ເວົ້າໄດ້ວ່າຂ່າວໂທລະສັບລະເບີດໃນຊ່ວງນີ້ເບິ່ງຄືວ່າຈະງຽບໄປຫຼາຍໄລຍະກັນເລີຍ, ແຕ່ໃນມື້ນີ້ຂ່າວແບບນີ້ກໍຫວນກັບຄືນມາອີກແລ້ວເມື່ອມີລາຍງານບອກວ່າ: ເກີດມີ Samsung Galaxy S6 ລະເບີດທີ່ສາຍການບິນຂອງປະເທດຈີນ ໃນຖ້ຽວບິນ CI027 ທີ່ກຳລັງໄປກຸງໄທເປ, ໂດຍເຈົ້າຂອງເຄື່ອງໄດ້ຮັບບາດເຈັບທີ່ມືເລັກນ້ອຍ.
ໂດຍເຫດການເກີດຂຶ້ນເມື່ອເຈົ້າຂອງເຄື່ອງຮູ້ສຶກວ່າໂທລະສັບຕົນເອງມີຄວັນຂຶ້ນ ແລະເກີດລະເບີດເຮັດໃຫ້ເຈົ້າຂອງຕົກໃຈຈຶ່ງໄດ້ໂຍນໂທລະສັບຖິ້ມ, ໂດຍລູກເຮືອໃນຖ້ຽວບິນນັ້ນກໍເຂົ້າມາຊ່ອຍໂດຍການເອົາຖັງດັບໄຟຂະໜາດພົກພາສີດໃສ່ ແລະນຳເອົາໂທລະສັບດັ່ງກ່າວນັ້ນໄປແຊ່ໃນຖັງນ້ຳກ້ອນໄວ້. ເຊິ່ງເຫດການດັ່ງກ່າວມີຜູ້ໂດຍສານຄົນໜຶ່ງໄດ້ຖ່າຍຮູບສະພາບເຄື່ອງເອົາໄວ້ນຳຕາມຮູບດ້ານລຸ່ມນີ້:
ຖືວ່າເຫດການນີ້ຕ້ອງຂໍຊົມເຊີຍລູກເຮືອຫຼາຍໆທີ່ເຂົ້າມາຊ່ອຍເຫຼືອໄດ້ທັນເວລາ ຖ້າຊ້າໄປກວ່ານີ້ອາດເກີດອັນຕະລາຍໄດ້ ເພາະໃນຫ້ອງຜູ້ໂດຍສານນັ້ນມີແຮງດັນສູງເຊິ່ງມັນຈະເຮັດໃຫ້ໄຟສາມາດລາມໄປໄດ້ໄວນັ້ນເອງ.
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: phonearena