ເມື່ອຮ່າງກາຍມີອາຍຸຫຼາຍຂຶ້ນ ການກິນອາຫານກໍຕ້ອງລະມັດລະວັງຫຼາຍຂຶ້ນ, ເພາະຖ້າເຮົາຫາກບໍ່ລະມັດລະວັງ ຈະເຮັດໃຫ້ເກີດຜົນເສຍກັບສຸຂະພາບຂອງເຮົາໄດ້

1. ໂຢດເກິດ: ເປັນອາຫານສຳລັບຄົນຮັກສຸຂະພາບ ແຕ່ໂຢເກິດທີ່ມີລົດຊາດເຊັ່ນ: ລົດສະຕໍເບີລີ່, ບູເບີລີ່ ຈະມີສ່ວນປະສົມຂອງນໍ້າຕານຫຼາຍ, ຈຶ່ງບໍ່ຄວນກິນ ເພື່ອຫຼຸດປະລິມານໃນຮ່າງກາຍ
2. ອາຫານກະປ໋ອງ: ເພາະມີໂຊດຽມຫຼາຍ ແລະມີການສຶກສາພົບວ່າ ໂຊດຽມຈະເຮັດໃຫ້ມີຄວາມດັນເລືອດສູງ ແລະເຮັດໃຫ້ຜິວແກ່ກ່ອນໄວ
3. ອາຫານສຳເລັດຮູບ: ເຊັ່ນ: ເຂົ້າໜົມປັງ, ໄສ້ກອກ ກິນເປັນອາຫານເຊົ້າ ເຖິງຈະສະດວກໄວ ແຕ່ການກິນອາຫານຫວານ ໃນຕອນເຊົ້າ ຈະສົ່ງຜົນຕໍ່ນໍ້າຕານໃນເລືອດ ເຮັດໃຫ້ສ່ຽງຕໍ່ພະຍາດຫົວໃຈ
4. ນໍ້າອັດລົມ: ຜູ້ຊ່ຽວຊານດ້ານອາຫານຂອງອາເມລິກາບອກວ່າ: ຖ້າຫາກຢູ່ໃນໄວທີ່ຈະສ້າງຄອບຄົວ ແລະຕ້ອງການມີລູກ ເຄື່ອງດື່ມນໍ້າອັດຈະສົ່ງຜົນກະທົບຕໍ່ການຈະເລີນພັນຂອງເຈົ້າ, ຍັງມີສ່ວນກ່ຽວຂ້ອງກັບພະຍາດອື່ນອີກ
5. ແອວກໍຮໍ: ອາຍຸຫຼາຍຂຶ້ນ ລະບົບເຜົາຜານອາຫານຂອງຮ່າງກາຍກໍຈະເຮັດວຽກບໍ່ໄດ້ດີປານໃດ ໂດຍສະເພາະການກຳຈັດແອວກໍຮໍອອກຈາກຮ່າງກາຍ ເຮັດໃຫ້ຮ່າງກາຍເຮັດວຽກໜັກຂຶ້ນ
6. ກາເຟເຢັນ: ການດື່ມເຄື່ອງດື່ມທີ່ມີຄາເຟອິນ ບໍ່ແມ່ນເລື່ອງທີ່ຫ້າມ ແຕ່ການດື່ມເຄື່ອງດື່ມປະເພດນີ້ໃສ່ກັບຮໍ້າກ້ອນ ຈະເຮັດໃຫ້ເຈົ້າແກ່ໄວ, ຖ້າດື່ມຫຼາຍ ຈະເຮັດໃຫ້ນອນບໍ່ຫຼັບ ແລະ ພັກຜ່ອນບໍ່ພຽງພໍ
7. ກາເຟຫຼຸດນໍ້າໜັກ: ເພາະມີສ່ວນປະສົມຂອງຄວາມຫວານ ຫຼືນໍ້າຕານທຽມ ສານນີ້ຈະເຮັດໃຫ້ລະບົບເຜົາຜານບໍ່ເປັນປົກກະຕິ, ລະດັບນໍ້າຕານໃນເລືອດບໍ່ເປັນປົກກະຕິ, ອາດເຮັດໃຫ້ເກີດພະຍາດເບົາຫວານ ແລະຫຼອດເລືອດຫົວໃຈ
8. ເຄື່ອງດື່ມສຳລັບນັກກິລາ: ສຳລັບນັກກິລາ ການໄດ້ດື່ມແຄລໍລີ່ ແລະນໍ້າຕານ ຫຼັງຈາກຫຼິ້ນກິລາ ກໍເປັນສິ່ງທີ່ສາມາດເຮັດໄດ້ ແຕ່ສຳລັບຄົນທີ່ມີອາຍຸຫຼາຍກວ່າ 30 ປີ ຮ່າງກາຍຈະເຜົາຜານສິ່ງນີ້ໄດ້ຍາກ, ໃຫ້ຄິດສະເໝີວ່າ ຖ້ານໍ້າຕານໜ້ອຍເທົ່າໃດກໍຍິ່ງເປັນຜົນດີຕໍ່ສຸຂະພາບ
9. ເບີເກີຜັກ: ຫຼາຍໆຄົນ ກັງວົນໃນເລື່ອງການຄວບຄຸມໄຂມັນ ແລະແຄລໍລີ່ ຈຶ່ງພະຍາຍາມຫຼີກລຽງການກິນໂປຣຕີນ ແລະຊີ້ນສັດ ມາກິນເບີເກີຜັກແທນ, ແຕ່ນັ້ນຈະເຮັດໃຫ້ເຈົ້າແກ່ກ່ອນໄວ ເພາະຮ່າງກາຍບໍ່ໄດ້ຮັບສານອາຫານພຽງພໍ
10. ອາຫານວ່າງທີ່ມີນໍ້າຕານ: ເມື່ອຮ່າງກາຍເຂົ້າສູ່ເລກ 3 ການເຮັດວຽກຂອງຕັບກໍຈະບໍ່ດີຄືເກົ່າ, ດັ່ງນີ້ນຈຶ່ງຄວນຫຼີກລຽງອາຫານທີ່ມີສານພິດປົນ ໂດຍສະເພາະສານເພີ່ມຄວາມຫວານ ທີ່ໃຊ້ແທນນໍ້າຕານ ເພາະຈະເຮັດໃຫ້ຮ່າງກາຍເຮັດວຽກໜັກ
11. ໄສ້ກອກ, ແຮມ: ມີການວິໄຈພົບວ່າອາຫານປະເພດໄສ້ກອກ, ແຮມ ຈະເຮັດໃຫ້ປະລິມານ ແລະຄຸນນະພາບຂອງອະສຸຈິຫຼຸດລົງ ເພາະມີໄຂມັນສູງ ຈຶ່ງເຮັດໃຫ້ຜິວແຫ່ວຍານ ແລະເຮັດໃຫ້ເກີດຄວາມສ່ຽງຕໍ່ພະຍາດຫົວໃຈ ແລະເສັ້ນເລືອດອຸດຕັນ

ຕິດຕາມນານາສາລະ ກົດໄລຄ໌ເລີຍ!