ໝາກໄມ້ຫຼາຍຊະນິດທີ່ເຮົາກິນ ເພື່ອເຮັດໃຫ້ມີວິຕາມິນ ແລະເກືອແຮ່ທີ່ມີປະໂຫຍດຕໍ່ຮ່າງກາຍ, ແຕ່ບໍ່ຮູ້ວ່າ ໄດ້ທຳລາຍເອົາສິ່ງມີປະໂຫຍດອອກໄປໝົດ ດ້ວຍການ “ປອກເປືອກ” ຖິ້ມນັ້ນເອງ, ມີໝາກໄມ້ຫຼາຍຊະນິດທີ່ບໍ່ຄວນປອກເປືອກ
- ໝາກສີດາ: ເປັນໝາກໄມ້ທີ່ມີວິຕາມິນຊີສູງ ແລະເປືອກກໍມີວິຕາມິນດີໆ ຢູ່ນຳຫຼາຍ, ດັ່ງນັ້ນ ຖ້າຫາກກິນທັງເປືອກໄດ້ ກໍຈະເຮັດໃຫ້ເຮົາມີວິຕາມິນ ທີ່ມີປະໂຫຍດຕໍ່ຮ່າງກາຍຫຼາຍຂຶ້ນ
- ແຄລັອດ: ມີເບຕ້າແຄໂຣທີນສູງ ແລະມີຫຼາຍຢູ່ໃນເປືອກ
- ໝາກເລັ່ນ: ບາງເມນູອາດຕ້ອງປອກເປືອກອອກ ແຕ່ຮູ້ບໍວ່າເປືອກຂອງມັນເປັນແຫຼ່ງລວມຂອງວິຕາມິນຊີ, ເບຕາແຕໂຣທີນ ແລະໄລໂຄປີນ ໂດຍສະເພາະໝາກເລັ່ນສຸກ
- ໝາກສາລີ່: ບາງຄົນມັກກິນໝາກສາລີ່ແບບປອກເປືອກ ແຕ່ຮູ້ບໍວ່າໃນເປືອກສາລີ່ ມີວິຕາມິນຊີສູງ ແລະມີສານຕ້ານມະເຮັງ ແລະຊ່ວຍຫຼຸດຄໍເລດເຕີລໍໃນຮ່າງກາຍອີກດ້ວຍ, ດັ່ງນັ້ນ ຫາກກິນສາລີ່ ເທື່ອໜ້າ ຄວນລ້າງແລ້ວກິນໄດ້ເລີຍ
- ໝາກແອັບເປິ່ນ: ໝາກໄມ້ທີ່ຫຼາຍຄົນກິນແລ້ວມັກປອກເປືອກຖິ້ມ ແຕ່ຮູ້ບໍວ່າແອັບເປິ່ນຈະສູນເສຍວິຕາມິນດີໆໄປເຊັ່ນ: ເຄວໍຊິທີນ ທີ່ຊ່ວຍປ້ອງກັນພະຍາດຫຼອດເລືອດ ແລະຫົວໃຈ, ວິຕາມິນຊີ ແລະໄຕຣເຕີປິນນອນ ທີ່ຊ່ວຍປ້ອງກັນມະເຮັງ
- ໝາກເຂືອມ່ວງ: ເປືອກຂອງມັນມີສານຊື່ວ່າ ນາຊູນິນ ທີ່ຊ່ວຍໃຫ້ຫົວໃຈແຂງແຮງ ແລະສານນີ້ຍັງຢູ່ ເຖິງແມ່ນຈະປຸງດ້ວຍຄວາມຮ້ອນ ຖ້າຫາກປອກເປືອກກ່ອນກິນ ຈະບໍ່ໄດ້ສານອາຫານດີໆແບບນີ້
- ແຕງກວາ: ເປືອກຂອງແຕງກວາມີໄຟເບີສູງ ຊ່ວຍໃຫ້ລະບົບຂັບຖ່າຍດີຂຶ້ນ ຊ່ວຍປ້ອງກັນອາການທ້ອງຜູກ ແລະມະເຮັງລຳໄສ້ໃຫຍ່
ແນວໃດກໍຕາມ, ຖ້າຈະກິນແບບບໍ່ປອກເປືອກແມ່ນ ຂໍໃຫ້ແນ່ໃຈວ່າຜັກຫຼືໝາກໄມ້ດັ່ງກ່າວສະອາດ ຫຼືປອດສານພິດເທົ່ານັ້ນ.
ຕິດຕາມນານາສາລະ ກົດໄລຄ໌ເລີຍ!