ການເວົ້າຂອງຄົນເຮົາສາມາດປ່ຽນແປງສະຖານະການຕ່າງໆໄດ້ ແຕ່ເຮົາຕ້ອງມີສິລະປະໃນການເວົ້າ, ເວົ້າໄດ້ຢ່າງມີສະຕິ, ເວົ້າຈັບອົກຈັບໃຈຜູ້ຟັງ ຈະເຮັດໃຫ້ມີປະໂຫຍດແກ່ຜູ້ເວົ້າ, ແຕ່ຖ້າຫາກເວົ້າໂດຍບໍ່ຄິດຄຳນຶງ ຜົນທີ່ຕາມມາກໍເປັນສາເຫດເຮັດໃຫ້ເກີດໂທດແກ່ຕົນເອງໄດ້
- ປະໂຫຍດຂອງການເວົ້າ:
- ຊ່ວຍໃຫ້ເກີດຄວາມເຂົ້າໃຈເຊິ່ງກັນ ແລະກັນ
- ຊ່ວຍໃຫ້ກຳລັງໃຈຜູ້ທີ່ຟັງ
- ຊ່ວຍສ້າງມິດ ແລະຫຼຸດສັດຕູ
- ຊ່ວຍສ້າງແຮງຈູງໃຈຄົນອື່ນ ໃຫ້ມີຄວາມຕ້ອງການເຮັດຕາມທີ່ຜູ້ເວົ້າ ເວົ້າມາທັງໝົດ
- ຊ່ວຍແບ່ງປັນຄວາມຮູ້ ແລະຄວາມສາມາດໃຫ້ແກ່ຜູ້ຟັງ
- ເວົ້າດີ ເວົ້າມ່ວນ ມີສາລະ ກໍເຮັດໃຫ້ໄດ້ຮັບຄວາມເຂົ້າລົບນັບຖືຈາກຜູ້ຟັງ
- ໂທດຂອງການເວົ້າ:
- ສ້າງຄວາມເຂົ້າໃຈຜິດ ເຮັດໃຫ້ເກີດບັນຫາ ແລະຍັງສາມາດເຮັດໃຫ້ບັນຫາທີ່ມີຢູ່ໃຫຍ່ຂຶ້ນກວ່າເກົ່າ
- ສ້າງສັດຕູ ຖ້າຫາກເຮົາເວົ້າໂດຍບໍ່ຄິດຖີ່ຖ້ວນ
- ເຮັດໃຫ້ເກີດຄວາມເສຍຫາຍແກ່ສ່ວນລວມ ຖ້າຫາກວ່າມີຫຍັງກໍເວົ້າໃຫ້ຄົນອື່ນຟັງໝົດ ໂດຍບໍ່ມີຄວາມລັບຫຍັງເລີຍ
- ເຈົ້າເວົ້າແຕ່ສິ່ງທີ່ບໍ່ດີ ກໍເຮັດໃຫ້ຜູ້ທີ່ຟັງລັງກຽດ ບໍ່ຢາກເປັນໝູ່ເພື່ອນນຳ
- ເຮັດໃຫ້ຜູ້ເວົ້າບໍ່ມີຄວາມໜ້າເຊື່ອຖື ຫາກເວົ້າຕົວະຕະຫຼອດ
ຕິດຕາມນານາສາລະ ກົດໄລຄ໌ເລີຍ!