ກອງປະຊຸມສຸດຍອດຊາວໜຸ່ມຈີນ-ອາຊຽນຄັ້ງທຳອິດ ໃນຫົວຂໍ້ “ເຕົ້າໂຮມກຳລັງຊາວໜຸ່ມ, ລົງເລິກການຮ່ວມມືທີ່ຕິດແທດຕົວຈິງລະຫວ່າງຈີນ-ອາຊຽນ” ໄດ້ໄຂຂຶ້ນຢູ່ມະຫາວິທະຍາໄລປັກກິ່ງ ໃນວັນທີ 2-4 ທັນວາ ທີ່ຜ່ານມາ
ກອງປະຊຸມທີ່ດຳເນີນເປັນເວລາ 2 ວັນ ມີຜູ້ແທນນັກສຶກສາທີ່ເຂົ້າຮ່ວມປະຊຸມ ໄດ້ສົນທະນາ ແລະ ແລກປ່ຽນກັນກ່ຽວກັບບັນຫາພາກພື້ນທີ່ສຳຄັນລະຫວ່າງຈີນ-ອາຊຽນ ທີ່ໃຫ້ຄວາມສົນໃຈຮ່ວມກັນ ດ້ວຍຮູບການປາຖະກະຖາຫົວຂໍ້ສະເພາະ, ການສຳມະນາ, ການຈັດກອງປະຊຸມຈຳລອງ ແລະ ກິດຈະກຳວັດທະນະທຳ.
ໃນໂອກາດກ່າວປາໄສ, ຜູ້ຊົງຄຸນວຸດທິທີ່ເຂົ້າຮ່ວມປະຊຸມຫວັງໃຫ້ນັກສຶກສາຊາວໜຸ່ມທີ່ໄດ້ເຂົ້າຮ່ວມກອງປະຊຸມຈົ່ງປະສານງານກັບສະຖານະການຂອງສາກົນ ແລະ ພາກພື້ນ, ຕັ້ງໜ້າຄົ້ນຄວ້າ, ປະກອບຄຳຄິດຄຳເຫັນ, ເພື່ອເພີ່ມຄວາມເຂົ້າໃຈແລະ ຄວາມໄວ້ເນື້ອເຊື່ອໃຈກັນ, ສ້າງໃຫ້ເກີດຄວາມເປັນເອກະພາບກັນ ເພື່ອເສີມຂະຫຍາຍບົດບາດທີ່ຕັ້ງໜ້າຊຸກຍູ້ການສົ່ງເສີມສາຍພົວພັນລະຫວ່າງຈີນກັບອາຊຽນຢ່າງຕໍ່ເນື່ອງ.
ຂ່າວ: ສຳນັກຂ່າວສານປະເທດລາວ