ໄຂ່ໄກ່ເປັນອາຫານທີ່ມີຄຸນຄ່າທາງໂຄສະນາການ ທີ່ມີສານອາຫານທີ່ຮ່າງກາຍຕ້ອງການ ໃນໄຂ່ໄກ່ 1 ໜ່ວຍ ຈະໃຫ້ພະລັງງານປະມານ 75-80 ແຄລໍລີ່, ມີໂປຣຕີນສູງເຖິງ 7 ກຣາມ
- ໄຂ່ຂາວ: ປະກອບດ້ວຍໂປຣຕີນທີ່ມີຄຸນນະພາບສູງ ມີສານສໍາຄັນທີ່ເປັນອົງປະກອບຂອງໂປຣຕີນທີ່ອຸດົມດ້ວຍກົດອະມິໂນ 8 ຊະນິດ ທີ່ຈຳເປັນຕໍ່ຮ່າງກາຍ
- ໄຂ່ແດງ: ປະກອບດ້ວຍໂປຣຕີນ, ໄຂມັນ, ວິຕາມິນ ແລະແຮ່ທາດທີ່ສຳຄັນ, ມີໂອເມກ້າ 3, ມີໄຂມັນອີ່ມຕົວຫຼາຍ ທີ່ຊ່ວຍຫຼຸດອັດຕາສ່ຽງຕໍ່ການເກີດພະຍາດຫົວໃຈຂາດເລືອດ ເຊິ່ງມີຄຸນຄ່າຄືກັນກັບໄຂມັນໃນປາເຊວມອນ ແລະປາທະເລ
ນອກຈາກນີ້ ໂປຣຕີນທີ່ມີປະລິມານສູງໃນໄຂ່ໄກ່, ສານອາຫານຈຳພວກໄຂມັນ ແລະຄໍເລດເຕີລໍ ບໍ່ໄດ້ເປັນສາເຫດ ແລະຄວາມເຊື່ອງໂຍງໃດໆ ຕໍ່ພະຍາດຫົວໃຈ ແລະຫຼອດເລືອດ, ເມື່ອກິນໃນປະລິມານທີ່ເໝາະສົມ, ທີ່ສຳຄັນໄຂ່ໄກ່ 1 ໜ່ວຍ ຍັງມີວິຕາມິນ ແລະແຮ່ທາດຫຼາຍຊະນິດເຊັ່ນ: ບິຕາມິນເອ, ບີ1, ບີ2, ບີ6, ວິຕາມິນດີ, ໂຄລີນ, ອິໂນຊິທອນ, ແຄວຊຽມ, ຟອສຟໍຣັດ ແລະໂປແຕສຊຽມ, ໂຄລີນ ທີ່ຢູ່ໃນໄຂ່ນັ້ນ ເປັນສ່ວນປະກອບໃນສານທີ່ເອີ້ນວ່າ “ເລຊິຕິນ” ໂດຍປັດຈຸບັນພົບວ່າ ສານເລຊິຕິນນີ້ ເປັນທີ່ນິຍົມຂອງຜູ້ບໍລິໂພກ ທີ່ມັກກິນໃນຮູບອາຫານເສີມສຸຂະພາບ ຊ່ວຍບຳລຸງສະໝອງ ແລະປ້ອງກັນພາວະຄວາມຜິດປົກກະຕິຂອງລະບົບປະສາດ
ຕິດຕາມນານາສາລະ ກົດໄລຄ໌ເລີຍ!