍຄາຍຄຽດໄດ້
- ຈັດເວລາໃຫ້ເປັນ: ໂດຍເຮັດລາຍການສິ່ງທີ່ຕ້ອງເຮັດເປັນຂໍ້, ຈັດອັນດັບຄວາມສຳຄັນ ແລ້ວເລືອກສິ່ງທີ່ຈຳເປັນທີ່ສຸດເຮັດທຳອິດ, ເມື່ອເຮັດເລື່ອງໃດແລ້ວກໍຄວນຂ້າຖິ້ມ ຈະເຮັດໃຫ້ຮູ້ສຶກດີຂຶ້ນ
- ພັກຜ່ອນໃຫ້ພຽງພໍ ແລະນອນໃຫ້ຄົບ 8 ຊົ່ວໂມງ
- ຫາວິທີລະບາຍອອກມາ: ດ້ວຍການເລົ່າໃຫ້ຄົນອື່ນທີ່ເຮົາສະໜິດ ຫຼືຄົນທີ່ໄວ້ໃຈຟັງ ການໄດ້ລະບາຍສິ່ງທີ່ອັດອັ້ນໃນໃຈ ຈະເຮັດໃຫ້ຮູ້ສຶກດີຂຶ້ນ ແລະຫາທາງອອກຂອງບັນຫາໄດ້
- ຫາກິດຈະກຳການກຸສົນເຮັດ: ດ້ວຍການເປັນອາສາສະໝັກ, ຊ່ວຍເຫຼືອຄົນອື່ນໂດຍບໍ່ຫວັງຜົນຕອບແທນ ຈະເຮັດໃຫ້ຮູ້ສຶກສຸກໃຈ ແລະຍັງຊ່ວຍຫຼຸດຄວາມຄຽດໄດ້ອີກ
- ປະຖິ້ມສິ່ງທີ່ເຮັດໃຫ້ເກີດຄວາມຄຽດຊົ່ວຄາວ: ດ້ວຍການປ່ຽນໄປເຮັດສິ່ງທີ່ສະບາຍໃຈເຊັ່ນ: ອ່ານໜັງສື, ເບິ່ງໜັງ, ຟັງເພງ, ຫຼິ້ນເກມ ຫຼືໄປທ່ຽວ ຈະເຮັດໃຫ້ມີພະລັງຕໍ່ສູ້ກັບບັນຫາອີກຄັ້ງ
- ເມື່ອພົບບັນຫາຫຼາຍຢ່າງ: ໃຫ້ຄິດແກ້ໄຂເທື່ອລະເລື່ອງ, ຢ່າຄິດຫຼາຍເລື່ອງພ້ອມກັນໃນເວລາດຽວ
- ເບິ່ງໂລກໃນແງ່ດີສະເໝີ: ເມື່ອພົບບັນຫາໃຫ້ຄຽດ ຕ້ອງຄິດສະເໝີວ່າ ຕ້ອງມີທາງອອກທີ່ດີກວ່ານີ້
ຕິດຕາມນານາສາລະ ກົດໄລຄ໌ເລີຍ!